Jn 16:11 - Ikan feg

¹¹ Wì biri bə ghì mbə kyeri gha Ŋwiye we sàʼa bəd ane icheg ne koʼi imbə̀ʼ icheg ne wì fə sɔb isaʼi igun wə̀d we ne tùmbə̀ isəg gho̰.”

Meta’

¹¹ Tɨkɔndɨ tɨ mɨ̀mə̌d rɨka kuʼi ɨmbə̀ʼ ɨchî nɨ Ŋwìə̀ bɨrɨ saʼ ɨsɨg, ɨmbə̀ʼ ɨghəm nɨ Ŋwìə̀ fə saʼ wə̀d we nɨə tùmbɨ̀ ɨsɨg wɔ̂.

Jn 16:11 Referans Kwoze

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

1 Jɔn 3:8

Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

Mə̀Hibrù 2:14

Ane, icheg ne bɔn mbe ya bəd-aku, məd zìye ya bə̀ bə̀ŋə̀ si yaʼ wə̀d tì nyàmnyɔd icheg inɔb. Wì ya ghì ane imbə̀ʼ icheg ne à ya anjìm iwu we ne məd ku ne wì chi ika wə̀d ìpàb igun iwu. Wə̀d ìpàb we ya Debrə̀.

Kòlosè 2:15

Wì ya chìkì tika ijìm abə izwighi tibɔ̀ŋ ka ka fɔrɔ abə izwighi mbe ne sàʼa isəg gho̰ anyumə̀ ne wì ya ku igun azed abaʼri. Wì ya ghì ane, zì tìnìrètog igun inɔb kwàʼ asaŋ asaŋ icheg sogyì ne nyimi ìbòʼì ibid se tə̀rə̀ yi igun inɔb.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Jn 14:30

Chəyi mə̀ biri ghàm tì inən ane agha ne sa imbə̀ʼ icheg ne wə̀d we ne sàʼa igun isəg gho̰, we yèʼe. Chəyi wì beri ika igun inum.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.

2 Pità 3:7

Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.

Mə̀Hibrù 9:27

À ya icheg ne ze bə yaʼ gha, wə̀d ijìm mənyìʼ ku ighə̀m imɔʼ, si təm imbìghè abə Ŋwiye ane isaʼi, Ŋwiye saʼ aməd.

Mə̀Hibrù 6:2

Tì bə saŋa anug ni chwiti anug ni niŋ mənib, tì anug ni nɔ̀ŋì ibo igun wə̀d ni zì àbɔrɔ̀bɔd igun məd, tì anug ne bəd biri ghum zweme, fɔrɔ anug imbə̀ʼ icheg ne Ŋwiye biri niŋ isɔbi isaʼi ighə̀m imɔʼ anyumə̀ ne isəg biri nwḭ̀yḛ̀.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

Ɨ̀fàʼì 10:42

Wì ya ghà ina gha tì gha Ìngam Ŋwiye abə bəd bə̀ ghì bəd kyeri gha məd ya Wə̀d we ne Ŋwiye chɔ̀ʼi nɔ̀ŋì gha wì saʼ bəd ne yaʼi izɔm tì bəd ne fə ku.

Lk 10:18

Yeso ya ywìtì inɔb gha, “Mə kə bàd Sàtàn we fḛ tikaŋ icheg àŋwàŋwaŋ.

Matìyò 12:36

Mə gha tesiʼ inən gha, Wə̀d ijìm biri mə̀tì aton imbə̀ʼ ìngam ako ijìm ne dùwə̀ ibo ichug ane aneg ze ne Ŋwiye biri sɔb isaʼi.

Matìyò 12:18

Wì ya gha, “Aŋa ya ìmə wə̀d àfàʼì ne mə fə chɔʼi. À ya wə̀d àfàʼì ne mə̀ taŋ kɔ̀ŋ. Mə we taŋ gyènde imbə̀ʼ aməd. Mə biri zì àmə Azwighi inga məd. Məd biri ghà inga iben ijìm mbe ne kayi iben mə̀Ju gha mə biri saʼ awɔb ane icheg ne koʼi.

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

Rm 2:16

Aŋa ya icheg ne ze biri yaʼ igun aneg ze ne Ŋwiye biri chè anjìm Yeso Kristo ni saʼ bəd ane inug ijìm fɔrɔ inug mbe ne mbi ya ghi inə̀mbi icheg ne mə̀ ya gha inən inga ikən chɔm.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Ɨ̀fàʼì 24:25

Pɔl ya chè imbìghè ghàm imbə̀ʼ anug ni təm kòʼ, anug ni nyimbi nyɔd fɔrɔ anug imbə̀ʼ aneg ze ne yèʼe ne Ŋwiye biri saʼ bəd. Gɔbnà Feligs ya bɔ si ghà abə Pɔl gha, “Àghò saŋa awe ane, ghò awe. Anyumə̀ ne mə̀ biri bèrì apan chɔm, mə biri kàrì awe.”

Jn 16:12

Mə bèrì inug nɔʼ nɔʼ ni ghà inən. Si ya gha, inug mbe nɔʼ chè icheg ne tì mbə̰ zug ijìm bə̀ nyìmi inga atog amad anìŋ.