Lk 15:7 - Ikan feg

⁷ Mə gha tesiʼ inən gha, À ya bə̀ ane ne igyendi kyen biri yaʼ ikaŋ àbɔ̀ŋɔ anyumə̀ ne wə̀d imɔʼ ne ghìyə̀ inug tibɔ̀ŋ bə̀ŋi ìzi fìŋ. Mbi biri gyendi chè icheg ne mbe gyènde imbə̀ʼ bəd ìghum àbɔg chɔ̀b àbɔg ne təmi kòʼ ne chəyi ze chwi gha mbe ywirì bə̀ŋì ìtɔb fìŋ.”

Meta’

⁷ Mə ghà ɨ nən ni, à yɨ əndəŋ əndəŋ ni ɨghaʼi bɨrɨ nɔʼ ɨkaŋ ənɨ wə̀d ɨnû rɨbɔ̀ŋ fibɨ̀ beŋ i fîŋ chè ɨchî nɨ wɨ bɨrɨ nɔʼ ɨgwɨ ə bə̂d ɨwum ə̀bùə chɔ̀b ə̀bùə nɨə ghɨ̀ ɨnû nɨ kuʼnɨ nɨ chəi mbɨ berɨ nɨ beŋ tə fîŋ.

Lk 15:7 Referans Kwoze

Lk 5:32

Chəyi mə̀ yeʼe ni kə̀b bəd ne təmi kòʼ. Mə yèʼe ni kə̀b bəd ne ghìyə̀ inug tibɔ̀ŋ gha mbe bəŋi ìtɔb fìŋ sìkì inug tibɔ̀ŋ.

Lk 15:10

Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”

Lk 15:32

Aton ne tì beri ni jəg gyèndi ya gha, ìwe ifi gho̰ ya ku, we ywìrì zwème. Wì ya nim, tè ywìrì bàd aməd.›”

Matìyò 18:13

Mə gha tesiʼ inən gha, wə̀d we mə̀ bàd njə̀g ze, wì biri taŋ gyendi imbə̀ʼ njə̀g ze imɔʼ ne wì bàri chè icheg ne we gyènde imbə̀ʼ ìtin tì njə̀g ìghum àbɔg chɔ̀b àbɔg ne chəyi ti fèbe.

Rm 7:9

Anyumə̀ ne chəyi mə̀nɔ̀ʼɔ̀ ya yaʼi, mo ya yaʼ amə izɔm. Àsi anyumə̀ ne mə̀ ya kyeri mə̀nɔ̀ʼɔ̀, inug tibɔ̀ŋ ya nyi inga ìmə ìtḛ̀ ghì mə ku.

Lk 16:15

Wì ya ghà inɔb gha, “À ya mbə̰ ne chwìte abə bəd gha mbə̰ təm kòʼ. Ighi ne bəd igun isəg mbe nìŋə gha à ya ijiʼi ighi ya ighi ne yaʼi ati ako abə Ŋwiye. Ŋwiye kyèri ìtən fìŋ.

Lk 15:29

Si ya gha, wì ya ywìtì abə mbaʼ məd gha, ‹Nḛ, tituʼ ìto̰ tijìm ne mə̀ faʼi ine, chəyi mə̀ kweʼì ghì tìzughə̀ ine. Chəyi àghò kə̀ kweʼì nàʼ ŋwan gwi gha mə tighe jəg tì ìmbum mə̀sə̀ʼ.

Matìyò 3:8

Mbə̀ ghiyə inug mbe ne chwìye gha mbə̰ fə bə̀ŋì ìtən fìŋ sìkì inug tibɔ̀ŋ.

Lk 15:6

Anyumə̀ ne wì pe inuʼ nəb, wì biri kàri ìmbi mə̀sə̀ʼ tì bəd iban achan, mbi fete aseg. Wì biri ghà inɔb gha, ‹Mbə̀ yeʼe tì gyendi imbə̀ʼ icheg ne mə bàd ìmə njə̀g ze ne kə̀ nìmi.›

Lk 15:8

Yeso ya ywìrì gha, “Mbə̀ bə ywìrì niŋ gha, Àyi mɔ̀ʼɔ bèrì ikab sibà ìghum. Ikab mɔ̀ʼɔ imɔʼ chè nim. Imbə̀ʼ wì biri che anam, zə̀ nəb ijìm ni kə̀b ikab we anene wì bad?