Lk 1:68 - Ikan feg

⁶⁸ “Ighumni yaʼ abə Anɔŋisəg, ne ya Ŋwiye mə̀Izre, imbə̀ʼ icheg ne məd yèʼe ni wètì ìmbi bəd bə̀ zèri awɔb.

Meta’

⁶⁸ “Tɨ̀ yiirɨ Ə̀nùŋɨ̀sɨg nɨ yeʼ Ŋwìə̀ mɨ̀Izre ɨmbə̀ʼ ɨghəm ni wɨ̀ fə yeʼe ɨmbə̀ʼ weerɨ mbi bə̂d, bə̀ choʼ ɨtu mɨ̀mə̌d.

Lk 1:68 Referans Kwoze

Lk 7:16

Anug ya chè bəd məjìm mbe ne ya yaʼi angu, mbi bɔ se ghùmnə Ŋwiye gha, “Wə̀dkə̀n Ŋwiye dù abɔ̀ʼ ina. Ŋwiye fə yeʼe ni wètì ìmbi bəd.”

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

Lk 2:38

Kwàʼ anyumə̀ we, Àna ya pè nàʼ məyakà abə Ŋwiye, bə̀ ghà inug imbə̀ʼ ŋwan we abə bəd mbe ne yaya ghɔ̀mɔ̀ gha Ŋwiye zeri Jèrusalèm.

1 Pità 1:3

Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Lk 19:44

Mbi biri mèʼì awən aseg fɔrɔ ìmbən bɔn məjìm mbe ne yaʼi inga aben. Chəyi ìmbən bəd ìpàb biri sàŋì iteg mɔ̀ʼɔ imɔʼ igun ìywin. Ze biri yaʼ ane imbə̀ʼ icheg ne chəyi mbə̀ kyeri nyùmə̀ ne Ŋwiye we yèʼe pumni awən.”

Lk 1:71

gha wì biri pumni awa chì inga ikye abo abə ìmba bəd ìpàb, fɔrɔ ikye abo abə bəd mbe ne bà̰ awa.

Lk 24:21

Tì yaya kɔ̀ndɔ gha à ya məd ne biri zeri bəd Izre. Tèchɔ̀ŋ ya ghì ineg itad ne inug mbo̰ du.

Mə̀Hibrù 9:12

Ane, chəyi Yeso ya nyi inga asiŋi ne zḛ mànì inga mbàn Ŋwiye tì anəm gwi fɔrɔ anəm pɔ̀ŋ. Wì ya tùtì yaʼ àzi tì anəm ni zeri bəd məjìm ane ighə̀m imɔʼ.