Jn 3:19 - Ikan feg

¹⁹ Isaʼi we ne yaʼi igun bəd igun isəg ya gha, Ìzḛzḛ fə yèʼe igun isəg, si ya gha, bəd kɔ̀ŋ yaʼ afub chè ìzḛzḛ imbə̀ʼ icheg ne mbɔb mbe kiri ghiyə inug tibɔ̀ŋ.

Meta’

¹⁹ Ɨsaʼi we nɨ yeʼ ɨgun ə bə̂d yɨ ni ɨzeŋɨ zeŋɨ fə yeʼe ɨŋga ɨsɨg, àyɨə bə̂d fə chwi ni mbə ghaʼ yeʼ ɨsɨ firɨ chè ɨzeŋɨ zeŋɨ, ɨmbə̀ʼ ɨghəm nɨ ɨ mbɨə kɨrɨ ghɨ̀ ɨnû rɨbɔ̀ŋ.

Jn 3:19 Referans Kwoze

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

2 Tès 2:12

À ya ane ne bəd məjìm mbe ne ya to̰ awɔb tesiʼ, zì ìwɔb ibḛfiŋ yaʼ igun inug izəg biri ku nim.

Rm 2:8

Àsi bəd mbe ne to̰ awɔb tesiʼ, si nɔ̀ŋì fìŋ se ghìyə̀ yaʼ inug tibɔ̀ŋ fɔrɔ inug mbe ne bɔŋi inɔb, Ŋwiye biri gaŋ tì inɔb, chə awɔb.

Jn 12:43

Itog bəd aben mə̀Ju ya kɔ̀ŋ gha bəd ghumni awɔb chè icheg ne Ŋwiye biri ghumni awɔb.

Rm 1:32

Ka mbɔb jiʼì kyèri isɔbi anug Ŋwiye ne təmi kòʼ, gha bəd mbe ne ghìyə̀ tiku inug ìto̰ kòʼ ni ku, mbɔb ya bə̀ kiri che imbìghè ni ghì inug mbo̰ bə̀ ywìrè chɔ̀tɔ̀ bəd mbe ne ghìyə̀ tiku inug ìto̰.

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

2 Pità 3:3

Anug mbègtog ne mbə̀ beri ni wendi ya gha, inga ineg mbe ne se nwìyḛ̀, bəd ne chwìte inug ako biri yeʼe se chàpà inug tesiʼ mbe be mbə̀ nɔŋi ibḛfiŋ igun. Mbɔb biri se bène yaʼi abɔ̀ʼ inug mbe ne ìtɔb nyàmnyɔd te ghə̀ʼrə̀.

Jn 1:4

À ya Ìngam we we nàʼà ìtḛ̀ abə bəd məjìm. Ane, ìtḛ̀ məd ya nàʼà ìzḛzḛ abə bəd məjìm ni kyeri tesiʼ.

Lk 12:47

Mbi biri taŋ sɔm wə̀d àfàʼì we ne kyeri anug ne mbaʼ àfàʼì məd we kə̀bə̀, chəyi wì si chùʼri ìwi nyɔd ni fàʼ àzewən.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.

Jn 7:7

Chəyi tì bəd inga isəg pàb awən. Mbɔb ya pàbà amə imbə̀ʼ icheg ne mə ghà inɔb gha inug mbe ne mbɔb mbe ghìyə̀ ya inug tibɔ̀ŋ.

Jn 7:17

Wə̀d mɔ̀ʼɔ mə̀ nɔ̀ŋì ìzi fìŋ ni fàʼ anug ne Ŋwiye kə̀bi, tengàŋ biri kyeri gha, inug mbe ne mə chwìte kə̀ nɔʼ abə Ŋwiye kə̀ àkə ìmbum?

Lk 16:14

Mə̀farìsi ya kɔ̀ŋ ikab ako. Mbɔb ya zug inug mbo̰ se zḭ̀ʼḛ̀ Yeso.

Jn 1:5

Ìzḛzḛ we we zùʼə kyèʼè isiŋi abə bəd mbe ne yaʼi inga afub. Chəyi tì afub nimni ìzḛzḛ we ka.

Jn 9:5

Mbə̀ kyeri gha, icheg ne mə̀ yaʼi inga isəg, mo ya ìzḛzḛ abə bəd igun isəg.”

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Jn 12:46

Mə ya yèʼe igun isəg icheg ìzḛzḛ, ni ghì gha, imbə̀ʼ wə̀d ne nɔŋi ibḛfiŋ igun inum ywiri chughi yi izimi.