Lk 21:12 - Ikan feg

¹² Si ya gha, bɔŋ inug mbo̰ ijìm se dùwə̀, mbi biri gwìtì awən bə̀ chə awən. Mbi biri bə sìmì awən ghò inga məchamì Ŋwiye, bə̀ zì awən inga nəb ndəŋ . Mbi biri bə niŋ awən ghò abə məfɔn tì abə bəd ne sàʼa aben. Inug mbo̰ ijìm ya məyi imbə̀ʼ ìmə ikum.

Meta’

¹² Àyɨə bɔŋ ɨnû mbɔ̂ jìm sɨə ghɨ̀ə̀, mbɨ bɨrɨ gywɨ əwən, nwèndɨ̀ tə rɨkyerɨ-ɨwu, nàʼ əwən ni mbɨ saʼ ɨŋga nəb rɨ ə̀kàtɨ̀, zɨ̀ əwən ə ndəŋ bə̀ nɨŋ əwən wò ɨfě mɨfɔ̂n mbɨ ɨfě mɨ̀gɔmnà ɨmbə̀ʼ əmɨ.

Lk 21:12 Referans Kwoze

1 Pità 2:13

Icheg ne mbə̀ bḛ Anɔŋisəg, mbə̀ zugri itog bəd ijìm mbe ne mbi nɔŋi igun inən gha mbe ya tùmbə̀ awən: Kə̀ àkə ifɔn kyen we ne yaʼi atog abə məfɔn mbin,

Ɨ̀fàʼì 22:30

Atog wə̀d kyen igun mə̀sogyì ya kə̀b ni kyeri aton ne mə̀Ju mbe yaya zìyè isaʼi igun Pɔl. Ane, wì ya nɔ̀ʼ isu abɔ̀ʼ gha mbe za Pɔl. Wì ya bə̀ ghà abə itog bəd mbàn Ŋwiye fɔrɔ abə bəd ne sàʼa aben məjìm gha mbe yeʼe bɔ̀mbì. Ane, wì ya ghì Pɔl təm inɔb imbìghè.

Ɨ̀fàʼì 9:4

Wì ya bu igun nyam fen aseg si zug gì mɔ̀ʼɔ ne ya ghà ibo gha, “Sɔl! Sɔl! Aton ne àghò we chɔ̀ʼɔ ìmbum ibɔʼì ighog àkə gha?”

Ɨ̀fàʼì 8:3

Sɔl ya ko anug ni nimni bəd Kristo. Ane, wì ya ko se nyḭ̀yḛ anəb anəb nè chìyè bəd mbe ne ya bḛ Kristo, mbaŋà fɔrɔ mə̀yi, ghò zìyè inga nəb ndəŋ .

Ɨ̀fàʼì 5:40

Bəd mbe ne sàʼa aben ya zug ikə ìwi Gàmalìyè. Ane, mbi ya ywìrì kàrì bədtɔm mbe, mbi nyi inga nəb. Mbi ya ywiri awɔb ane ngwàn bə̀ pàti awɔb gha imbə̀ʼ mbi nɔ̀ʼ ywìrì ghà anug mɔ̀ʼɔ abə bəd ane ikum Yeso. Mbi ya ghì ane si sàŋì awɔb, mbi ghò.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Matìyò 22:6

Mə̀mbin ya gwìtì bəd àfàʼì məd mbe ne wì ya cha, chə awɔb, zwèti.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Matìyò 24:8

Inug mbo̰ ijìm biri yaʼ icheg ne àyi we ko ni zug tibuʼ anyumə̀ ne we nɔ̀mbɔ.

Lk 21:11

Isiŋi iseg biri ghùd kwàʼ ane ika. Nyùmə̀ njèg ka ka fɔrɔ ighɔn tibɔ̀ŋ biri niŋ iba iseg mɔ̀ʼɔ. Inug ne bəd ya bɔ tì ineni kyen kyen biri dù ikaŋ.

Jn 15:21

Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.