2 Tès 3:7 - Ikan feg

⁷ Mbə̀ fə kyeri kwàʼ icheg chɔm gha, mbə bèrì ni fàʼ kwàʼ məyi icheg ne tì yaya fàʼà. Anyumə̀ ne tì ya yaʼi abɔ̀ʼ inən, chəyi tì yaya ghìyə̀ igwed.

Meta’

⁷ Mbə fə kyerɨ ə kwàʼ ɨchî chɔ̀m ni mbə berɨ fàʼ àmei ɨchî nɨ tɨ̀ nyaʼə fàʼə̀. Chəi tɨ̀ nyaʼə ghɨ̀ ɨgwed ənɨ tɨ̀ nyaʼa mbɨ nən.

2 Tès 3:7 Referans Kwoze

2 Tès 3:6

Ìmba məfi fɔrɔ ìta njàbi, tì ya ghà inən ane ikum Anɔŋisəg Yeso Kristo gha, imbə̀ʼ mbə̰ ya jə̀grə̀ awən tì bəd Kristo mbe ne ghìyə̀ igwed, ne chəyi mbe bə̀ zùgrə tikə te ne tì ya nàʼi inən.

2 Tès 3:9

Kayi gha chəyi tì ya kòʼi ni biri àwètì inən. Tì yaya ghìyə̀ ane ni gha mbə̀ bara bə̀ se fàʼà icheg ne te fàʼà.

1 Kɔrèn 4:16

Ane, mə we bòʼo ibo inən gha mbə̀ yḛ igun ìmbum ibɔʼì ighog.

1 Kɔrèn 11:1

Mbə̀ gwe ìmbum ibɔʼì ighog icheg ne mə gwe ìmbi Kristo.

Fìlipì 3:17

Ìmbum məfi fɔrɔ ìtum njàbi, mbə̀ niŋ ìmə ikuchèg kwàʼ mbə̰ məjìm. Mbə̀ ya nàna inug abə bəd mbe ne ghìyə̀ inug mbe ne tì ya chwiti inən.

Tayitùs 2:7

Àghò ine, ya ghìyə̀ yaʼ inug chɔm gha mbɔb bara, kɔ̀pi ìtɔb fìŋ. Àghò chwiti tesiʼ inɔb ane ìzi fìŋ ijìm.

1 Timotì 4:12

Imbə̀ʼ àghò saŋa awe gha wə̀d mɔ̀ʼɔ chapa awe imbə̀ʼ icheg ne àghò yaʼi ŋwan kwa. Àghò bèrì ni yaʼ icheg aməgrì abə bəd mbe ne bḛ Kristo ane ìwe ìngam ichug fɔrɔ ane ìwe ikuchèg fɔrɔ ane icheg ne àghò we kɔ̀ŋɔ̀ bəd fɔrɔ ane ikuchèg ne àghò tə̀mi kà inga ìwe ibḛfiŋ fɔrɔ ane icheg ne àghò we bə̀ ghìyə̀ inug ne zḛ.

1 Tèsàlonikà 2:10

Mbə̰ kyèri, Ŋwiye bə̀ kyèri gha ìwa ikuchèg tì inən ya zen. Tì yaya ghìyə̀ inug ne koʼi bə̀ ghìyə̀ inug ne chəyi tì wə̀d mɔ̀ʼɔ abɔ̀ʼ mbə̰ mbe ne bḛ Kristo ghà anug tibɔ̀ŋ mɔ̀ʼɔ imbə̀ʼ awa.

Fìlipì 4:9

Anug ne mbə̀ ya nani inum, kə̀ anug ne mbə̀ ya zughi ne mə̀ ya gha anyumə̀ ne mə̀ yaya chwìte inug inən, kə̀ anug ne mbə̀ ya bàri inga ìmə ikuchèg, mbə̀ bə ghì. Mbə̰ mə̀ ghì ane, Ŋwiye we ne nàʼà àbɔrɔ̀bɔd biri yaʼ tì inən.

1 Pità 5:3

Imbə̀ʼ mbə̰ si nyəmə awən bəd mbe ne Ŋwiye zi inga ìtən tikye abo. Mbə̀ bere ikuchèg chɔm ne bəd Kristo biri se mə̀nə̀.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.