Ɨ̀fàʼì 15:25 - Ikan feg

²⁵ Ane, tè chùghi aseg chɔʼ mbaŋà mɔ̀ʼɔ chà inən tì Bànabàs fɔrɔ Pɔl ne ya ìmba mə̀sə̀ʼ ne tì taŋ kɔ̀ŋ.

Meta’

²⁵ Tɨ̀ fə bòmnɨ̀, zɨ̀ mba ɨtu ənɨ mbɨ mɔʼ, zə ni zɨə bɔ̀ŋ ni tɨ̀ chɔʼ bə̂d mɔʼɔ tom əsɨ nən mbɨ Banabàs mbɨ Pɔ̂l. Mbɨ yɨ mba bɔŋgɔb nɨ tɨ̀ ghaʼi kwàʼ rɨŋgəʼ.

Ɨ̀fàʼì 15:25 Referans Kwoze

2 Pità 3:15

Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 15:2

Ane, Pɔl tì Bànabàs ya gwì achɔb ka ka se tàŋà inug mbe tì bəd mbe. Achɔb ze ya ghì mbi chɔʼ Pɔl tì Bànabàs fɔrɔ bəd Kristo ndəŋ tɔm awɔb gha mbe kɔʼ ghò a Jèrusalèm ghò nwèndi anug ze abə bədtɔm Kristo fɔrɔ abə itog bəd inga ifeti bəd Kristo.

Ɨ̀fàʼì 1:14

Mbɔb məjìm yaya kə fète asiŋi afibì chàʼrà Ŋwiye ane fìŋ ifibì. Məfi ìmbi Yeso tì Mèri we ne yaʼi ngɔb məd fɔrɔ mə̀yi ndəŋ yaya bə̀ chàʼrà Ŋwiye abɔ̀ʼ inɔb.

Lk 1:3

Wə̀d kyen Tìyofilùs, icheg ne mə fə nwḛ inug mbo̰ ijìm kwàʼ igun ibɔʼì, nɔ̀ʼ ane mbi ya ko ko, mə bə̀ kɔ̀ndi gha mə ŋwaʼra ine kwàʼ icheg ne mbi ya du.

Filemɔ̀n 1:16

Ane, chəyi àghò biri ywiri niŋ aməd icheg ifeg. Àghò biri si niŋ aməd icheg wə̀d ne beri ati chè ifeg. Məd ya ìwa ifi chɔm inga Kristo. Məd bèrì àfàʼì ne tì wì wete amə. Si ya gha, mə kyèri gha məd biri bèrì àfàʼì ne tì wì wete awe chè icheg ne məd we wètè amə. Məd biri yaʼ ine icheg wə̀d àfàʼì fɔrɔ icheg ifi ne tì yaʼi ane ifɔti tì Anɔŋisəg.

Kòlosè 4:9

Məd we yèʼe tì Ònìsimùs ne yaʼi ìwa ifi ne tì taŋ kɔ̀ŋ. Ònèsimùs we bə̀ fàʼà ane ìzi fìŋ ijìm. Məd ya bə̀ wə̀d a Kòlosè icheg inən. Mbɔb mbo̰ məbe biri mə̀tì inug ijìm ne chè ina aŋa inən.

Kòlosè 4:7

Tichikùs, ne yaʼi ìmə ifi ne mə̀ taŋ kɔ̀ŋ biri gha inug ijìm inən imbə̀ʼ amə. Məd we fàʼà ane ìzi fìŋ ijìm. Məd ya bə̀ ìmə ifi ane àfàʼì icheg ne te fàʼà abə Anɔŋisəg.

Efesùs 6:21

Tichikùs ne yaʼi ìmə ifi ne mə̀ taŋ kɔ̀ŋ, ne bə yaʼ wə̀d ne fàʼà abə Anɔŋisəg ane ìzi fìŋ ifibì biri ghà inug ijìm imbə̀ʼ amə inən ni gha mbə̀ kyeri icheg ne mə̀ yaʼi bə̀ kyèri àfàʼì ne mə fàʼà.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

Rm 16:12

Mbə̀ chaʼra Trifenà tì Trìfosà. Mbɔb ya mə̀yi ne taŋ fàʼà abə Anɔŋisəg. Mbə̀ chaʼra Pesì ni yaʼi ìmə ìsə̀ʼ ne mə̀ taŋ kɔ̀ŋ. Məd ya bə̀ àyi ne ya taŋ zìye atog ni fàʼ abə Anɔŋisəg.

Ɨ̀fàʼì 15:35

Pɔl tì Bànabàs ya tèn a Antìyɔ̀g. Mbɔb tì bəd nɔʼ nɔʼ ndəŋ yaya chwìte inug nɔʼ nɔʼ bə̀ chètè ìngam Anɔŋisəg abə bəd.

Ɨ̀fàʼì 15:6

Ane, Bədtɔm Kristo tì itog bəd inga ifeti bəd Kristo ya bɔ̀mbì ni nèn anug ze kwàʼ icheg chɔm.

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 2:1

Anyumə̀ ne aneg Pentekɔ̀d ya kòʼi, bəd Kristo mbe məjìm ne yaya chùghə inga atog nəb ze igun ya yaʼ ane asiŋi afibì.

Matìyò 11:26

E! Ìmə Mbaʼ, à ya icheg ne àghò kə̀bi gha ze yaʼ.