Ɨ̀fàʼì 23:23 - Ikan feg

²³ Wə̀d kyen mə̀sogyì we ya kàri mə̀sogyì məbe ne wə̀d ifibì abɔ̀ʼ inɔb we sàʼa mə̀sogyì iki, ghà inɔb gha, “Mbə̀ chɔʼ mə̀sogyì aki abe ne mbi biri ghò a Kàserìyà. Mbə̀ bə̀ chɔʼ bəd nyam mə̀kara ìghum ìsàmbe tì bəd ighɔŋ aki abe yètì abɔ̀ʼ. Mbə̀ chuʼri ìwən nyɔd ni nɔ̀ʼ aŋa ane mə̀nyùmə̀ àbɔg izimi tèchɔ̀ŋ.

Meta’

²³ Ətu ə kyeŋ ɨgwɨ mɨ̀sɔgyɨ̀ nyaʼa tɔŋ ɨtu be ɨgwɨ mɨ̀sɔgyɨ̀ ɨkɨ fibɨ̀, ghà əmbɨ mɨ̀mə̌d ni, “Mbə̀ nɨŋ mɨ̀sɔgyɨ̀ əkɨ ə be, nɨŋ mbe nɨə kɔʼə ngyi ɨwum sambe, bə̀ nɨŋ mbe nɨə bèʼ ɨwɔŋ əkɨ ə be. Mbə̀ bɨrɨ nɔ̀ʼ ɨzimɨ ənɨ mɨ̀nyùmə̀ əbuə wò ə Kàisàriyà.

Ɨ̀fàʼì 23:23 Referans Kwoze

Ɨ̀fàʼì 23:33

Anyumə̀ ne mbɔb ya pe a Kàserìyà, mbi ya nàʼ àŋwàʼrì ze abə Gɔbnà Feligs, bə̀ zì Pɔl ibo ikye abo.

Ɨ̀fàʼì 8:40

Azwighi Ŋwiye ya niŋ Filip ane wi si dù yaʼ a Àzotùs, se yḛ̀ nè ghà ikən chɔm inga isiŋi ijìm. Wì yaya yḛ̀ nè ghà ikən chɔm we ane anene ghò pè a Kàserìyà.

Lk 12:38

Ŋwiye biri zì àbɔrɔ̀bɔd igun bəd àfàʼì mbe ne ìwɔb mbaʼ àfàʼì pè kɔ̀ti awɔb ane àngɔŋ izimi kə̀ ane achəg ituʼ ne mbi fə chuʼri ìwɔb nyɔd bə̀ yaʼ ikyèʼi se ghɔ̀mɔ̀ aməd.

Matìyò 14:25

Anyumə̀ ne ituʼ ya se chə̀ghə, Yeso yaya yḛ̀ igun igyi ghò abɔ̀ʼ inɔb.

Ɨ̀fàʼì 23:22

Anyumə̀ ne wə̀d kyen mə̀sogyì we ya zughi ane, wì ya pati ŋwan ajɔŋ we ghà ibo gha, “Imbə̀ʼ àghò gha awe abə wə̀d mɔ̀ʼɔ gha àghò ghà anug mɔ̀ʼɔ inum. Àghò zug?”

Ɨ̀fàʼì 23:32

Àsi isu abɔ̀ʼ, mə̀sogyì mbe ne yaya yḛ̀ ighog ya bə̀ndì ghò inga ikam. Mə̀sogyì mbe ne ya yaʼi igun nyam mə̀kara ya si chè imbìghè ni ghò tì Pɔl.

Ɨ̀fàʼì 23:31

Mə̀sogyì mbe ya zug ane bə̀ fàʼ àzɔb àfàʼì. Mbɔb ya niŋ Pɔl kwàʼ izimi we yḛ̀ tì məd anene ghò pè a Àntipatrìs.

Ɨ̀fàʼì 24:7

Si ya gha, Lisìyàs ne ya atog wə̀d kyen igun mə̀sogyì ya yeʼe chì aməd ina ikye abo.