Jn 14:7 - Ikan feg

⁷ Mbə̰ mə̀ kyèri amə icheg chɔm, nji mbə̰ biri bə kyeri ìmə Mbaʼ. Ni ko tèchɔ̀ŋ se ghò imbìghè, mbə̰ kyèri aməd. Mbə̰ fə bə̀ bàd aməd.”

Meta’

⁷ Mbə mɨ kə̀ʼ kyerɨ wə̀d we nɨ mə̀ yeʼ wɨwən, njɨ mbə bə̀ kə̀ʼ kyerɨ wə̀d we nɨ mɨ Mbǎʼ yeʼ wɨwən. Ɨ kɔ rɨ̀nîn mbə fə kyerɨ əməd, əne mbə fə bə̀ zə əməd.”

Jn 14:7 Referans Kwoze

Jn 8:19

Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Jn 17:8

Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.

Jn 17:6

Yeso ya bə̀ chè imbìghè ni ghà abə Ŋwiye gha, “Bəd mbe ne àghò ya chi inga isəg nàʼ inum, mə fə ghì mbi kyeri awe. À ya ìmbe bəd ne àghò ya nàʼi awɔb inum. Mbɔb fə bə̀ zùgri ìwe ìngam.

1 Jɔn 2:13

Mə ya ŋwàʼrà anìŋ inən, mbə̰ mə̀mbaʼ imbə̀ʼ icheg ne mbə fə kyeri aməd we ne ya bi yaʼ bɔŋ Ŋwiye ya se tànga isəg. Mə ya ŋwàʼrà anìŋ inən, mbə̰ ngwàʼ bɔd imbə̀ʼ icheg ne mbə fə màʼ chè Wə̀d Tibɔ̀ŋ we.

Jn 17:26

Mə fə ghì mbi kyeri awe. Mə biri chè imbìghè ni ghì gha mbe taŋ kyèri awe. Ane, àghò biri kɔ̀ŋ awɔb kwàʼ icheg ne àghò bə kɔ̀ŋ amə, mə bə̀ yaʼ ane anug amɔʼ tì inɔb.”

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 17:21

Mə ya dèghè gha mbɔb məjìm yaʼ ane anug amɔʼ, kwàʼ icheg ne àghò ìmə Mbaʼ, àghò yaʼi inga inum, mo inum bə̀ yaʼ inga ine. Mbɔb inɔb bə̀ yaʼ inga ina imbə̀ʼ bəd igun isəg bḛ gha, à ya àghò cha amə.

Jn 16:3

Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 6:46

Chəyi wə̀d mɔ̀ʼɔ ne kweʼì bàd ìmə Mbaʼ chèyi ane wə̀d we ne nɔ̀ʼi abɔ̀ʼ Ŋwiye. À ya məyi məd ne kweʼì bàd Ŋwiye ne yaʼi Mbaʼ.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.