Mə̀Hibrù 13:16 - Ikan feg

¹⁶ Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

Meta’

¹⁶ Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

Mə̀Hibrù 13:16 Referans Kwoze

2 Tès 3:13

Àsi awən, ìmba məfi fɔrɔ ìta njàbi, imbə̀ʼ mbə̰ si bɔd awən ni ya fàʼà inug ne koʼi.

Rm 12:13

Mbə̀ ya wètè bəd Ŋwiye ni nàʼ ighi mbe ne chəyi mbɔb beri inɔb. Mbə̀ ya nìŋə bəd tìsɔ̀ʼ mbe ne yaʼi abɔ̀ʼ inən.

Gàlesìyà 6:10

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Fìlipì 4:18

Mə fə bàd ighi mbe ne mbə̀ cha inum. Ighi mbe ne mbə̀ cha mbe kòʼ chè. Mə fə bèrì ìmbum ighi ijìm icheg ne mbə̀ cha Èpàfròditùs wì yeʼe nàʼ ighi inum. Ighi mbe ne mbə̀ ya nàʼi ya icheg ighi àfàtì ne nyòʼro ifɔ chɔm ne ghìyə̀ fìŋ Ŋwiye bɔŋɔ̀.

Efesùs 4:28

Wə̀d ne jìye, imbə̀ʼ wì ywiri jiye yi. Wì se fàʼà kwàʼ ane ìmbi ibo imbə̀ʼ bèrì ighi ne tì wì nàʼ mbi mɔ̀ʼɔ abə bəd ne chəyi àzɔb.

1 Tèsàlonikà 5:15

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

3 Jɔn 1:11

Ìmə ìsə̀ʼ ne mə̀ taŋ kɔ̀ŋ, imbə̀ʼ àghò niŋ awe ikuchèg tibɔ̀ŋ we. Àghò ya ghìyə̀ yaʼ inug chɔm. Àghò wendi gha, mbi ya kyere wə̀d Ŋwiye chɔm ane inug chɔm ne we ghìyə̀. Àghò bə wèndi gha, bəd ne ghìyə̀ inug tibɔ̀ŋ, ze ya chwìye gha chəyi mbɔb yaʼi ane anug amɔʼ tì Ŋwiye.

Gàlesìyà 6:6

Mbə̀ bə kyèri gha, wə̀d we ne mbe chwìte Ìngam Ŋwiye ibo, wì bèrì ni ghàpì ighi chɔm chɔm məd ijìm tì wə̀d we ne chwìte Ìngam Ŋwiye ibo.

Filemɔ̀n 1:6

Mə we chàʼrà Ŋwiye gha, àghò təm kà icheg ne àghò nɔŋi ìwe ibḛfiŋ igun Kristo icheg ina. Ane, Ŋwiye ghiyə àghò taŋ kyèri inug chɔm chɔm ijìm mbe ne tì beri icheg ne tì yaʼi ane ifɔti tì Kristo.

Fìlipì 4:14

Mbə̰ ya ghì anug chɔm icheg ne mbə̀ ya wèti amə anyumə̀ ne mə̀ ya yaʼi inga ngəʼ.

Ɨ̀fàʼì 9:36

Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.