Jn 10:16 - Ikan feg

¹⁶ Mə bèrì njə̀g ndəŋ ne chəyi awɔb inga inɔ̰ njə̀g gho̰. Mə mənyìʼ niŋ njə̀g te yèʼe abɔ̀ʼ ìto̰. Ti biri bə zug ìmə gì. Ane, njə̀g te tijìm biri si fɔ̀ti ane inɔ̰ imɔʼ bə̀ bèrì àjənjə̀g imɔʼ.

Meta’

¹⁶ Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

Jn 10:16 Referans Kwoze

1 Pità 2:25

Mbə̰ ya yaʼ icheg njə̀g te ne ya fèbe. Àsi amad anìŋ, mbə̰ fə ywìrì bə̀ndì ghò abɔ̀ʼ Àjənjə̀g, ne yaʼi Wə̀d we ne kyèʼrè awən.

Jn 11:52

Ane, kayi məyi atog abə mə̀Ju. À ya fɔrɔ ni ghì gha bəd Ŋwiye mbe ne saka inga isəg ijìm, mbe si yaʼ bəd anug amɔʼ.

Jn 6:37

Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.

Jn 10:27

Ìtum njə̀g ya zùghə anug ne mə̀ ghà. Mə kyèri ìtum njə̀g. Ti ya bène abɔ̀ʼ inum.

Jn 10:11

Yeso ya chè imbìghè ghà inɔb gha, “Mo ya àjənjə̀g chɔm. Àjənjə̀g chɔm ya bḛ ni ku imbə̀ʼ ìti njə̀g.

Ɨnû 3:20

Nḛ, mə təm inuʼ nəb se gɔ̀ngɔ. Wə̀d ne zughi ìmə gì, fìʼì inuʼ nəb, mə biri nyi inga nəb tì se fɔrɔ jə̀ghə inɔn.

1 Pità 2:10

À ya yaʼ anyumə̀ mɔ̀ʼɔ, chəyi mbə̀ ya yaʼi bəd Ŋwiye. Àsi amad anìŋ, mbə̰ ya si bəd Ŋwiye. À ya yaʼ anyumə̀ mɔ̀ʼɔ, chəyi Ŋwiye ya kiri digri igun inən. Àsi amad anìŋ, wì fə dìgrì igun inən.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Ɨ̀fàʼì 22:14

Wì ya si ghà inum gha, ‹Ŋwiye ìmba mə̀mbaʼ aneg fə chɔʼ awe gha àghò kyeri inug mbe ne wì kə̀bi, bə̀ ghì gha àghò bàd Wə̀d we ne təmi kòʼ. Wì fə bə̀ ghì gha àghò zug ìngam kwàʼ ibo ichug.

Ɨ̀fàʼì 18:10

Mə biri yaʼ tì ine. Ane, chəyi wə̀d mɔ̀ʼɔ ne tì wì ghi isaʼi mɔ̀ʼɔ tì ine, kə̀ ne tì wì zì anə igun ine imbə̀ʼ icheg ne ìmbum bəd nɔʼ inga ikye aben gho̰.”

Ɨ̀fàʼì 15:14

Sayimùn fə tòʼrì icheg ne Ŋwiye ya fə bi chwi gha zìye bèrì fìŋ igun bəd ne kayi mə̀Ju. Ŋwiye ghì ane icheg ne wì chɔ̀ʼi bəd nɔʼ nɔʼ abɔ̀ʼ inɔb niŋ ane ìmbi bəd.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.

Jn 10:2

Wə̀d ne nyḭ̀yḛ inga ikam njə̀g ane inuʼ ikam, məd ya kwàʼ àjənjə̀g tesiʼ.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

Jn 10:3

Wə̀d ne fàʼà inuʼ ikam, biri fìʼì inuʼ ikam ibo. Njə̀g məd ya zùghə gì məd, bène abɔ̀ʼ məd icheg ne wì ya kàrà awɔb imɔʼ imɔʼ ane ikum, nìŋə dùwə̀ isəg.

Jn 10:4

Anyumə̀ ne wì nìŋi ìti njə̀g tijìm dù isəg, wì ya yḛ̀ ghò imbìghè, ti bène abɔ̀ʼ məd, icheg ne ti fə kyeri gì məd.

Jn 10:5

Àsi wə̀d tìsɔ̀ʼ, chəyi tì njə̀g te beni abɔ̀ʼ məd. Ti biri bɔ, nòrò imbə̀ʼ icheg ne, chəyi ti kyeri gì məd ka.”

Jn 17:20

Wì ya chè imbìghè ni gha, “Mə ya dèghè inug mbo̰ ine anìŋ, kayi məyi imbə̀ʼ ìmbum mə̀mə̀nənùg mbo̰, à ya fɔrɔ imbə̀ʼ bəd mbe ne biri bḛ ikən gho̰ ne mbɔb mbe chètè.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Lk 15:8

Yeso ya ywìrì gha, “Mbə̀ bə ywìrì niŋ gha, Àyi mɔ̀ʼɔ bèrì ikab sibà ìghum. Ikab mɔ̀ʼɔ imɔʼ chè nim. Imbə̀ʼ wì biri che anam, zə̀ nəb ijìm ni kə̀b ikab we anene wì bad?