Jn 1:14 - Ikan feg

¹⁴ Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Meta’

¹⁴ Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:14 Referans Kwoze

1 Jɔn 4:9

Ŋwiye ya chwi icheg ne wì kɔ̀ŋi bəd icheg ne wì ya tɔmi ìwi Ŋwan igun isəg ni ghì gha tì bere ìtḛ̀ anjìm Ŋwan we.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Jn 1:1

Bɔŋ Ŋwiye ya ko ni tangi isəg, wə̀d we ne ya Ìngam ya fə se yi angu. Ìngam we ya yaʼ tì Ŋwiye. Ìngam we ya bə̀ Ŋwiye.

Gàlesìyà 4:4

Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Jn 6:51

Mo ya ngə̀ŋ ze ne swiʼi ikaŋ àbɔ̀ŋɔ ne nàʼà ìtḛ̀. Mbə̰ mə̀ jəg ngə̀ŋ izo̰, mbə biri chughi izɔm ane ighə̀m imɔʼ. Ngə̀ŋ ze ne mə̀ biri nàʼ abə wə̀d ijìm igun isəg gha wì jəg bèrì ìtḛ̀, à ya ìmə nyàmnyɔd.”

Kòlosè 1:19

Ŋwiye ya kɔ̀ŋ ni ghì gha, Kristo ne ya Ŋwan məd wì yaʼ icheg məd ane inug ijìm.

1 Kɔrèn 15:47

Ŋwiye ya tangi mbaŋà mbègtog ane ìseg ze igun isəg. Wə̀d we ne ya si yèʼe anjìm, wì nɔ̀ʼ yaʼ ikaŋ àbɔ̀ŋɔ.

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

Kòlosè 2:9

Aton ya gha, ka Kristo ya yeʼe igun isəg icheg wə̀d, məd ya kwàʼ Ŋwiye ane inug ijìm.

2 Jɔn 1:7

Bəd nɔʼ nɔʼ ne tàmba bəd fə sàkà igun isəg. Chəyi mbɔb mbe bḛ gha Yeso Kristo ya yeʼe igun isəg icheg wə̀d-aku. Tiku bəd te ya bəd mbe ne tàmba bəd. Mbɔb ya bəd ìpàb Kristo.

Ɨnû 21:3

Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb.

Mə̀Hibrù 5:5

À ya bə̀ ane ne kayi Kristo ya chɔʼi ìwi nyɔd ni niŋ ighumni ni yaʼ atog wə̀d igun bəd mbàn Ŋwiye. À ya Ŋwiye ya chɔʼi aməd ghà ibo gha, “Àghò ya ìmə Ŋwiye. Nɔ̀ʼ tèchɔ̀ŋ, mo ya si ìwe mbaʼ.”

Mə̀Hibrù 10:5

À ya aton ne, anyumə̀ we ne Kristo ya yeʼe igun isəg wì ya ghà abə Ŋwiye gha, “Chəyi àghò kə̀bi ighi àfàtì fɔrɔ ituti. Àghò ya kə̀bə̀ yaʼ gha mə naʼa ìmə nyàmnyɔd ze ne àghò nàʼi inum.

Jn 11:40

Yeso ya ghà ibo gha, “Àkə chəyi mə̀ kə gha ine gha, àghò mə nɔ̀ŋì ibḛfiŋ igun Ŋwiye, àghò biri bàd ika Ŋwiye?”

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 2:11

Àzo̰ ya ayeti anug mbègtog ne Yeso ya fàʼi. Wì ya fàʼ ayeti anug azo̰ ni chwi ìwi ika a Kanà, asiŋi ne yaʼi inga Galìli. Ane, mə̀mə̀nənùg məd ya si taŋ zì ìwɔb ibḛfiŋ igun məd.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Mə̀Hibrù 1:5

Àkə angirə̀ iweg ne Ŋwiye ya kweʼì ghà ibo gha, “Àghò ya ìmə Ŋwan; Nɔ̀ʼ tèchɔ̀ŋ, mo fə si ìwe mbaʼ?” Kə̀ àkə angirə̀ iweg ne Ŋwiye ya gha imbə̀ʼ aməd gha, “Mə biri yaʼ mbaʼ məd, məd si yaʼ ìmə ŋwan?”

Jn 14:9

Yeso ya ywìtì gha, “Filib, chəyi àghò kiri kyeri amə, ane nyumə̀ gho̰ ne mə chughi tì inən anìŋ? Wə̀d ne bàd amə, fə bàd ìmə Mbaʼ. Àghò kə chè iye ghi gha, ‹Chwi ìwe Mbaʼ ina›?

Lk 9:32

Pità tì bəd mbe ne ya yaʼi abɔ̀ʼ məd ya fen angwḛ. Anyumə̀ ne mbi ya nɔ̀ʼi angwḛ, mbi ya bàd icheg ne Yeso yaya njànda bə̀ bàd mbaŋà te tìbe ne yaya ghàmà tì məd.

Jn 17:22

Ighumni we ne àghò ya ghi mə bèrì, mə bə̀ ghì mbɔb bèrì ìwiwən ni ghì ghà mbɔb yaʼi ane anug amɔʼ icheg ne mo tì ine bə yaʼ ane anug amɔʼ.

Jn 3:18

Wə̀d ijìm ne bḛ aməd, wè fə pum. Àsi wə̀d we ne chəyi wì bḛ aməd, Ŋwiye biri sɔb isaʼi igun məd chə aməd imbə̀ʼ icheg ne chəyi wì bḛ Ŋwan Ŋwiye we imɔʼ.

Lk 2:11

Tèchɔ̀ŋ gho̰, wə̀d ne biri pumni bəd we mbi gwi inga aben ze ne mbi ya gwi ifɔn Dèvid inga. Məd ya Wə̀d we ne Ŋwiye zɔ̀ʼi. Məd ya Kristo Anɔŋisəg.

Mə̀Hibrù 2:11

Ane, Yeso we ne ghìyə̀ bəd zḛ, məd tì bəd mbe ne məd fə ghi mbi zen, mbɔb məjìm ya se bɔn ane mbaʼ fìbì. À ya aton ne chəyi Yeso ya bèrè tìnìrètog ni kàrì awɔb ane ìmbi məfi fɔrɔ ìti njàbi.

2 Kɔrèn 12:9

Si ya gha, aghəm atad ze ajìm, wì ya ywìtì gha, “Ìchɔ̀mì we ne mə ghi ine we kòʼ. Aton ya gha, wə̀d ya taŋ bàrà ìmə ika anyumə̀ ne wì bɔ̀ri.” Ane, mə gyen ni kɔ̀m igo imbə̀ʼ inug mbe ne chwìye gha mə bɔd. Anìŋ ya ni ghì gha ika Kristo se fàʼà inga inum.

Matìyò 1:16

Jàkɔb ya yaʼ mbaʼ ìwi Jòseb. Jòseb gho̰ ya inɔm ìwi Mèri we ne ya gwi Yeso we ne mbe kàrà ane Kristo.

Kòlosè 2:3

Ŋwiye nə̀mbì iwe ijìm fɔrɔ ika ni kyeri inug inga Kristo.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Rm 9:5

Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!

Lk 2:7

Wì ya fɔ̀d ŋwan mbaŋà, nib ane iba ndwi, zì inga fikuʼì ne mbe jə nyam icheg ne chəyi atog nəb mɔ̀ʼɔ ya yaʼi inɔb ni chughi inga.

Ɨ̀fàʼì 13:33

wì fə ghì ze dù ane tesiʼ ina mba mbe ne yaʼi bɔn ane àzɔb aghaŋ inəbi. Wì fə ghì ane icheg ne wì zwèmne Yeso ane iwu. Ŋwiye ghà imbə̀ʼ Yeso inga Àŋwàʼrì mə̀Sam akwiri kyen kyen abe gha, ‹Àghò ya ìmə Ŋwan; tèchɔ̀ŋ, mo fə si ìwe Mbaʼ.›

Jn 8:32

Mbə̰ biri kyeri tesiʼ, ane, tesiʼ we biri pumni awən.”

Jn 17:24

Ìmə Mbaʼ, mə kə̀b gha bəd mbe ne àghò ya nàʼi inum, mbe yaʼ tì inum inga asiŋi ne mə̀ yaʼi angu. Ane, mbi biri bàd ìmə ighumni, ne ya ighumni we ne àghò ya kɔ̀ŋi amə, nàʼ inum, bɔŋ se tànga isəg.

Jn 18:37

Payilèd ya si bìri ibo gha, “Àghò kə anìŋ yaʼ ifɔn?” Yeso ya ywìtì gha, “Àghò ya anìŋ ghà kwàʼ tesiʼ gha mo ya ifɔn. À ya kwàʼ tesiʼ gha, aŋa ya aton ze ne mbi ya gwi amə igun isəg aŋa, gha mə yeʼe ghà tesiʼ. Wə̀d ijìm ne kɔ̀ŋi tesiʼ ya zùghə anug ne mə̀ ghà.”

Ɨnû 19:13

Wì ya zì ndwi ne mbi ya chùbi inga anəm. Ikum məd ya “Ìngam Ŋwiye”.