Ɨ̀fàʼì 13:16 - Ikan feg

¹⁶ Pɔl ya zug ane, nɔ̀ʼ təm titighe, mə̀ʼ ane abo gha bəd chim tizi. Anyumə̀ ne bəd ya chimi tizi, wì ya ghà gha: “Ìmba məfi mə̀Izre fɔrɔ mbə̰ mbe ne kayi mə̀Ju ne ghùmnə Ŋwiye, mbə̀ zug.

Meta’

¹⁶ Pɔ̂l nyaʼa zu əne nɔ̀ʼ təm, mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà ni: “Mbɨ bɔŋgɔb, mɨ̀Izre fɔrɨ mbə̀n mbe nɨə wumnɨ ə Ŋwiə̀, mbə̀ zu.

Ɨ̀fàʼì 13:16 Referans Kwoze

Ɨ̀fàʼì 12:17

Anyumə̀ ne mbi ya bàri aməd ane, Pità məʼ abo inɔb gha mbe chim tizi. Wì ya si mə̀tì icheg ne Anɔŋisəg ya cha angirə̀ wì chi aməd a ndəŋ. Wì ya ghà inɔb gha, “Mbə̀ mətə anug azo̰ abə Jem fɔrɔ abə mbin tì bəd Kristo.” Wì ya ghàm ane, si nɔ̀ʼ ghò yi a asiŋi ndəŋ.

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Ɨ̀fàʼì 10:2

Wì ya nɔ̀ŋì fìŋ igun Ŋwiye. Məd tì inəbi məd ijìm yaya ghùmnə Ŋwiye. Wì yaya nàʼà ighi abu abu abə bəd ne chəyi àzɔb bə̀ chàʼrà Ŋwiye mà nyumə̀ ijìm.

Ɨnû 2:29

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo.›”

Ɨnû 2:17

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Mə biri nàʼ manà mɔ̀ʼɔ abɔ̀ʼ we ne yaʼi inə̀mbi abə wə̀d ijìm ne che àkwàʼrì. Mə biri nàʼ iteg fu fu ne mbi ŋwàʼri ikum feg igun abə tengàŋ. Chəyi wə̀d mɔ̀ʼɔ ne kyeri ikum we chèyi ane wə̀d we ne nìŋə iteg angu.›”

Ɨnû 2:11

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Wə̀d ne che àkwàʼrì, chəyi iwu we ne pè ane ibe biri bètì aməd.›”

Ɨnû 2:7

Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”

Ɨ̀fàʼì 22:22

Bəd mbe ya zweri ìngam ìwi Pɔl ghò pè ane nyumə̀ ne wì ya gha gha Anɔŋisəg fə chà aməd gha wì ghò ghà ikən chɔm abə bəd ne kayi mə̀Ju. Ane, mbi ya ko se kyḛ ane gì ka ka gha, “Mbə̀ nimni mbaŋà ìzo̰ chì inga isəg! Chəyi wì koʼi ni ywìrì yaʼ izɔm!”

Ɨ̀fàʼì 21:40

Wə̀d kyen mə̀sogyì we ya zug ane, sàŋì gha wì ghama. Pɔl ya təm igun adiŋi ze ne mbi bɔmi, mə̀ʼ abo abə bəd gha mbe chim tizi. Anyumə̀ ne bəd ya chimi tizi, wì ya ghàm inɔb ane ìngam Hibrù.

Ɨ̀fàʼì 19:33

Mə̀Ju ya chà mbaŋà mɔ̀ʼɔ ne ikum məd ya Àlèzandà gha wì toʼro aton ne bəd ya fete abə bəd. Wì ya mə̀ʼ abo gha bəd chim tizi wì toʼro anug ze inɔb.

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Ɨ̀fàʼì 10:35

Məd we nìŋə bəd inga iben ijìm ne ghùmnə aməd bə̀ ghìyə̀ inug ne koʼi.

Ɨ̀fàʼì 3:12

Anyumə̀ ne Pità ya bàri inɔ̰ bəd we, wì ya ghà inɔb gha, “Məmbon, mbə̰ mə̀Izre, anug azo̰ kə chè awən iye? Mbə kə se nḛ̀ awa nḛ icheg ni gha à ya ane ìwa ika kə̀ anjìm ìmba inug chɔm ne tì ghi wə̀d gho̰ nɔ̀ʼ se yḛ̀?

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Ɨ̀fàʼì 2:14

Pità tì bədtɔm mbin ìghum chɔ̀b imɔʼ ya nɔ̀ʼ təm titighe, nɔ̀rì ìzi gì ikaŋ, ghàm abə inɔ̰ bəd we gha, “Ìmbum məfi ne yaʼi mə̀Ju fɔrɔ wə̀d ijìm we ne chùghə inga Jèrusalèm, mbə̀ taŋ zug anug ne mə ghà.

Lk 1:50

Inga tiwaŋ bəd tijìm, Məd we bèrè àsɔ̀mnəfiŋ abə bəd mbe ne ghùmnə aməd.

Matìyò 11:15

Wə̀d we ne tì wì zug anug, wì zug!

Lk 23:40

Ìywin tì wə̀d ya gaŋ ibo si gha, “Chim tizi! Àghò kə chəyi àghò we bɔ Ŋwiye? Àghò kə ghàmà anìŋ imbə̀ʼ icheg ne mbi niŋ isɔbi isaʼi ifibì igun ina fɔrɔ məd?

Lk 1:22

Anyumə̀ ne wì ya du, chəyi wì yaya ywìrè ghàmà. Wì yaya se mə̀tə̀ inug inɔb ane ibo. Mbi ya kyeri gha wè bàd anatì njə̀m ne Ŋwiye ghàmi ibo inga mbàn Ŋwiye.