Jn 1:4 - Ikan feg

⁴ À ya Ìngam we we nàʼà ìtḛ̀ abə bəd məjìm. Ane, ìtḛ̀ məd ya nàʼà ìzḛzḛ abə bəd məjìm ni kyeri tesiʼ.

Meta’

⁴ Ɨ̀tènɨ̀ yɨ rɨ ənɨ Ɨŋgam. Ɨ̀tènɨ̀ wɔ̂ yɨə nyaʼa ɨzeŋɨ zeŋɨ əmbɨ ə bə̂d.

Jn 1:4 Referans Kwoze

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Jn 12:46

Mə ya yèʼe igun isəg icheg ìzḛzḛ, ni ghì gha, imbə̀ʼ wə̀d ne nɔŋi ibḛfiŋ igun inum ywiri chughi yi izimi.

Jn 5:26

Icheg we ne à ya Mbaʼ we ghìyə̀ gha bəd jəg ìtḛ̀ ighə̀m imɔʼ, wè bə̀ nàʼ ika abə Ŋwan məd ni gha wì bə se ghìyə̀ gha bəd jəg ìtḛ̀ ighə̀m imɔʼ.

Jn 9:5

Mbə̀ kyeri gha, icheg ne mə̀ yaʼi inga isəg, mo ya ìzḛzḛ abə bəd igun isəg.”

Jn 11:25

Yeso ya ghà ibo gha, “Mo ya wə̀d we ne zwèmne bəd iwu bə̀ nàʼà ìtḛ̀ abə bəd. Wə̀d ne nɔŋi ibḛfiŋ igun inum biri yaʼ izɔm, ka wi ku.”

1 Jɔn 5:11

Anug ze ne wì gha imbə̀ʼ ìwi Ŋwan ya gha: Ŋwiye fə ghì gha tì jəg ìtḛ̀ ighə̀m imɔʼ we ne Ŋwan məd we nàʼà ina.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 12:35

Yeso ya si ghà inɔb gha, “Ìzḛzḛ we kiri biri abɔ̀ʼ inən ane iki nyumə̀. Mbə̀ che imbìghè ghi ghì inug ane isiŋi ya kiri zḛ, imbə̀ʼ afub nɔ̀ʼ kən awən. Chəyi wə̀d ne yḛ̀ inga afub we kyère asiŋi ne we ghò angu.

Efesùs 5:14

À ya ane imbə̀ʼ icheg ne ighi ijìm ne bəd mbe bàrà ya ighi ne ìzḛzḛ we zùʼə igun. À ya aton ne mbi Ŋwàʼri gha, “Àghò ne gwḛ, nɔ̀ʼɔ angwḛ, zwème, ane, ìzḛzḛ Kristo biri zuʼ igun ine.”

Matìyò 4:16

Bəd mbe ne chughi inga isəg firi, fə bàd ìzḛzḛ kyen. Ituʼ fə chəg igun bəd ne bɔ gha mbɔb biri ku ne chəyi mbi kyeri Ŋwiye.”

Kòlosè 3:4

Ìwən ìtḛ̀ tesiʼ ya ìtḛ̀ ìwi Kristo. Ane, anyumə̀ ne məd biri yeʼe inga ighumni kyen məd, mbə̰ inən biri bə yaʼ inga ighumni kyen we.

Ɨ̀fàʼì 26:23

Mbɔb ya ghà gha Wə̀d we ne Ŋwiye zɔ̀ʼi bèrì ni zən ngəʼ. Mbi ya bə̀ ghà gha, icheg ne məd ya wə̀d mbègtog ni zweme ane iwu, wì biri ghà inug imbə̀ʼ ìzḛzḛ abə mə̀Ju bə̀ ghà abə bəd ne kayi mə̀Ju.”

Lk 2:32

Məd ya ìzḛzḛ ne biri chwi ìwe ikuchèg abə bəd ne kayi mə̀Ju, bə̀ nàʼ ighumni abə ìmbe bəd, mə̀Izre.”

1 Jɔn 1:2

Anyumə̀ ne ìtḛ̀ we ya chwi ìwi nyɔd kwàʼ asaŋ asaŋ, tì ya bàd aməd. Ane, tì ya anìŋ ghà tesiʼ inən imbə̀ʼ aməd. Tì ya anìŋ bə̀ ghà inən gha məd ya ìtḛ̀ ighə̀m imɔʼ we ne ya yaʼi tì Mbaʼ ne Mbaʼ ghi tì kyèri.

Jn 5:21

Icheg ne Mbaʼ we zwèmne bəd nàʼà ìtḛ̀ inɔb, à ya icheg ne Ŋwan we bə̀ nàʼà ìtḛ̀ abə bəd mbe ne məd kɔ̀ŋi.

Ɨnû 22:16

Mo Yeso, mə chà ìmə angirə̀ gha wì chete inug mbo̰ inən inga tifeti bəd Ŋwiye. Mo ya aghaŋ inga inəbi ifɔn Dèvid. Mo ya icheg Fitəm-məg fe ne zùʼə ane achəg ituʼ.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

Ɨnû 22:1

Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Jn 3:19

Isaʼi we ne yaʼi igun bəd igun isəg ya gha, Ìzḛzḛ fə yèʼe igun isəg, si ya gha, bəd kɔ̀ŋ yaʼ afub chè ìzḛzḛ imbə̀ʼ icheg ne mbɔb mbe kiri ghiyə inug tibɔ̀ŋ.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.