2 Timotì 1:1 - Ikan feg

¹ À ya mo Pɔl ŋwàʼri àŋwàʼrì azo̰. Ŋwiye ya ghì gha mə̀ yaʼ wə̀dtɔm Kristo icheg ne məd kə̀bi. Ŋwiye ya chà amə gha mə̀ chete anug imbə̀ʼ ìtḛ̀ we ne wì ya kàʼi ni nàʼ ina icheg ne tì yaʼi ane ifɔti tì Yeso Kristo.

Meta’

¹ À yɨə mɔ̌ Pɔ̂l, nɨ mə yeʼ wə̀d tom Kristo Yeso ɨchî nɨ Ŋwìə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tom əmɨ ni mə̀ gha ɨmbə̀ʼ ɨ̀tènɨ̀ we nɨ wɨ̀ nyaʼa kaʼi ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

2 Timotì 1:1 Referans Kwoze

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Jn 6:40

Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

1 Timotì 6:19

Mbɔb mə̀ ya ghìyə̀ inug mbo̰, nji mbɔb fə zèg ati nəb ne ka ane ighi mbe ne mbɔb biri bèrì inga nyùmə̀ isəg we ne yèʼe. Mbɔb biri bə jəg ìtḛ̀ we ne yaʼi ìtḛ̀ tesiʼ.

2 Kɔrèn 1:20

Yeso Kristo fə ghì gha inug ijìm mbe ne Ŋwiye kàʼi mbe duwə ane tesiʼ. À ya anjìm məd ne te gha, “À ya ane” anyumə̀ ne te nàʼà ighumni abə Ŋwiye.

1 Kɔrèn 1:1

À ya mo Pɔl tì Sostenès ne yaʼi ìwa ifi icheg ne tì yaʼi ane anug amɔʼ tì Yeso Kristo ŋwàʼri àŋwàʼrì azo̰. Ŋwiye ya chɔʼ amə icheg ne məd kə̀bi gha mə yaʼ wə̀dtɔm Kristo.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Jn 6:54

Wə̀d ne kuri ìmə nyàmnyɔd bə̀ no àmə anəm, wì biri jəg ìtḛ̀ ighə̀m imɔʼ. Mə biri zwemni aməd ane iwu igun aneg ìnwḭ.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Gàlesìyà 3:26

Mbə bàd amad anìŋ gha, mbə̰ məjìm ya fə si bɔn Ŋwiye anjìm ibḛfiŋ we ne mbə̀ nɔŋi igun Yeso Kristo.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

2 Timotì 1:10

Ìchɔ̀mì gho̰ ya Ŋwiye fə chwi ina icheg ne Yeso Kristo ne pumni awa fə yeʼe. Məd ya chìkì ika we ne iwu beri igun bəd, si ghì bəd jəg ìtḛ̀ fɔrɔ anug ni chughi izɔm ane ighə̀m imɔʼ. Ŋwiye chè anjìm ikən chɔm imbə̀ʼ Yeso fàʼ inug mbo̰.

2 Timotì 1:13

Àghò nyimi inug mbe ne àghò zùghi inum icheg aməgrì ni ya chwìte inug chɔm abə bəd. Àghò chwiti inug mbo̰ abə bəd bə̀ bèrì ibḛfiŋ igun Ŋwiye bə̀ ya kɔ̀ŋɔ̀ bəd icheg tì yaʼi ane ifɔti tì Yeso Kristo.

2 Timotì 2:1

Timotì, ìmə ŋwan, àghò təm kà anjìm ìchɔ̀mì we ne Ŋwiye ghi ine icheg ne àghò yaʼi ane ifɔti tì Yeso Kristo.

2 Timotì 2:3

Icheg sogyì chɔm ne fàʼà abə Yeso Kristo, àghò nyimi fìŋ anyumə̀ ne àghò we chè inga ngəʼ icheg ina.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

Tayitùs 1:4

Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.