Mə̀Hibrù 13:2 - Ikan feg

² Imbə̀ʼ mbə̰ waʼ awən anug ni ya nìŋə bəd tìsɔ̀ʼ inga ìmbən ichan. À ya ane ne bəd mɔ̀ʼɔ ya ghi, niŋ mbè angirə̀ inga ìtɔb nəb ne chəyi mbi ya kyeri gha à ya mbè angirə̀.

Meta’

² Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

Mə̀Hibrù 13:2 Referans Kwoze

Matìyò 25:35

Mə gha mbə̀ yeʼe jəg anug ìfɔ̀n imbə̀ʼ icheg ne: Njèg yaya zàŋa mə, mbə nàʼ ighijəg inum. Adɔʼ mənib yaya ko amə, mbə nàʼ mənib inum. Mə ya yaʼ wə̀d tìsɔ̀ʼ, mbə̀ niŋ amə inga ìtən nəb.

Rm 12:13

Mbə̀ ya wètè bəd Ŋwiye ni nàʼ ighi mbe ne chəyi mbɔb beri inɔb. Mbə̀ ya nìŋə bəd tìsɔ̀ʼ mbe ne yaʼi abɔ̀ʼ inən.

1 Pità 4:9

Mbə̀ niŋ bəd inga ìmbən ichan ane fìŋ ifibì.

Matìyò 25:43

Mə ya yaʼi wə̀d tìsɔ̀ʼ, chəyi mbə̀ ya niŋi amə inga ìtən nəb. Mə yaya yḛ̀ tì ìkyèrikye, chəyi mbə̀ ya zi ndwi inum ibəm. Mə yaya ghɔ̰̀, chəyi mbə̀ ya yeʼe kyèʼì mə. Mə ya yaʼ inga nəb ndəŋ, chəyi mbə̀ ya yeʼe nèn mə.›

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Matìyò 25:40

Ifɔn we biri si ywìtì inɔb gha, ‹Mə gha tesiʼ inən gha, icheg ne mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ ìmbum məfi, ane ya gha mbə̀ ya ghì yaʼ inum.›

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

Rm 16:23

Gayòs ne mə chùghə ibo inga achan tì bəd Kristo mbe ne nyìme ifeti ibo inga nəb mbe bə̀ chàʼrà awən. Èrastùs ne nɔ̀ŋɔ̀ ikab aben inga asiŋi azo̰ tì Kwatùs ne yaʼi ìwa ifi we bə̀ chàʼrì awən.

Ɨ̀fàʼì 16:15

Anyumə̀ ne mbi ya fə nàʼi mənib ibo fɔrɔ abə bəd məjìm mbe ne ya yaʼi ibo inga nəb, wì ya boʼ ibo ina, ghà gha, “Mbə̰ mə̀ niŋ gha mo ya wə̀d ne fə nɔŋi fìŋ igun Anɔŋisəg Yeso, mbə̀ yeʼe chùghi inum inga achan.” Wì ya ghà ane, nyi aton ina anene tì gho chùghi ibo inga achan.

3 Jɔn 1:5

Ìmə ifi ne mə̀ taŋ kɔ̀ŋ, àghò we taŋ fàʼà ane ìze fìŋ ijìm icheg ne àghò we taŋ ghìyə̀ inug chɔm abə bəd Kristo fɔrɔ abə mbe ne chəyi àghò bi kyèri awɔb.