Mə̀Hibrù 10:23 - Ikan feg

²³ Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi.

Meta’

²³ Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 10:23 Referans Kwoze

1 Tèsàlonikà 5:24

Məd we ne kàri awən ya ghìyə̀ inug mbe ne wì ya kàʼi. Wì biri ghì inug mbo̰.

1 Kɔrèn 1:9

Ŋwiye we ne kàri awən gha mbə̀ chughi ane ifɔti tì Ŋwan məd, ìwa Anɔŋisəg Yeso Kristo, məd we fàʼà anug ne wì ya kàʼi.

2 Tès 3:3

Anug ne angu ya gha, Anɔŋisəg ya fàʼà inug mbe ne wì kàʼi. Wì biri nàʼ ika inən bə̀ kyèʼrì awən ni ghì gha imbə̀ʼ mbə̰ nyi awən ikye abo abə Wə̀d Tibɔ̀ŋ.

Mə̀Hibrù 6:18

Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

1 Kɔrèn 10:13

Chəyi anug mɔ̀ʼɔ ne kwàʼrà awən ne chəyi ze kweʼì kwàʼrì bəd ndəŋ. Ŋwiye we fàʼà anug ze ne wì kàʼi. Ane, chəyi wì biri sàŋì gha àkwàʼrì ne ka chè awən ze nyi igun inən. Anyumə̀ ne mbi kwaʼri awən, wì biri chwi inɔnjì inən ne mbə̀ biri nyìʼ fìŋ anene dù inga àkwàʼrì ze.

Ɨnû 3:11

Mə biri zàmbi yeʼe. Àghò nɔŋɔ fìŋ igun inum, ni ghì gha imbə̀ʼ wə̀d mɔ̀ʼɔ si niŋ yi ineʼi we ne àghò bèri.

Jems 1:6

Anug ne angu ya gha, anyumə̀ ne wə̀d we nɔ̰ aghi mɔ̀ʼɔ abə Ŋwiye, wì bere ibḛfiŋ gha Ŋwiye biri nàʼ ibo. Wì bere ibḛfiŋ. Imbə̀ʼ wì jəmə yi imbə̀ʼ icheg ne, wə̀d ne jə̀mə̀ ya icheg àwàwà ne afim ze ghìyə̀ ze chè kɔ̀ʼɔ chè swìʼe.

Mə̀Hibrù 11:11

Ka Abràham ya fə nùn, ne iweg məd Sèra ya bə yaʼ kɔ̀m àyi, à ya ibḛfiŋ ya ghi gha wì ywirì gwi ŋwan. Ze ya yaʼ ane imbə̀ʼ icheg ne Abràham ya bḛ gha Ŋwiye we ne kàʼi ni nàʼ ŋwan ibo ya fàʼà anug ne wì kàʼi.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

2 Kɔrèn 9:13

Icheg ne mbə̀ nàʼi ighi abə bəd Kristo fɔrɔ abə bəd ndəŋ ni chwi gha mbə̰ mbe zùgrə ikən chɔm imbə̀ʼ Kristo, bəd nɔʼ nɔʼ biri se ghùmnə Ŋwiye.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.