Jn 17:21 - Ikan feg

²¹ Mə ya dèghè gha mbɔb məjìm yaʼ ane anug amɔʼ, kwàʼ icheg ne àghò ìmə Mbaʼ, àghò yaʼi inga inum, mo inum bə̀ yaʼ inga ine. Mbɔb inɔb bə̀ yaʼ inga ina imbə̀ʼ bəd igun isəg bḛ gha, à ya àghò cha amə.

Meta’

²¹ Mə wɨə kɔ̀ŋgɨ̀ əwe ni mɨ̀mə̌d mɨjìm yeʼ ənɨ ənû ə mɔʼ. Mɨ Mbǎʼ, mə kə̀b mbɨ yeʼ ənɨ ənû ə mɔʼ mbɨ na ɨchî ɨ ni à yeʼ ənɨ ənû ə mɔʼ mbɨ num, mə bə̀ yeʼ ənɨ ənû ə mɔʼ mbɨ ne. Zɨə yeʼ əne ɨmbə̀ʼ ɨsɨg we tɨ̀ wɨ ben ni à yɨ àwɔ̀ nyaʼa tom əmɨ.

Jn 17:21 Referans Kwoze

1 Kɔrèn 12:12

Nyàmnyɔd wə̀d bèrì isiŋi nyɔd nɔʼ nɔʼ. Ka isiŋi nyɔd jiʼì nɔ̀ʼ, à ya məyi nyàmnyɔd imɔʼ. À ya icheg ne ze bə yaʼ tì nyàmnyɔd Kristo.

Jn 17:11

Chəyi mə̀ biri ywiri chughi igun isəg tì inɔb. Mə ya anìŋ se yèʼe amə abɔ̀ʼ ine. Ane, mbɔb biri kiri yaʼ igun isəg. Ìmə Mbaʼ zḛ zḛ, àghò kyeʼre awɔb ane ika we ne yaʼi ane ìwe ikum, ne ya ikum we ne àghò ya nàʼi inum. Ghìyə ane imbə̀ʼ mbi yaʼi ane anug amɔʼ icheg ne mo tì ine bə yaʼ ane anug amɔʼ.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Jn 13:35

Mbə̀ mə̀ ya kɔ̀ŋɔ̀ mə̀mbin, wə̀d ijìm biri kyeri gha, mbə̰ ya ìmbum mə̀mə̀nənùg.”

Ɨ̀fàʼì 4:32

Bəd məjìm mbe ne ya bḛ Yeso ya bèrì fìŋ imɔʼ bə̀ nɔ̀ŋì ìwɔb ikɔndi igun anug amɔʼ. Chəyi wə̀d mɔ̀ʼɔ ne yaya tàŋà ighi mɔ̀ʼɔ ane ìmbi. Mbɔb məjìm yaya ghàpà ighi ijìm mbe ne mbɔb ya bèri.

Jn 17:8

Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.

Jn 10:38

Mo mə̀ ya fàʼà inug mbe. Ka chəyi mbə̀ jiʼì kə̀b ni bḛ amə, mbə̀ bḛ yaʼ inug mbe ne mə ghìyə̀. Àze biri ghì mbə kyeri gha ìmə Mbaʼ we ane anug amɔʼ tì inum. Mo inum we bə̀ ane anug amɔʼ tì məd.”

Jn 10:30

Mo tì ìmə Mbaʼ ya ane anug amɔʼ.”

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

Rm 12:5

Icheg ne tì yaʼi ane ifɔti tì Kristo, ka tì jiʼi nɔʼ, mba məjìm ya isiŋi nyɔd ane nyàmnyɔd imɔʼ. Wə̀d imɔʼ imɔʼ fɔ̀tɔ tì mə̀mbin kwàʼ icheg ne isiŋi nyɔd bə fɔ̀tɔ.

1 Jɔn 5:7

Ane, inug itad mbe angu ne chwìye gha anug azo̰ ya tesiʼ.

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Jn 10:16

Mə bèrì njə̀g ndəŋ ne chəyi awɔb inga inɔ̰ njə̀g gho̰. Mə mənyìʼ niŋ njə̀g te yèʼe abɔ̀ʼ ìto̰. Ti biri bə zug ìmə gì. Ane, njə̀g te tijìm biri si fɔ̀ti ane inɔ̰ imɔʼ bə̀ bèrì àjənjə̀g imɔʼ.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 5:23

Àzo̰ ya ni ghì gha, wə̀d ijìm nàʼ ighumni abə Ŋwan icheg ne mbe bə̀ nàʼà ighumni abə Mbaʼ. Wə̀d ne chəyi we ghùmnə Ŋwan, ane ya gha chəyi tengàŋ bə ghùmni Mbaʼ we ne cha aməd.

Jn 3:17

Chəyi Ŋwiye ya chà ìwi Ŋwan igun isəg gho̰ gha wì yeʼe saʼ bəd imbə̀ʼ inug tibɔ̀ŋ. Ŋwan məd ya yèʼe ni ghì gha bəd pum.

Jn 17:18

Mə fə chà awɔb inga isəg icheg ne àghò ya bə chà amə inga isəg.

Jn 11:42

Mə kyèri gha, àghò we kà zùghə mə mà nyumə̀ ijìm. Mə ya ghàmà anìŋ ni ghì gha bəd mbo̰ ne aŋa asiŋi, mbe bḛ gha, à ya àghò cha amə.”

Jn 17:20

Wì ya chè imbìghè ni gha, “Mə ya dèghè inug mbo̰ ine anìŋ, kayi məyi imbə̀ʼ ìmbum mə̀mə̀nənùg mbo̰, à ya fɔrɔ imbə̀ʼ bəd mbe ne biri bḛ ikən gho̰ ne mbɔb mbe chètè.

1 Kɔrèn 6:17

Tesiʼ ya gha, wə̀d ne fɔti ìzi nyàmnyɔd tì Anɔŋisəg, tengàŋ fə se ane anug amɔʼ tì Anɔŋisəg. Azwighi tengàŋ tì Azwighi Anɔŋisəg fə se azwighi amɔʼ.

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

Mk 3:24

Àmə chəyi bəd inga aben afibì yaʼi ane ichug ifibì chəyi aben ze biri təm kà.

Jn 13:32

Mbi mə̀ fə ghumni Ŋwiye anjìm məd, ane ya gha, Ŋwiye biri bə ghumni aməd anjìm inug mbe ne we ghìyə̀. Wì biri ghì ane, məyi kwàʼ amad anìŋ.”