Ɨ̀fàʼì 13:1 - Ikan feg

¹ Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Meta’

¹ Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

Ɨ̀fàʼì 13:1 Referans Kwoze

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

Ɨ̀fàʼì 15:35

Pɔl tì Bànabàs ya tèn a Antìyɔ̀g. Mbɔb tì bəd nɔʼ nɔʼ ndəŋ yaya chwìte inug nɔʼ nɔʼ bə̀ chètè ìngam Anɔŋisəg abə bəd.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

Ɨ̀fàʼì 13:9

Azwighi Ŋwiye ya sweg inga Sɔl ne mbi yaya bə̀ kàrà ane Pɔl. Ane, wì ya nèn Èlayimàs kwàʼ igun ìfe ghà ibo gha,

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

Ɨ̀fàʼì 15:32

Judàs tì Sayilàs ne ya yaʼi bədkə̀n Ŋwiye yaya ghà inug nɔʼ nɔʼ ne nə̀rə fìŋ bə̀ ghìyə̀ gha ibḛfiŋ abə bəd Kristo mbe təm kà.

Lk 3:1

Anyumə̀ ne ifɔn kyen məRom ne ikum məd ya Tìberùs ya yaʼi tituʼ ìghum chɔ̀b ita̰ igun atən, Pɔntiyos Payilèd ya yaʼ gɔbnà a Jùdeyà. Erɔ̀d yaya bə̀ tùmbə̀ məGalìli. Ifi məd ne ikum ya Filib yaya bə̀ tùmbə̀ məÌturà tì məTàkònitì. Nìsàniyà yaya bə̀ tùmbə̀ məÀbilèn.

Fìlipì 4:22

Bəd Ŋwiye məjìm aŋa mbe chàʼrà awən. Bəd mbe inga ìtɔʼ Kayisà mbe bə̀ taŋ chàʼrà awən.

Gàlesìyà 2:13

Anyumə̀ ne Pità ya fùbri inug ane, mə̀Ju ndəŋ ne ya zi ibḛfiŋ igun Kristo ya bə̀ bène abɔ̀ʼ məd se fùbrə̀ inug. Ka bèyi Bànabàs, wì ya bə̀ bène abɔ̀ʼ inɔb fùbrì inug, ane fèbè.

1 Kɔrèn 9:6

Kə̀ àkə məyi mo tì Bànabàs ne beri ni fàʼ ane ìmba ibo bɔŋ se jə̀ghə?

Rm 16:21

Timotì ne fàʼà tì inum we bə̀ chàʼrà awən. Lucìyùs tì Jasòn fɔrɔ Sòsipatà ne yaʼi mə̀Ju icheg inum mbe bə̀ chàʼrà awən.

Ɨ̀fàʼì 21:9

Məd ya bèrì bɔn àyi məkwè ne chəyi mbi ya kiri nami. Bɔn àyi mbe yaya ghà ikən Ŋwiye.

Ɨ̀fàʼì 19:6

Anyumə̀ ne Pɔl ya nɔŋi ìmbi ibo igun inɔb, Azwighi Ŋwiye ya yeʼe igun inɔb, mbi ko se ghàmà tìngam iben ndəŋ bə̀ ko se ghà ikən Ŋwiye.

Ɨ̀fàʼì 11:30

Mbi ya chɔ̀pì ighi mbe ane, nàʼ abə Bànabàs tì Sɔl gha mbe niŋ ghò zì ikye abo abə itog bəd Kristo mbe a Jùdeyà.

1 Tèsàlonikà 5:20

Imbə̀ʼ mbə̰ si wèghe awən tikən Ŋwiye te ne bəd mbe ghà.

Ɨ̀fàʼì 12:25

Anyumə̀ ne Bànabàs tì Sɔl ya màni àfàʼì ze ne mbi ya cha awɔb gha mbe gho fàʼ a Jèrusalèm, mbi ya bə̀ndì ghò a Antìyɔ̀g. Anyumə̀ ne mbi yaya bə̀ndə̀, mbi ya niŋ Jɔn Mag ghò tì məd.

Ɨ̀fàʼì 9:1

Anyumə̀ ne mbi yaya chɔ̀ʼɔ ibɔʼì ighog abə bəd Kristo, Sɔl ya chè imbìghè ni ya sìbè gha zìye biri zweti mə̀mə̀nənùg Anɔŋisəg. Ane, wì ya ghò abə atog wə̀d igun bəd mbàn Ŋwiye ni niŋ àŋwàʼrì.

Matìyò 27:32

Icheg ne mə̀sogyì mbe yaya nìŋə Yeso dùwə̀ inga aben Jèrusalèm, mbɔb ya bɔ̀mbi tì mbaŋà mɔ̀ʼɔ a Sayirèn ne ikum məd ya Sayimùn. Mə̀sogyì mbe ya nyimi aməd ane ika ghì wì niŋ azed abaʼri ze abə Yeso bèʼì.

1 Kɔrèn 11:4

Mbaŋà ne zìyè aghi mɔ̀ʼɔ kə̀ndə atog anyumə̀ ne wì ya chàʼrà Ŋwiye kə̀ anyumə̀ ne wì ya ghà ikən Ŋwiye, tengàŋ we wèghè Kristo ne yaʼi atog igun məd.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

1 Kɔrèn 13:8

Chəyi àkɔ̀ŋì biri nɔʼ mèg. Àsi ineʼi ni ghà ikən Ŋwiye, wi biri mèg. Ineʼi ni ghàm tìngam aku aku biri bə mèg. Ineʼi ni kyeri inug biri bə mèg.

1 Kɔrèn 14:29

Bədkə̀n məbe kə̀ mətad, mbe gha ikən Ŋwiye, mə̀mbin si taŋ nèn anug ne mbe ghà.

1 Kɔrèn 14:32

Bəd mbe ne beri ineʼi ni ghà ikən Ŋwiye mbe tì mbi chuʼri icheg ni ghàm angu.