Lk 16:16 - Ikan feg

¹⁶ Mbi ya chwìte mə̀nɔ̀ʼɔ̀ Muse tì inug mbe ne bədkə̀n Ŋwiye ya gha bɔŋ Jɔn we ne yaya nàʼà mənib se pè. Nɔ̀ʼ ane nyùmə̀ we, bəd mbe mə̀tə̀ ikən chɔm imbə̀ʼ anug ìfɔ̀n Ŋwiye. Bəd məjìm mbe se kìrə ika ni nyi inga anug ìfɔ̀n ze.

Meta’

¹⁶ “Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Lk 16:16 Referans Kwoze

Matìyò 21:32

Mə ghà ane imbə̀ʼ icheg ne Jɔn ya yeʼe inən ni chwi inɔnjì ne koʼi, si ya gha, chəyi mbə̀ ya bḛ ìngam məd. Àsi bədtag tì ìkwàrì, mbi ya bḛ ìngam məd. Ka bèyi anyumə̀ ne mbə̀ ya bàri icheg ne bədtag fɔrɔ ìkwàrì ya bḛ ìngam məd, chəyi mbə̀ ya bə̀ŋi ìtən fìŋ bḛ ìngam məd.”

Jn 1:45

Filib ya nɔ̀ʼ ghò bàd wə̀d mɔ̀ʼɔ ne ikum məd ya Nàtanìyè, ghà ibo gha, “Tè bàd wə̀d we ne Muse ya ŋwàʼri inug imbə̀ʼ aməd inga mə̀nɔ̀ʼɔ̀, ne bədkə̀n Ŋwiye ya bə̀ ŋwàʼrì inug imbə̀ʼ aməd. Ikum məd ya Yeso. À ya ŋwan Jòseb we a Nazarèd.”

Lk 16:31

Abràham ya ywìtì gha, ‹Àmə chəyi mbi zug anug ne Muse tì bədkə̀n Ŋwiye mbe ghà, chəyi mbi biri bə zug ka wə̀d bə̀ zwème ane iwu ghò ghàm inɔb.›”

Matìyò 3:2

Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Ɨ̀fàʼì 3:18

Aŋa ya anug ze ne Ŋwiyekɔʼ ya ghum chè anjìm bədkə̀n məd məjìm ghà. Wì ya gha, ‹Wə̀d we ne Ŋwiye zɔ̀ʼi biri ghum zə̰ ngəʼ.›

Lk 16:29

Abràham ya ywìtì gha, ‹Mbɔb beri Muse tì bədkə̀n Ŋwiye ne pàta awɔb, mbɔb zug anug ne mbɔb ya ghà.›

Lk 10:11

‹Mbə̀ kyeri gha tè kùtì agwi ne nɔ̀ʼi inən inga aben ane ìmba ighog igun inən. Si ya gha, mbə̀ wendi gha anug ìfɔ̀n Ŋwiye fə yeʼe si iban inən.›

Lk 10:9

Mbə̀ ghuyə bəd ne ghɔ̰̀ inga asiŋi ze bə̀ ghà abə bəd inga asiŋi ze gha, ‹Anug ìfɔ̀n Ŋwiye fə yeʼe si iban inən.›

Matìyò 4:17

Ni ko anyumə̀ we se ghò imbìghè, Yeso ya se ghàmà Ìngam Ŋwiye. Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Lk 9:2

Wì ya tɔm awɔb gha mbe gho nè chètè anug ìfɔ̀n Ŋwiye bə̀ ghù bəd ne ghɔ̰̀.

Mk 1:14

Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye.

Matìyò 10:7

Icheg ne mbə̰ mbe ghò, mbə̀ nye chètè gha, ‹Anug ìfɔ̀n ikaŋ fə tinde.›

Jn 12:19

Mə̀Farìsi ya se ghàmà mbɔb mbɔb gha, “Mbə̀ nḛ, tì ya anìŋ nìme. Bəd məjìm ya anìŋ se bène awɔb yaʼ abɔ̀ʼ məd!”

Jn 11:48

Tì mə sàŋì aməd gha wì che imbìghè ni fàʼ iyeti inug mbo̰ ne wì ya fàʼà anìŋ, nji bəd məjìm biri zì ìwɔb ibḛfiŋ igun məd. Ane, ze biri ghì məRom yeʼe chìkì ìza mbàn Ŋwiye bə̀ nìmni àza aben.”

Mk 1:45

Wì ya pati aməd ane, si ya gha, mbaŋà ze ya nɔ̀ʼ ko yḛ̀ nè sàʼa anug ze isiŋi ijìm. Àze ya ghì gha imbə̀ʼ Yeso ywirì nyi yi inga asiŋi ndəŋ asaŋ asaŋ. Wì ya si ghò chùghi yaʼ ane asiŋi ne chəyi bəd angu. Si ya gha, bəd yaya kiri nɔʼɔ̀ ane isiŋi ijìm se ghò kɔ̀tɔ aməd angu.

Matìyò 4:23

Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Matìyò 15:11

Kayi aghi ne nyḭ̀yḛ inga ichug abə wə̀d ze ghìyə̀ gha imbə̀ʼ tengàŋ zḛ yi. Aghi ne ghìyə̀ gha imbə̀ʼ wə̀d zḛ yi ya aghi ne dùwə̀ inga ichug abə wə̀d.”

Jn 5:4

Angirə̀ Ŋwiye yaya yèʼe ni chìʼrì atəŋ ze. Anyumə̀ ne igyi we chìʼrè, wə̀d aghɔn mbègtog ne biri nyi inga atəŋ, kə̀ àkə iku aghɔn weg, aghɔn məd ya mèghè.]