Ɨ̀fàʼì 3:19 - Ikan feg

¹⁹ Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

Meta’

¹⁹ Əne mbə̀ beŋ tə fîŋ, wò əsɨ ə Ŋwiə̀ ɨmbə̀ʼ wɨ̀ waʼ mbə ɨnû rɨbɔ̀ŋ.

Ɨ̀fàʼì 3:19 Referans Kwoze

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Matìyò 18:3

Wì ya si ghà inɔb gha, “Mə gha tesiʼ inən gha, mbə̰ mənyìʼ kɔ̀pɔ si yaʼ icheg bɔn kwa kwa, nji chəyi mbə̀ biri nyi inga anug ìfɔ̀n ikaŋ.

Matìyò 13:15

À ya ane imbə̀ʼ icheg ne fìŋ abə bəd mbo̰ fə tu. Mbɔb fə bə̀ ghùpì ìmbɔb ìtɔ̀ŋi. Mbɔb fə bə̀ kùbri àzɔb aghə. Àkə aghi ne chəyi ze yaʼi ane, nji mbɔb biri nèn, bàd, zwèri zug bə̀ kyèri inga ìtɔb fìŋ, si bə̀ŋì fìŋ yèʼe inum, mə ghù awɔb.›

2 Tès 1:7

Àsi mbə̰ mbe ne zə̰ ngəʼ imbə̀ʼ aməd, wì biri ghì gha mbə̀ bere àzùtì. Wì biri bə ghì mba ina bə bèrì àzùtì. Wì biri ghum ghì ane anyumə̀ ne Anɔŋisəg Yeso Kristo biri swiʼi ikaŋ àbɔ̀ŋɔ inga ìkìmi iywid tì ìmbi mbè angirə̀ ka ka.

Ɨ̀fàʼì 11:21

Anɔŋisəg ya nàʼ ika inɔb mbi ghì iyeti inug bəd bàd. Ane, bəd nɔʼ nɔʼ a Antìyɔ̀g ya bḛ ikən chɔm we si nɔ̀ŋì fìŋ igun Anɔŋisəg Yeso.

2 Pità 3:8

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ mbə̰ si to̰ awən anug azo̰ afibì. Anug angu ya gha, abə Anɔŋisəg, aneg amɔʼ ya icheg tituʼ chuʼ ifibì, tituʼ chuʼ ifibì ya bə̀ icheg aneg amɔʼ.

Ɨ̀fàʼì 28:27

À ya ane imbə̀ʼ icheg ne fìŋ abə bəd mbo̰ fə tu. Chəyi ìmbɔb ìtɔ̀ŋi mbe bə̀ ywìrè taŋ zùghə inug. Mbi fə bə̀ fə̀ghì àzɔb aghə; nji mbi biri bàd isiŋi ane àzɔb aghə, bə̀ zug inug ane ìmbɔb ìtɔ̀ŋi, bə̀ kyèri inug, mbi zen inga ìtɔb fìŋ, si bə̀ŋə̀ yèʼe abɔ̀ʼ inum ni gha mə ghuyə awɔb.›

1 Pità 2:25

Mbə̰ ya yaʼ icheg njə̀g te ne ya fèbe. Àsi amad anìŋ, mbə̰ fə ywìrì bə̀ndì ghò abɔ̀ʼ Àjənjə̀g, ne yaʼi Wə̀d we ne kyèʼrè awən.

2 Tès 1:10

Ane aneg ze ne Anɔŋisəg biri yeʼe, bəd məd biri se yète məd. Bəd məjìm ne bḛ aməd biri se ghùmnə aməd. Mbə̰ inən biri bə̀ yaʼ abɔ̀ʼ inɔb imbə̀ʼ icheg ne mbə̰ inən ya bə̀ bḛ ikən chɔm we ne tì ya ghà inən.

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Lk 1:16

Wì biri ghì bəd Izre nɔʼ nɔʼ bə̀ndì yèʼe abə Ŋwiye, ìwɔb Anɔŋisəg.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Ɨ̀fàʼì 17:26

Wì ya ko ane wə̀d imɔʼ tàngi bəd məjìm inga iben ijìm mbe ne yaʼi inga isəg gho̰. À ya məd ghì bəd yaʼ inga iben ijìm igun isəg. Məd ya fə bì nɔ̀ŋì nyumə̀ abə bəd məjìm fɔrɔ isiŋi ne bəd biri chughi.

Ɨ̀fàʼì 15:3

Ifeti bəd Kristo ya chà awɔb ane, mbi nɔ̀ʼ ko ghò. Mbi ya chè inga Fònisìyà fɔrɔ inga Sàmarìyà. Mbi ya chè angu ane, nè ghà inɔb gha, bəd ne kayi mə̀Ju fə bḛ Kristo. Anug azo̰ ya ghì bəd Kristo məjìm se taŋ gyènde.

Ɨ̀fàʼì 3:21

Məd biri kiri chughi yi ikaŋ àbɔ̀ŋɔ ghò pè ane nyumə̀ we ne Ŋwiyekɔʼ biri tangi ìmbi inug ijìm icheg ne wì ya ghum chè anjìm bədkə̀n ìzḛzḛ məd kàʼ.

Ɨ̀fàʼì 1:6

Anyumə̀ ne Yeso tì bədtɔm məd ya fete asiŋi mɔ̀ʼɔ, mbɔb ya biri ibo gha, “Anɔŋisəg, àghò wa biri chì məRom igun ina si nàʼ anug ìfɔ̀n ina mba mə̀Izre amad anìŋ?”

Ɨnû 21:4

Wì biri fug məsi məjìm ane àzɔb aghə. Chəyi bəd biri ywiri ku kə̀ dèg kə̀ chwḛ məsi kə̀ zug tibuʼ imbə̀ʼ icheg ne inug inun fə chè.”

2 Timotì 2:25

Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye.

Ɨ̀fàʼì 3:20

Mbə̰ mə̀ ghì ane, Anɔŋisəg biri ghì ìtən fìŋ zùtì. Wì biri chà wə̀d we ne məd zɔʼi ne ya Yeso, inən.

Mə̀Hibrù 4:1

Icheg ne anug ze ne Ŋwiye ya kàʼi ni nàʼ àzwètì abə ìmbi bəd, ze kiri təm, tì niŋ nyumə̀ imbə̀ʼ wə̀d mɔ̀ʼɔ nɔ̀ʼ sam.

Lk 22:57

Pità ya to̰ yi gha, “Àyi gho̰! Chəyi mə̀ kyeri aməd.”