Jn 19:42 - Ikan feg

⁴² Icheg ne à yaya aneg ne mə̀Ju yaya chùʼrə nyɔd ni nyi inga aneg àzwètì, fɔrɔ icheg ne iseg we ya yaʼi iban angu, mbi ya niŋ awu Yeso zì inga iseg we.

Meta’

⁴² Ɨchî nɨ mɨ̀Jû nyaʼə tekɨ ɨnyod ɨmbə̀ʼ jɨg əni əkwɨ, chəi mbɨ nyaʼa berɨ beʼ ɨghɨ wò əsa əgha, bə̀ fɔrɨ ɨchî nɨ ɨsî we nyaʼa ɨban ɨban, mbɨ nyaʼa wò boŋ əvɨ ə Yeso ɨŋga ɨ̀sì we.

Jn 19:42 Referans Kwoze

Jn 19:31

Itog bəd mə̀Ju ya ghà abə Payilèd gha wì saŋa mbe buʼri ighog abə bəd mbe ne mbi ya kɔ̀mbì awɔb igun azed abaʼri imbə̀ʼ swi ìmbɔb iwu chì. Wì ya ghà ane imbə̀ʼ icheg ne à yaya aneg ne mbe chùʼrə nyɔd ni nyi inga aneg Àzwètì. Aneg abɔ̀ʼ yaya kwàʼ aneg àzwètì kyen. Mbi ya kə̀b ni swi iwu bəd mbe chì imbə̀ʼ icheg ne chəyi mbi ya kə̀bi gha, aneg àzwètì pe ne iwu bəd mbe kiri biri igun azed abaʼri. Mbi yaya kə̀bə̀ ni ghì ane imbə̀ʼ icheg ne aneg àzwètì ze yaya kwàʼ aneg àzwètì kyen abə mə̀Ju.

Jn 19:14

À ya yaʼ icheg ane àngɔŋ tisi, ane aneg ze ne mə̀Ju mbe chùʼrə nyɔd ni jəg Iteri Chègun. Ane, Payilèd ya niŋ Yeso ghò abə itog bəd mə̀Ju pè ghà inɔb gha, “Mbə nḛ, aŋa ya ìwən ifɔn gho̰”

Jn 19:41

Mben mɔ̀ʼɔ ya yaʼ iban asiŋi ze ne mbi ya kɔ̀mbi Yeso igun azed abaʼri. Iseg feg mɔ̀ʼɔ ne mbi ya to inga igho ya yaʼ inga mben ze. Chəyi mbi ya kiri kweʼì twə̀ŋi wə̀d mɔ̀ʼɔ inga iseg we.

Kòlosè 2:12

Mbi ya bə̀ twə̀ŋi awən tì Kristo anyumə̀ ne mbi ya zi awən inga mənib, mbə̀ niŋ mənib. Anyumə̀ ne mbi ya nɔ awən chì inga mənib ne mbə̀ yaya nìŋə mənib, à ya icheg ni gha, Ŋwiye ya bə̀ zwèmni awən ane iwu tì Kristo . Wì ya zwemni awən ane imbə̀ʼ icheg ne mbə̀ nɔŋi ìwən ibḛfiŋ igun ika Ŋwiye we ne ya zwemne Yeso ane iwu.

1 Kɔrèn 15:4

Mbi ya twəŋi aməd, wì zwème ane ineg ya pe itad icheg ne mbi ya bə̀ ŋwàʼri inga Àŋwàʼrì Ŋwiye.

Ɨ̀fàʼì 13:29

Anyumə̀ ne mbi ya fə ghi inug ijìm mbe ne bədkə̀n Ŋwiye ya gha imbə̀ʼ Yeso mbi dù ane tesiʼ, mbi ya swi awu məd ikaŋ azed abaʼri ghò bɔ̀ŋi inga iseg.

Jn 19:20

Mə̀Ju nɔʼ nɔʼ ya fɔŋ àŋwàʼrì ze imbə̀ʼ icheg ne, asiŋi ze ne mbi ya kɔ̀mbi Yeso angu ya yaʼ iban ikye aben. Ane, mbi ya ŋwàʼrì àŋwàʼrì ze ane achug ìngam atad: ichug Àràmayìg, tì ichug Latìn fɔrɔ ichug Grig.

Matìyò 12:40

Kwàʼ icheg ne Jonà ya chughi inga fibum abə su kyen ineg itad, à ya bə̀ ane ne Ŋwan Wə̀d biri bə chughi inga iseg ineg itad.