Lk 16:1 - Ikan feg

¹ Yeso ya ghàm ìngam məgri abə mə̀mə̀nənùg məd gha, “Wə̀d ikab mɔ̀ʼɔ ya nɔŋi wə̀d gha we nḛ ìmbi ighi. Mbi ya ghà abə wə̀d ikab we gha wə̀d àfàʼì məd we iwe nyìme ighi məd icheg ako bə̀ chìkə̀ ikab məd abu abu.

Meta’

¹ Yeso nyaʼa bə̀ yì ghà əmbɨ mbi mə̀mə̀ə̀nɨ̀-ɨnû ni, “Wə̀d mbɔ̂n mɔʼɔ wɨə nyaʼə əŋgu nɨ nyaʼa berɨ wə̀d nɨə nəŋgɨ ɨghɨ məd. Bə̂d mɔʼɔ nyaʼa wò ghà əmbɨ wə̀d mbɔ̂n we ni wə̀d we wɨə chə̀kɨ̀ ɨghɨ məd.

Lk 16:1 Referans Kwoze

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

Lk 12:42

Anɔŋisəg ya ywìtì ibo gha, “Wə̀d àfàʼì ne fàʼà ane ìzi fìŋ ijìm bə̀ bèrì iwe, à ya məd ne mbaʼ àfàʼì biri nɔ̀ŋì aməd ane atog wə̀d igun bəd àfàʼì mbin ni gha wì se nàʼà tijəg inɔb igun nyumə̀.

Jems 4:3

Mbə̰ mbe nɔ̰ ighi chəyi Ŋwiye we nàʼà inən imbə̀ʼ icheg ne mbə̰ ya nɔ̰ tì tikɔndi tibɔ̀ŋ. Mbə̰ ya bìre yaʼ ighi mbe ne mbə̀ biri niŋ se fàʼà inug mbe ne bɔ̀ŋɔ̀ inən.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

Lk 15:30

Àsi anyumə̀ ne ìwe ŋwan gho̰ ne kuri ìmbe ighi ijìm tì mə̀yi wì yèʼe, àghò zwèti azaʼ pɔ̀ŋ ibo.›

Lk 15:13

Chəyi agha ya sa, ìwi njìm we feti ìmbi məd tì ighi ijìm ghò yi a aben mɔ̀ʼɔ ne agha sa. Wì ya pè angu kud ìmbi tì ighi ane icheg ne bə anene mbi mèg.

Lk 19:20

Wə̀d àfàʼì ndəŋ ya ywìrì yeʼe pè ghà ibo gha, ‹Masà, Kò ìwe ikab. Mə ya kɔd ìwe ikab inga aba ndwi kə̀b asiŋi nɔ̀ŋì.

Lk 16:19

Wə̀d ikab mɔ̀ʼɔ ya yaʼ angu. Wì yaya zìyè ndwi àka inun ne mbi tangi ane linèn bə̀ kɔ̀ŋɔ inga ikab ineg ijìm.

Lk 8:3

Tì Jòwanà iweg ìwi Chuzà. Chuzà gho̰ ya yaʼ wə̀d àfàʼì kyen inga nəb Erɔ̀d. Sùsanà fɔrɔ mə̀yi ndəŋ ndan ndàn yaya bə̀ angu. Mə̀yi mbo̰ yaya wètè Yeso tì mə̀mə̀nənùg məd inga ìmbɔb ìbàn.

Matìyò 20:8

Àsi ikwikwiri, wə̀d mben vayìn we ya ghà abə wə̀d we ne nə̀ngə ìfàʼì məd gha, ‹Kàra bəd àfàʼì mbe, nàʼ ìwɔb ikab. Ko ane bəd mbe ne mə̀ kə si nwìyḛ̀ ni niŋ si ghò ane ìmbi mbègtog.›

Lk 16:2

Wə̀d ikab we ya kàrì wə̀d àfàʼì məd biri ibo gha, ‹Àkə anug ye ne mə zùghə anìŋ imbə̀ʼ awe? Niŋ ìmbe ìŋwàʼrì àfàʼì yeʼe chwi inum imbə̀ʼ icheg ne chəyi àghò biri ywiri fàʼ àfàʼì azo̰.›