Fìlipì 2:9 - Ikan feg

⁹ Icheg ne wì ya ghi ane, Ŋwiye ya si nɔ̀ aməd nɔ̀ŋì igun ati kyen ne che iti ndəŋ ijìm. Wì ya bə̀ nàʼ ikum ibo ne che tikum ndəŋ tijìm.

Meta’

⁹ Əne Ŋwìə̀ fə nɔ̀ əməd nùŋ əsɨ ze nɨ che ɨsɨ jìm. Wɨ̀ fə bə̀ nàʼ ɨkum ɨ bɔ nɨ che tɨkum rɨjìm.

Fìlipì 2:9 Referans Kwoze

Ɨnû 19:16

Ikum we ne yaʼi igun ndwi məd bə̀ fɔrɔ igun ìtìb aghog məd ya, “Ifɔn abə məfɔn fɔrɔ Anɔŋisəg abə itog bəd ijìm.”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.

Mə̀Hibrù 2:9

Tì we bàrà Yeso ne Ŋwiye ghì wì beri ìzḛzḛ fɔrɔ ighumni. Si ya gha, Ŋwiye ya ghì wì beri ati ne to kə chè àzi mbè angirə̀ ane iki nyumə̀ ni gha anjìm àsɔ̀mnəfiŋ Ŋwiye wì zə̰ ngəʼ ane iki nyumə̀ bə̀ ku atog abə bəd məjìm.

Ɨnû 5:12

Mbi ya zə̀ʼ ikyeg ane gì ka ka gha, “Ŋwan njə̀g we ne mbi ya kyemi we kòʼ gha mbe naʼa ika ibo, nàʼ ighi ibo, nàʼ iwe ibo, nàʼ ighumni ibo bə̀ nàʼ məyakà ibo.”

Mə̀Hibrù 1:4

Ŋwiye ya ghì Ŋwan Məd bèrì ika chè mbè angirə̀ kwàʼ icheg ne ikum we ne wì ya nàʼi ibo bə̀ chè ìwɔb.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Jn 17:5

Ìmə Mbaʼ, ghìyə mə beri ighumni we ne tì ya fɔrɔ bèrì bɔŋ àghò ya se tànga isəg.”

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Ɨnû 11:15

Angirə̀ we ne pè ane ìsàmbe ya fə ìzi tì tàŋ. Gì ka ka ti nɔʼ nɔʼ si ghàm ikaŋ àbɔ̀ŋɔ gha, “À ya ìwa Anɔŋisəg fɔrɔ Wə̀d məd we ne məd zɔ̀ʼi si bèrì ika ijìm amad anìŋ ni tùmbì isəg ijìm kwàʼ ane ighə̀m imɔʼ.”

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

2 Pità 1:17

Ŋwiye ya nàʼ ighumni fɔrɔ ìzḛzḛ njandi njandi ibo anyumə̀ ne gì Ŋwiye ne mbə̰ mbe nàʼà ighumni kyen ibo ya gha gha, “Aŋa ya ìmə Ŋwan ne mə̀ taŋ kɔ̀ŋ ne ghìyə̀ mə gyende.”

Kòlosè 1:18

Məd ya Atog ane ifeti bəd Kristo. Ifeti bəd Kristo ya nyàmnyɔd məd. À ya məd ko anug ifeti bəd Kristo. Məd ya ŋwan mbègtog ne Ŋwiye zwemni ane iwu ni ghì gha wì bere ika igun ighi ijìm.

Ɨ̀fàʼì 5:31

Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Jn 13:3

Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Jn 17:11

Chəyi mə̀ biri ywiri chughi igun isəg tì inɔb. Mə ya anìŋ se yèʼe amə abɔ̀ʼ ine. Ane, mbɔb biri kiri yaʼ igun isəg. Ìmə Mbaʼ zḛ zḛ, àghò kyeʼre awɔb ane ika we ne yaʼi ane ìwe ikum, ne ya ikum we ne àghò ya nàʼi inum. Ghìyə ane imbə̀ʼ mbi yaʼi ane anug amɔʼ icheg ne mo tì ine bə yaʼ ane anug amɔʼ.

Jn 17:12

Anyumə̀ ne mə̀ ya yaʼi tì inɔb, mə yaya kyèʼrè awɔb bə̀ kə̀ndə awɔb ane ika we ne yaʼi ane ikum, ikum we ne àghò nàʼi inum. Chəyi wə̀d mɔ̀ʼɔ imɔʼ abɔ̀ʼ inɔb ne nimi. À ya məyi wə̀d we ne ze ya fə chwi gha wì biri nim, ni ghì ghà anug ne yaʼi inga Àŋwàʼrì Ŋwiye ze duwə ane tesiʼ.”

Efesùs 1:10

Wì ya chuʼri inug mbe nɔ̀ŋì ni ghì gha ane nyumə̀ kòʼi, Kristo biri yaʼ atog igun ighi ijìm ne Ŋwiye tàngi, kə̀ àkə ighi ne yaʼi ikaŋ àbɔ̀ŋɔ kə̀ ighi ne yaʼi igun isəg.

2 Tès 1:12

Tì ya chàʼrà Ŋwiye ane ni ghì gha bəd ya ghùmnə Anɔŋisəg Yeso imbə̀ʼ awən, bə̀ ghùmnə awən imbə̀ʼ ìchɔ̀mì we ne Ŋwiye tì Anɔŋisəg Yeso Kristo ghi inən.

Mə̀Hibrù 1:9

Àghò kɔ̀ŋ inug ne koʼi bə̀ bàn inug tibɔ̀ŋ. Ane, Ŋwiye, ne yaʼi ìwe Ŋwiye fə chɔʼ awe nɔ̀ŋì igun ìmbe məfi icheg ne wì zɔ̀ʼi awe ghì àghò se gyènde.”

3 Jɔn 1:7

Mbɔb ya yḛ̀ ane ikuchèg ne Anɔŋisəg cha awɔb. Chəyi mbɔb mbe nìŋə àwètì mɔ̀ʼɔ abə bəd mbe ne chəyi mbi bḛ Yeso Kristo.