Ɨ̀fàʼì 26:3 - Ikan feg

³ À ya ane imbə̀ʼ icheg ne mə̀ kyèri gha àghò taŋ kyèri məcheg aben mə̀Ju məjìm bə̀ kyèri inug mbe ne mə̀Ju mbe tàŋà. Ane, mə boʼ ibo ine gha àghò nyimi fìŋ zwèri anug ne mə̀ biri ghà.

Meta’

³ ɨmbə̀ʼ ɨghəm nɨ mə̀ kyerɨ ni à kàŋ jeŋgɨ kyerɨ mɨchî mɨ̀Jû mɨ̀jìm bə̀ kyerɨ ɨnû mbe nɨ mbɨə tàŋ rɨ ɨgun. Əne mə wɨə buʼ ɨbɔ ɨ ne ni à yim fîŋ zwetɨ ənû ze nɨ mə bɨrɨ ghà.

Ɨ̀fàʼì 26:3 Referans Kwoze

Ɨ̀fàʼì 6:14

Tè kə̀ zug icheg ne məd we gha Yeso we a Nazarèd biri buʼ mbàn Ŋwiye izo̰, bə̀ kɔ̀pi məcheg aben mbe ne Muse ya nàʼi ina.”

Ɨ̀fàʼì 26:26

Mbè, aton ne mə ghà inug mbo̰ ine anìŋ ne chəyi mə̀ bɔ ya gha, àghò fə kyeri inug mbo̰ ijìm imbə̀ʼ icheg ne chəyi inug mbo̰ ya du inə̀mbi.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 26:7

Ìta tinəbi te ìghum chɔ̀b ibe te ghùmnə Ŋwiye ane fìŋ ijìm tisi fɔrɔ tizimi icheg ne mbɔb mbe ghɔ̀mɔ̀ anug ze ne wì ya kàʼi. Mbè! À ya imbə̀ʼ anug azo̰ ne mə̀Ju zi isaʼi igun inum.

Ɨ̀fàʼì 25:26

Chəyi mə̀ taŋ bèrì anug mɔ̀ʼɔ ne tì mə ŋwàʼrì abə ifɔn kyen imbə̀ʼ aməd. Ane, mə fə niŋ aməd yèʼe inən imbìghè tèchɔ̀ŋ. Mə niŋ aməd yèʼe ako ako ine imbìghè àghò ifɔn Agripà, ni gha tì mə fə nwendi isaʼi məd, mə we tì mə bèrì anug mɔ̀ʼɔ ni ŋwàʼrì imbə̀ʼ aməd.

Ɨ̀fàʼì 24:10

Anyumə̀ ne gɔbnà Feligs ya mə̀ʼri abo abə Pɔl gha wì ghama, Pɔl ya gha, “Mə kyèri gha àghò fə saʼ aben azo̰ ane tituʼ nɔʼ nɔʼ. Ane, mə gyen kwa ako ni təm ine imbìghè ni chì inug mbo̰ ne mbe zìyè inum igun atog.

Ɨ̀fàʼì 24:4

Chəyi mə̀ kəbi ni chìkì ìwe nyumə̀. Mə biri sɔpi ìngam sɔpi. Ane, mə we bòʼo ibo ine gha, niŋ ìze fìŋ chɔm ze ne àghò beri zug anug azo̰ ne mə̀ biri ghà ine.

Ɨ̀fàʼì 21:21

Mbɔb fə zug gha, àghò we se ghà abə mə̀Ju mbe ne chùghə inga iben ndəŋ gha mbe waʼ mə̀nɔ̀ʼɔ̀ Muse. Mbɔb fə bə̀ zug gha àghò we bə̀ ghà abə bəd mbe gha imbə̀ʼ mbi ŋwed awɔb ìmbɔb bɔn kə̀ bə̀ ywìrì zùgri ìwa ikuchèg aben, mba mə̀Ju.

Ɨ̀fàʼì 26:2

“Ifɔn Agripà, mə kyèri gha àmə isi zen imbə̀ʼ icheg ne à ya ine imbìghè ne mə̀ biri ghàm tèchɔ̀ŋ ni tàŋì ìmə nyɔd ane inug ijìm mbe ne mə̀Ju zi igun inum.