Fìlipì 1:9 - Ikan feg

⁹ Mə ya chàʼrà Ŋwiye inən gha, mbə̀ che imbìghè ni kɔ̀ŋ ìmbən məfi fɔrɔ ìtən njàbi, bə̀ chè imbìghè ni kyeri tesiʼ imbə̀ʼ Ŋwiye. Mə ya bə̀ chàʼrà Ŋwiye inən gha, mbə̀ kyeri inug ne yaʼi inug chɔm bə̀ kyèri inug ne yaʼi inug tibɔ̀ŋ.

Meta’

⁹ Mə wɨə kɔ̀ŋgɨ̀ ə Ŋwiə̀ ni mbə̀ ghaʼ mbə bɔŋgɔb wò ɨmbì. Mə wɨə bə̀ kɔ̀ŋgɨ̀ə̀ ni mbə̀ kyerɨ rəsìʼ ɨmbə̀ʼ ə Ŋwiə̀ bə̀ kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ,

Fìlipì 1:9 Referans Kwoze

1 Tèsàlonikà 3:12

Anɔŋisəg Yeso ghiyə àkɔ̀ŋì ze ne mbə̰ mbe chwiye abə ìmbən məfi bə̀ fɔrɔ abə bəd məjìm ze sweg gwètè icheg ne àza àkɔ̀ŋì inən bə̀ sweg gwètè.

Kòlosè 1:9

À ya aton ne, nɔ̀ʼ ane aneg ne Epafràs ya mə̀ti inug ina imbə̀ʼ ìwən ibḛfiŋ igun Kristo, chəyi tì kweʼì chughi witì ya chàʼrà Ŋwiye inən. Tì ya chàʼrà Ŋwiye gha, Ŋwiye ghiyə mbə̀ taŋ kyèri ikuchèg məd, Azwighi Ŋwiye naʼa iwe inən bə̀ ghì ìmbən itog taŋ zen.

Filemɔ̀n 1:6

Mə we chàʼrà Ŋwiye gha, àghò təm kà icheg ne àghò nɔŋi ìwe ibḛfiŋ igun Kristo icheg ina. Ane, Ŋwiye ghiyə àghò taŋ kyèri inug chɔm chɔm ijìm mbe ne tì beri icheg ne tì yaʼi ane ifɔti tì Kristo.

Kòlosè 3:10

Amad anìŋ, mbə̰ fə bèrì ikuchèg feg. À ya Ŋwiye ya nàʼi ikuchèg feg gho̰ ni gha mbə̀ taŋ kyèri aməd we ne ghi mbə bèrì ikuchèg feg we.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

2 Kɔrèn 8:7

Mbə̀ nḛ gha mbə̰ mbe kwèghe ane inug ijìm: kə̀ àkə ane ibḛfiŋ, kə̀ ane ìwən ìngam ichug, kə̀ ane anug ni kyeri inug, kə̀ ane anug ni nɔ̀ŋɔ̀ fìŋ ni wètì bəd, fɔrɔ ane icheg ne mbə kɔ̀ŋɔ̀ awa. Mbə̀ bə kweg ane anug ni ya nàʼà ighi wètè bəd.

1 Kɔrèn 14:20

Ìmbum məfi fɔrɔ ìtum njàbi, imbə̀ʼ mbə̰ ya kɔ̀ndɔ awən inug icheg bɔn kwa. Àmə se ane inug tibɔ̀ŋ, mbə̀ yaʼ awən abəŋ icheg bɔn kwa. Mbə̀ yaʼ icheg bɔn kwa, si ya gha, mbə̀ se kɔ̀ndɔ inug icheg bəd kyen.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

Mə̀Hibrù 5:14

Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.

Efesùs 5:17

Ane, imbə̀ʼ mbə̰ yaʼ awən icheg inen. Mbə̀ ziye atog ni kyeri anug ne Anɔŋisəg kə̀bi.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.