Fìlipì 2:7 - Ikan feg

⁷ Wì ya sàŋì ìwi ìkyen zìye zìye, swi ìwi nyɔd aseg si yaʼi yi yaʼ icheg wə̀d àfàʼì. Mbi ya gwi aməd kwàʼ icheg ne mbe gwìye wə̀d-aku.

Meta’

⁷ Wɨ̀ nyaʼa saŋ ɨkyěŋ məd, swi i ɨnyod ənɨ ə̀bòʼò. Mbɨ nyaʼa gywɨ əməd ɨchî nɨ mbɨə gywɨə bə̂d mɨ̀sɔŋɨchù. Wɨ̀ nyaʼa yeʼe ɨghabɨ ə wə̀d mɨ̀sɔŋɨchù, əne bə̂d nyaʼa zə əməd.

Fìlipì 2:7 Referans Kwoze

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Gàlesìyà 4:4

Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

Mə̀Hibrù 4:15

Tè bèrì atog wə̀d kyen igun bəd mbàn Ŋwiye ne tì wì sɔmnɔ̀ igun ina anyumə̀ ne te bɔ̀rɔ ane ìwa ibḛfiŋ igun Ŋwiye. À ya ane imbə̀ʼ icheg ne Sàtàn ya kwàʼrì aməd ane mənɔnjì nɔʼ nɔʼ icheg ne Sàtàn we bə̀ kwàʼrà awa, si ya gha, chəyi wì ya gùghi anug.

Rm 15:3

Chəyi Kristo yaya ghìyə̀ məyi inug ne biri bɔ̀ŋ ibo. A ze inga Àŋwàʼrì Ŋwiye gha: “Àzɔ̀mbì ze ne bəd ya zɔ̀mbi awe ze yèʼe igun inum.”

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Lk 22:27

Wə̀d kyen kə iweg? Àkə wə̀d ne chùghə, mbi yeʼe nàʼ tijəg ibo, kə̀ wə̀d ne nàʼà tijəg te? Imbə̀ʼ à ya wə̀d ne chùghə mbi yeʼe nàʼà tijəg ibo? Mə yaʼ abɔ̀ʼ inən icheg wə̀d àfàʼì ne nàʼà tijəg.

Rm 15:8

Mə ya anìŋ ghà inən gha, Kristo ya bə̀ŋə ane wə̀d àfàʼì abə mə̀Ju ni chwiti gha Ŋwiye we ghìyə̀ inug mbe wì ya kàʼi abə ìmbɔb mə̀mbaʼ te aneg.

Fìlipì 2:6

Yeso ne yaʼi icheg Ŋwiye, chəyi wì ya niŋi anug ne wì yaʼi icheg Ŋwiye ane anug mɔ̀ʼɔ ibo.

Matìyò 12:18

Wì ya gha, “Aŋa ya ìmə wə̀d àfàʼì ne mə fə chɔʼi. À ya wə̀d àfàʼì ne mə̀ taŋ kɔ̀ŋ. Mə we taŋ gyènde imbə̀ʼ aməd. Mə biri zì àmə Azwighi inga məd. Məd biri ghà inga iben ijìm mbe ne kayi iben mə̀Ju gha mə biri saʼ awɔb ane icheg ne koʼi.

Mə̀Hibrù 13:3

Mbə̀ ya kɔ̀ndɔ bəd mbe ne yaʼi inga nəb ndəŋ kwàʼ icheg ni gha mbə̰ ya bə̀ inga nəb ndəŋ tì inɔb. Mbə̀ ya bə̀ kɔ̀ndɔ bəd mbe ne mbe chə awɔb kwàʼ icheg ni gha mbə̰ ya bə̀ inga ngəʼ tì inɔb.

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Mk 9:12

Wì ya ywìtì inɔb gha, “Èlayijà bèrì ni bi yèʼe ni ywiri tangi inug ijìm icheg ne mbi ya ŋwàʼri. Aton ne mbi ŋwàʼri imbə̀ʼ Ŋwan Wə̀d gha wì biri zə̰ ngəʼ ni che ibo, mbi bə̀ ton aməd àkə gha?

2 Kɔrèn 13:4

Tesiʼ ya gha, mbi ya kɔ̀mbì aməd igun azed abaʼri ane wì ya bɔri, si ya gha, ika Ŋwiye ya nàʼ ìtḛ̀ ibo. Icheg ne tì yaʼi ane ifɔti tì Kristo, tì we bə̀ bɔ̀rɔ. Si ya gha, Ŋwiye we nàʼà ika ina ni yaʼ izɔm abɔ̀ʼ məd imbə̀ʼ fàʼ inən