Jems 1:1 - Ikan feg

¹ À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

Meta’

¹ À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Jems 1:1 Referans Kwoze

1 Pità 1:1

À ya mo Pità, wə̀dtɔm Yeso Kristo ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye chɔ̀ʼi, ne yaʼi mə̀Ju mbe ne sàka ghò inga Pontùs, tì Gàlesìyà, tì Kàpàdosìyà, tì Esìyà fɔrɔ Bìtinìyà.

Jn 7:35

Itog bəd mə̀Ju ya se ghàmà mbɔb mbɔb gha, “Asiŋi ze ne mbe gho̰ biri ghò angu ne tì biri kə̀b aməd tèkan àkə aya? Ighəm mɔ̀ʼɔ wì biri ghò yi abɔ̀ʼ ìmba bəd mbe ne saka ghò inga aben mə̀Grig ni chwiti inug inɔb.”

Ɨ̀fàʼì 8:1

Sɔl ya bḛ gha mbe zweti Stifə̀n. Kwàʼ igun aneg ze ne mbi ya zweti Stifə̀n, bəd ya taŋ zì atog ane anug ni chɔʼ ibɔʼì ighog abə bəd Kristo a Jèrusalèm. Bəd Kristo mbe məjìm ya sàkà ghò inga iba iben mbe a Jùdeyà fɔrɔ a Sàmarìyà. À ya məyi bədtɔm Kristo ya si tèn a Jèrusalèm.

Ɨ̀fàʼì 26:7

Ìta tinəbi te ìghum chɔ̀b ibe te ghùmnə Ŋwiye ane fìŋ ijìm tisi fɔrɔ tizimi icheg ne mbɔb mbe ghɔ̀mɔ̀ anug ze ne wì ya kàʼi. Mbè! À ya imbə̀ʼ anug azo̰ ne mə̀Ju zi isaʼi igun inum.

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

Ɨ̀fàʼì 15:13

Anyumə̀ ne mbi ya ghàmi mànì, Jem ya gha, “Ìmbum məfi, mbə̀ təm mə̀ ghama.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Ɨ̀fàʼì 21:18

Àsi aneg abɔ̀ʼ, mba məjìm tì Pɔl ya ghò ni zən Jem. Tì ya pè zən Jem tì itog bəd inga ifeti bəd Kristo ne ya yaʼi angu.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Matìyò 19:28

Yeso ya ghà inɔb gha, “Mə ghà tesiʼ inən, anyumə̀ ne Ŋwiye biri bə̀ŋì ighi ijìm ane mbi feg, Ŋwan Wə̀d biri chùghi igun atən ifɔn ìzḛzḛ məd. Mbə̰ mbo̰ ìghum chɔ̀b ibe ne beni abɔ̀ʼ inum biri si chùghi igun itən ifɔn se sàʼa tinəbi Izre te ìghum chɔ̀b ibe.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Gàlesìyà 2:12

Anug ze ya gha, bɔŋ bəd mɔ̀ʼɔ ne Jem ya tɔmi awɔb ya se yèʼe, Pità yaya jə̀ghə tì bəd ne kayi mə̀Ju. Àsi anyumə̀ ne mbi yeʼe, wì ko se sùngə̀ yi anjìm bə̀ se chìyè ìwi nyɔd ane bəd mbe ne kayi mə̀Ju. Wì yaya ghìyə̀ ane imbə̀ʼ icheg ne wì yaya bɔ bəd mbe ne yaya gha mbe ŋwed bəd məjìm mbe ne zi ibḛfiŋ igun Kristo icheg ne ikuchèg aben mə̀Ju yaʼi.

Gàlesìyà 1:19

Chəyi mə̀ ya bàri wə̀dtɔm Kristo ndəŋ ka chèyi ane Jem we ne yaʼi ifi Anɔŋisəg.

Ɨ̀fàʼì 15:21

Tè ghiyə ane imbə̀ʼ icheg ne bəd ya fə ko ni zug mə̀nɔ̀ʼɔ̀ Muse nɔ̀ʼ ane nyùmə̀ we abə ìmba mə̀mbaʼ aneg. Mbi ya bə̀ fɔ̀ŋɔ mə̀nɔ̀ʼɔ̀ mbe igun ineg àzwètì ijìm inga məchamì Ŋwiye məjìm.”

Ɨ̀fàʼì 1:13

Anyumə̀ ne mbɔb ya pe a Jèrusalèm, mbi ya kɔʼ ghò inga atog nəb ze igun. À ya asiŋi ne mbɔb yaya chùghə angu ane nyumə̀ we. Mbɔb yaya: Pità tì Jɔn tì Jem fɔrɔ Andrò tì Filib fɔrɔ Tòmas tì Bàtòlomìyò fɔrɔ Matìyò tì Jem we ne ya ŋwan ìwi Afòs fɔrɔ Sayimùn we ne mbi yaya kàrà ane Zilɔ̀d fɔrɔ Judàs, ŋwan Jem.

Matìyò 13:55

Imbə̀ʼ aməd ya ŋwan kapindà? Ngɔb məd kə kayi Mèri? Imbə̀ʼ məfi məd ya Jem tì Jòseb tì Sayimùn fɔrɔ Judàs?

Ɨ̀fàʼì 12:17

Anyumə̀ ne mbi ya bàri aməd ane, Pità məʼ abo inɔb gha mbe chim tizi. Wì ya si mə̀tì icheg ne Anɔŋisəg ya cha angirə̀ wì chi aməd a ndəŋ. Wì ya ghà inɔb gha, “Mbə̀ mətə anug azo̰ abə Jem fɔrɔ abə mbin tì bəd Kristo.” Wì ya ghàm ane, si nɔ̀ʼ ghò yi a asiŋi ndəŋ.

Ɨnû 7:4

Mə ya zug inun bəd ne wì ya zi aneni igun inɔb. Mbi ya yaʼ chuʼ iki ifibì tì ìghum ikwè chɔ̀b ikwè. Mbi ya yaʼ inga tinəbi Izre te ìghum chɔ̀b ibe.

Ɨ̀fàʼì 2:5

Anyumə̀ we, mə̀Ju ne yaya ghùmnə Ŋwiye, ya nɔ̀ʼ inga iben ijìm igun isəg ghò se chùghə a Jèrusalèm.

Lk 22:30

Ane, mbə̰ biri jəg bə̀ no inga àmə anug ìfɔ̀n. Mbə̰ biri bə chughi tì inum igun itən ifɔn se sàʼa tinəbi Izre te ìghum chɔ̀b ibe.”

Matìyò 10:3

tì Filib tì Bàtòlomìyò tì Tòmas fɔrɔ Matìyò ne ya wə̀dtag tì Jem ŋwan Afòs tì Tàdiyòs

2 Timotì 4:21

Àghò kirə ika ni pè bɔŋ nyùmə̀ we ne ifə we taŋ ko se kòʼò. Ubulùs bə̀ chàʼrì awe. Pudèns tì Layinùs tì Klodìyà fɔrɔ bəd Kristo məjìm mbe bə̀ chàʼrà awe.

Ɨ̀fàʼì 23:26

“À ya mo Klodìyòs Lisìyàs ŋwàʼri àŋwàʼrì azo̰. Mə ŋwàʼrì anìŋ ine, àghò wə̀d kyen, Gɔbnà Feligs. Mə chàʼrì awe.

Lk 6:15

tì Matìyò, tì Tòmas, tì Jem ŋwan Afòs, tì Sayimùn we ne mbi yaya kàrà aməd ane Zilɔ̀d,

Mk 3:18

Mbi ndəŋ ya Andrò, tì Filib, tì Bàtòlomìyò, tì Matìyò, tì Tòmas, tì Jem ne ya ŋwan Afòs, tì Tàdiyòs, tì Sayimùn ne mbi yaya kàrà ane Zilɔ̀d.