2 Jɔn 1:8 - Ikan feg

⁸ Mbə̀ niŋ nyumə̀ imbə̀ʼ mbə̰ nɔ̀ʼ sam aghi ze ne mbə̀ fə fàʼi. Mbə̀ kirə ika ni bèrì yaʼ chùd ane àfàʼì ze kwàʼ ijìm.

Meta’

⁸ Mbə̀ we əwən ɨmbə̀ʼ tɨ mbə̀ nim ə əghɨ ze nɨ mbə̀ fə faʼ ɨmbə̀ʼ əzɨ əwən, àyɨə mbə̀ wo ɨmbì fàʼ ɨmbə̀ʼ mbə̀ berɨ ɨchɔʼ ə̀fàʼì ɨ swi.

2 Jɔn 1:8 Referans Kwoze

Mə̀Hibrù 10:35

Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən.

Ɨnû 3:11

Mə biri zàmbi yeʼe. Àghò nɔŋɔ fìŋ igun inum, ni ghì gha imbə̀ʼ wə̀d mɔ̀ʼɔ si niŋ yi ineʼi we ne àghò bèri.

1 Kɔrèn 3:14

Àfàʼì wə̀d mə̀ chè inga iywid ne chəyi ze bere ajìm, Ŋwiye biri nàʼ chùd abə tengàŋ.

1 Kɔrèn 3:8

Wə̀d ne nyɔ̀ʼɔ̀ tì wə̀d ne chùbrə̀, mbɔb məjìm ya andəŋ andəŋ. Ane, Ŋwiye biri nàʼ chùd wə̀d icheg ne àfàʼì məd chwi.

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

Mk 13:9

“Si ya gha, mbə̀ we awən. Mbi biri gwi awən nàʼ abə itog bəd ne sàʼa aben. Mbi biri sɔm awən inga məchamì Ŋwiye. Mbə̰ biri təm imbìghè mə̀gɔbnà bə̀ təm imbìghè məfɔn ane ìmə ikum ni ghà ikən chɔm inɔb.

Gàlesìyà 3:4

Mbə̰ kə nìŋə inug nɔʼ nɔʼ mbe ne mbə̀ che inga ane ati ako? Tesiʼ ya gha, inug nɔʼ nɔʼ mbe ne mbə̀ che inga, mbe nyìʼ wètì awən.

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Gàlesìyà 4:11

Anug azo̰ ne mbə̰ mbe ghìyə̀ ze nàʼà ibɔ inum gha, ighəm mɔ̀ʼɔ mə chètì ikən chɔm inən anìŋ kwàʼ ati ako.

Lk 21:8

Wì ya ywìtì gha, “Mbə̀ niŋə nyùmə̀ gha imbə̀ʼ mbi nɔ̀ʼ chè tàmbi awən. Mə ya ghà ane imbə̀ʼ icheg ne bəd nɔʼ nɔʼ biri yeʼe ane ìmə ikum. Wə̀d imɔʼ imɔʼ abɔ̀ʼ inɔb biri se yḛ̀ nè gha, à ya zìye ne Ŋwiye zɔ̀ʼi, bə̀ nè gha, nyùmə̀ we fə tinde. Imbə̀ʼ mbə̰ beni awən abɔ̀ʼ inɔb.

Mə̀Hibrù 10:32

Mbə̀ kɔndi ineg mbe ne ya fə che ne mbə̀ ya kyeri tesiʼ imbə̀ʼ Yeso Kristo. Mbə̀ bə kɔ̀ndi icheg ne mbə̰ ya nyìʼi inug bə̀ kiri nɔŋi ìwən ibḛfiŋ igun Ŋwiye anyumə̀ ne mbi ya kwàʼri awən ghì mbə zə̰ ngəʼ nɔʼ nɔʼ.

Fìlipì 3:16

Anug kyen ne tì koʼi ni ghì ya ni nyimi yaʼ inug mbe ne tì fə nani.

Mk 13:23

Ane, mbə̀ we awən. Mə fə ghà inug ijìm inən bɔŋ nyùmə̀ we se kòʼò.”

Matìyò 24:4

Yeso ya ywìtì abə mə̀mə̀nənùg məd gha, “Mbə̀ chughi ikyèʼi bə̀ ghi we awən imbə̀ʼ wə̀d mɔ̀ʼɔ nɔ̀ʼ tàmbi awən.

1 Kɔrèn 15:8

Wì ya bə̀ si nwḭ̀yḛ̀ dù ìwi ìfe inum. Mo ya icheg wə̀d ne mbi ya gwi waʼ nyumə̀.

Lk 19:19

Mbaʼ àfàʼì məd ya ywìtì ibo gha, ‹Àghò biri se saʼa iben ita̰.›