Fìlipì 1:14 - Ikan feg

¹⁴ Anug azo̰ ne mbi zi amə inga nəb ndəŋ fə ghì gha atog ndàn bəd mbe ne bḛ Anɔŋisəg, mbe taŋ bèrì fìŋ ni ghàm Ìngam Ŋwiye gho gho imbìghè ne chəyi mbe bɔ wə̀d mɔ̀ʼɔ ka.

Meta’

¹⁴ Ɨchî nɨ mə yeʼ ə nəb ndəŋ ə fə ghɨ̀ ni bɔŋgɔb nɔnɔʼ rəbɔʼ mbe nɨ ben ə Kristo jeŋgɨ ghà ɨŋgam Ŋwiə̀ ənɨ ə fîŋ nɨ kǎ fɔrɨ ənɨ chəi mbɨə bə̀ bɔ ə.

Fìlipì 1:14 Referans Kwoze

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

Lk 1:74

ni ghì gha tè pum ikye ibo abə ìmba bəd ìpàb, bə̀ ghì gha tè fàʼà ibo ne chəyi ibɔ,

Kòlosè 4:4

Mbə̀ chaʼra Ŋwiye inum gha mə chete ikən chɔm we bə̀ tòʼrì we zen kwàʼ icheg ne mə beri ni ghì.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Kòlosè 4:7

Tichikùs, ne yaʼi ìmə ifi ne mə̀ taŋ kɔ̀ŋ biri gha inug ijìm inən imbə̀ʼ amə. Məd we fàʼà ane ìzi fìŋ ijìm. Məd ya bə̀ ìmə ifi ane àfàʼì icheg ne te fàʼà abə Anɔŋisəg.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

Efesùs 3:13

Ane, mə we bòʼo ibo inən gha imbə̀ʼ ìtən fìŋ nɔ̀ʼ bɔd imbə̀ʼ icheg ne mo we zə̰ ngəʼ imbə̀ʼ awən. Inug mbo̰ ijìm ya ni wètì awən.

2 Kɔrèn 3:12

Icheg ne tì nɔŋi fìŋ igun àfàʼì feg azo̰, chəyi te ywìrè bɔ.

2 Kɔrèn 7:4

Chəyi mə̀ jə̀mə̀ awən kà. Mə ya bə̀ kɔ̀mɔ̀ ìmə igo imbə̀ʼ awən. Anyumə̀ ne tì yaʼi inga ngəʼ, mbə̰ ya nəri ìmə fìŋ bə̀ ghi mə taŋ gyènde.

Fìlipì 1:20

Anug ne mə taŋ kə̀bə̀, ne mə bə̀ taŋ nɔ̀ŋɔ̀ ikɔndi igun ya gha, imbə̀ʼ ze nɔ̀ʼ chwi gha mə beri tìnìrètog. Mə kə̀b ni bèrì fìŋ ka ka ni gha, inga ìmbum inug ijìm, kə̀ àkə iwu kə̀ ìtḛ̀, mə biri ya ghùmnə Kristo mà nyumə̀ ijìm fɔrɔ amad anìŋ ne mə̀ yaʼi inga nəb ndəŋ .

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.

Mk 3:3

Yeso ya ghà abə mbaŋà ze ne abo məd ya ngapa gha, “Nɔ̀ʼɔ yeʼe imbìghè aŋa.”