Jn 16:7 - Ikan feg

⁷ Mə gha tesiʼ inən gha, mə̀ ya ghò anìŋ imbə̀ʼ mbə̀ jəghə ìchɔ̀mì. Àmə chəyi mə̀ gho, chəyi Àwètìbə̀d biri yeʼe. Ane, mo mə̀ ghò, mə biri chà aməd wì yèʼe.

Meta’

⁷ Mə ghà rəsìʼ ɨ nən ni zɨə kàŋ bɔ̀ŋ ni mə̀ wo ə, ɨmbə̀ʼ ɨghəm nɨ mə mɨ rɨka wo əmɨ, njɨ chəi Ə̀wèèrɨ̀-bə̂d we bɨrɨ yeʼe ɨ nən. Mə mɨ wò, mə bɨrɨ cha əməd ɨ nən.

Jn 16:7 Referans Kwoze

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Jn 7:39

Mənib mbe ne nàʼà ìtḛ̀ ya Yeso yaya gha Azwighi Ŋwiye ne biri si yèʼe igun bəd mbe ne nɔŋi ìwɔb ibḛfiŋ igun məd. Anyumə̀ we ne məd yaya ghàmà ane, chəyi Azwighi Ŋwiye ya kiri yèʼe inga bəd imbə̀ʼ icheg ne chəyi Ŋwiye ya kiri nɔ̀ Yeso ikaŋ bə̀ ghì wì beri ighumni.

Lk 24:49

Mə biri nàʼ Azwighi Ŋwiye ze ne ìmə Mbaʼ ya kàʼi gha zìye biri nàʼ inən. Si ya gha, mbə̀ chughi a Jèrusalèm aŋa ghɔ̀m, pè ane nyùmə̀ ne Azwighi Ŋwiye yeʼe ikaŋ àbɔ̀ŋɔ igun inən si nàʼ ika inən.”

Ɨ̀fàʼì 10:34

Pità ya ko ghàm abə bəd mbe inga nəb Kònilìyùs gha, “Amad anìŋ, mə kyèri kwàʼ tesiʼ gha chəyi Ŋwiye we ghìyə̀ ighə.

Jn 14:28

Mbə zug icheg ne mə gha, ‹Mə biri zàmbi sàŋì awən, si ya gha, mə biri ywiri yeʼe bàd awən.› Mbə̰ mə̀ kɔ̀ŋ amə, nji mbə̰ biri ya gyènde gha mə ghò bàd ìmə Mbaʼ imbə̀ʼ icheg ne ìmə Mbaʼ chè amə.

Jn 14:3

Anyumə̀ ne mə̀ fə ghò chuʼri asiŋi inən, mə biri yeʼe ni niŋ awən, imbə̀ʼ mbə̀ yaʼi abɔ̀ʼ inum asiŋi ne mə̀ yaʼi angu.

Lk 9:27

Mə gha kwàʼ tesiʼ inən gha, bəd mɔ̀ʼɔ mbe aŋa ne chəyi mbi biri ku witì mbi bàd anug ìfɔ̀n Ŋwiye.”

Lk 4:25

Mə ghà kwàʼ tesiʼ inən gha, məku àyi ya nɔʼ inga Izre inga nyùmə̀ we abə Èlayijà ne Ŋwiye ya wùbi ikaŋ àbɔ̀ŋɔ. Chəyi mbə̀ŋ ya no ane tituʼ titad tì aba. Ane, njèg ya nyi inga aben bəd Izre ajìm.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

Jn 16:8

Anyumə̀ ne wì yèʼe, wì biri ghì bəd ne yaʼi igun isəg kyeri gha inug mbe ne mbɔb mbe ghìyə̀ ya inug tibɔ̀ŋ, bə̀ kyèri gha ikuchèg Ŋwiye təm kòʼ, bə̀ kyèri gha Ŋwiye biri saʼ bəd ane icheg ne koʼi.