Mə̀Hibrù 13:20 - Ikan feg

²⁰ Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.

Meta’

²⁰ Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

Mə̀Hibrù 13:20 Referans Kwoze

Jn 10:11

Yeso ya chè imbìghè ghà inɔb gha, “Mo ya àjənjə̀g chɔm. Àjənjə̀g chɔm ya bḛ ni ku imbə̀ʼ ìti njə̀g.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Rm 15:33

Ŋwiye we ne nàʼà àbɔrɔ̀bɔd yaʼ tì inən mbə̰ məjìm. À ya ane.

2 Tès 3:16

Tì we chàʼrà Ŋwiye inən gha, Anɔŋisəg ne zìyè àbɔrɔ̀bɔd igun bəd, wì ghiyə mbə̀ chughi ane àbɔrɔ̀bɔd mà nyumə̀ ijìm fɔrɔ inga inug ijìm. Anɔŋisəg yaʼ tì inən mbə̰ məjìm.

Jn 10:14

Àsi mo, mo ya àjənjə̀g chɔm. Mə kyèri ìtum njə̀g. Ìtum njə̀g bə̀ kyèri amə.

Ɨ̀fàʼì 2:24

Si ya gha, Ŋwiye ya zwemni aməd ane iwu, chì aməd ane ika we ne iwu beri imbə̀ʼ icheg ne chəyi iwu ya beri ika ni nyimi aməd.

1 Pità 2:25

Mbə̰ ya yaʼ icheg njə̀g te ne ya fèbe. Àsi amad anìŋ, mbə̰ fə ywìrì bə̀ndì ghò abɔ̀ʼ Àjənjə̀g, ne yaʼi Wə̀d we ne kyèʼrè awən.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Tèsàlonikà 1:10

Mbɔb mbe mə̀tə̀ icheg ne mbə̰ mbe se ghɔ̀mɔ̀ Ŋwan Ŋwiye we ne biri nɔ̀ʼ ikaŋ àbɔ̀ŋɔ yèʼe. Ŋwan Ŋwiye we ya Yeso we ne Ŋwiye ya ghi wì zwème ane iwu. À ya məd ya chi awa inga ngəʼ ze ne Ŋwiye biri gaŋ, si sɔb isaʼi zì igun bəd inug tibɔ̀ŋ.

Kòlosè 2:12

Mbi ya bə̀ twə̀ŋi awən tì Kristo anyumə̀ ne mbi ya zi awən inga mənib, mbə̀ niŋ mənib. Anyumə̀ ne mbi ya nɔ awən chì inga mənib ne mbə̀ yaya nìŋə mənib, à ya icheg ni gha, Ŋwiye ya bə̀ zwèmni awən ane iwu tì Kristo . Wì ya zwemni awən ane imbə̀ʼ icheg ne mbə̀ nɔŋi ìwən ibḛfiŋ igun ika Ŋwiye we ne ya zwemne Yeso ane iwu.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

Mə̀Hibrù 10:29

Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye?

Mə̀Hibrù 9:20

Wì ya gha, “Aŋa ya anəm ne Ŋwiye wàri ikan we ne wì gha inən gha mbə̀ se nɔ̀ŋɔ̀.”

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

Fìlipì 4:9

Anug ne mbə̀ ya nani inum, kə̀ anug ne mbə̀ ya zughi ne mə̀ ya gha anyumə̀ ne mə̀ yaya chwìte inug inən, kə̀ anug ne mbə̀ ya bàri inga ìmə ikuchèg, mbə̀ bə ghì. Mbə̰ mə̀ ghì ane, Ŋwiye we ne nàʼà àbɔrɔ̀bɔd biri yaʼ tì inən.

Rm 8:11

Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

Ɨ̀fàʼì 5:30

Ŋwiye ìmba mə̀mbaʼ ya zwemne Yeso we ne mbə̀ ya kɔ̀mbi igun azed abaʼri, zwèti.

Matìyò 26:28

Aŋa ya àmə anəm ne Ŋwiye fə niŋi ni wàd ikan feg tì inən angu. Anəm azo̰ ya àze ne biri chəmbi imbə̀ʼ ìtḛ̀ bəd nɔʼ nɔʼ ni ghì gha Ŋwiye waʼ ìmbɔb inug tibɔ̀ŋ.

Efesùs 1:20

we ne ya ghi Kristo zwème ane iwu, si chùghi ikaŋ àbɔ̀ŋɔ aba abo jəghi Ŋwiye.

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

2 Kɔrèn 4:14

Tè kyèri gha icheg ne tì yaʼi ane anug amɔʼ tì Anɔŋisəg Yeso, Ŋwiye biri bə zwemni awa iwu icheg ne wì ya zwemni aməd. Wì biri ghì ane, si niŋ awa tì ìnen tì fɔrɔ təm ibo imbìghè.

1 Kɔrèn 15:15

Ze mə̀ yaʼ ane, nji ze chwi gha tì ya ghàmà inug ako imbə̀ʼ Ŋwiye gha wì ya zwemne Kristo ne chəyi wì ya zwemne aməd. Ze mə yaʼ ni gha chəyi Ŋwiye ya zwemni Kristo, nji chəyi bəd ku biri zweme.

1 Kɔrèn 14:33

Mbə̀ ya ghìyə̀ ane imbə̀ʼ icheg ne chəyi Ŋwiye we ghìyə̀ inug inga àbùrì. Ŋwiye ya kə̀bə̀ gha bəd chughi ane àbɔrɔ̀bɔd. Icheg ne ze yaʼi inga tifeti bəd Kristo tijìm,

1 Kɔrèn 6:14

Ŋwiye we ne ya zwemni Anɔŋisəg biri bə zwemni awa ane ìwi ika.

Ɨ̀fàʼì 17:31

Wì ya nɔ̀ŋì aneg ne wì biri chè anjìm Wə̀d we ne wì ya chɔʼi, saʼ wə̀d ijìm inga isəg gho̰ ane icheg ne koʼi. Wì fə chwi aneni abə bəd məjìm gha zìye biri ghì ane icheg ne wì zwemni wə̀d we ne wì ya chɔʼi ane iwu.”

Ɨ̀fàʼì 13:30

Mbi ya jiʼì ghì ane, si ya gha, Ŋwiye ya zwemni aməd ane iwu.

Ɨ̀fàʼì 2:32

Ane, Ŋwiye ya zwemi Yeso gho̰ ane iwu. Mba mbo̰ məjìm ya bəd ne ya bàri ati.

Lk 22:20

Anyumə̀ ne mbi ya jəghi, wì ya bə̀ niŋ itoʼ mənoʼ ze, si gha, “Itoʼ ìzo̰ ya ikan feg ne Ŋwiye wàri tì inən ane àmə anəm ze ne tuyə imbə̀ʼ awən.

Mk 14:24

Wì ya ghà inɔb gha, “Aŋa ya àmə anəm ne Ŋwiye fə niŋi sɔb ikan feg tì inən. Anəm azo̰ ya anəm ne mə̀ tuti imbə̀ʼ bəd nɔʼ nɔʼ.

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

Rm 1:4

Si ya gha, ane icheg Azwighi ìzḛzḛ, Ŋwiye ya chwi gha Yeso Kristo Anɔŋisəg ya ìwi Ŋwan. Wì ya chwi ane icheg ne wì ya zwemni aməd ane iwu ane ika Azwighi məd.

Ɨ̀fàʼì 4:10

nji mbə̰ tì bəd məjìm inga Izre, mbə̀ kyeri gha, wə̀d gho̰ ne təmi inən imbìghè anìŋ, à ya ika we ne yaʼi inga ikum Yeso Kristo we a Nazarèd ghi aməd wì bɔ̀ti. Məd ya Yeso we ne mbə̀ ya kɔ̀mbi igun azed abaʼri, si ya gha, Ŋwiye ya zwemni aməd ane iwu.

Rm 10:7

Kə̀ ‹Wə̀d ne biri swiʼi ghò inga aben iwu bəd àkə we?› Ane ya ni ghì ghà Yeso kɔʼ yèʼe.”