Jn 1:10 - Ikan feg

¹⁰ Məd ya yaʼ inga isəg gho̰ ne Ŋwiye ya che anjìm məd tàngi. Si ya gha, chəyi bəd ya kyeri wə̀d ne məd yaʼi ìwiwən.

Meta’

¹⁰ Ɨŋgam we wɨə nyaʼa i ɨŋga ɨsɨg, əne Ŋwìə̀ nyaʼa chè ənjìm məd tekɨ ɨsɨg, àyɨə chəi bə̂d rɨŋga ɨsɨg nyaʼa kyerɨ wə̀d we nɨ məd nyaʼa wɨwən.

Jn 1:10 Referans Kwoze

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

1 Jɔn 3:1

Mbə nḛ ikuchèg ne ìwa Mbaʼ taŋ kɔ̀ŋi awa! Wì taŋ kɔ̀ŋ awa ghì mbi se kàrà awa ane bɔn Ŋwiye. Tesiʼ ya gha, mba ya bə̀ kwàʼ bɔn Ŋwiye. À ya aton ne chəyi bəd inga isəg gho̰ mbe kyère awa. Chəyi mbe kyère awa imbə̀ʼ icheg ne chəyi mbi ya bə kyèri Ŋwiye.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Mə̀Hibrù 11:3

À ya anjìm ibḛfiŋ ne tì kyeri gha Ŋwiye ya tangi isəg ane ìwi ìngam, ni gha ighi mbe ne tè bàrà kayi mbi ya tangi ane ighi ni ya fə yaʼi.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 1:5

Ìzḛzḛ we we zùʼə kyèʼè isiŋi abə bəd mbe ne yaʼi inga afub. Chəyi tì afub nimni ìzḛzḛ we ka.

Ɨ̀fàʼì 14:17

Si ya gha, məd Ŋwiye fə chwi ineni gha zìye we angu icheg ne we ghìyə̀ ìchɔ̀mì abə bəd. Məd we fìʼè ikaŋ àbɔ̀ŋɔ ghìyə̀ gha mbə̀ŋ no ane nyumə̀ ne zì kòʼi ni no. Məd we bə̀ ghìyə̀ gha mbə̀ bere tijəg ane nyùmə̀ we ne mbə̰ mbe nìŋə ighi aben. Məd we nàʼà ighijəg inən. Məd we bə̀ ghìyə̀ gha mbə̰ ya taŋ gyènde.”

Jn 5:17

Si ya gha, Yeso ya ghà inɔb gha, “Ìmə mbaʼ ya fàʼà mà nyumə̀ ijìm. Mo inum ya bə̀ fàʼà ane.”

Jn 1:3

Ŋwiye ya chè anjìm məd ni tangi ighi ijìm. Chəyi Ŋwiye ya tangi aghi mɔ̀ʼɔ amɔʼ witì chè anjìm məd bɔŋ tangi.

Jn 1:11

Wì ya yèʼe pè ghò inga aben məd. Si ya gha, chəyi bəd məd ya niŋi aməd.

1 Kɔrèn 8:6

Ane, tè kyèri gha Ŋwiye məyi imɔʼ ne yaʼi Mbaʼ we ne ya tangi ighi ijìm. À ya məd we nàʼà ìtḛ̀ ina. Anɔŋisəg ya bə̀ məyi imɔʼ. Məd ya Yeso Kristo we ne Ŋwiye che anjìm məd tàngi ighi ijìm. Məd we bə̀ nàʼà ìtḛ̀ ina.

Kòlosè 1:16

À ya Ŋwan məd we ne Ŋwiye ya nàʼi ika ibo wì tàngi ighi ijìm ne yaʼi ikaŋ àbɔ̀ŋɔ fɔrɔ igun isəg; Ighi ijìm ne te bàrà fɔrɔ ighi ne chəyi te bàrà: Kə̀ àkə mbè angirə̀, kə̀ izwighi tibɔ̀ŋ mbe ne tùmbə̀ ighi ne yaʼi igun isəg fɔrɔ ighi ne yaʼi aton àbɔ̀ŋɔ. Ighi ijìm ya Ŋwiye ya che anjìm məd tàngi ni gha mbe ghumni aməd.