2 Kɔrèn 9:6 - Ikan feg

⁶ Tesiʼ ya gha, wə̀d ne nyɔ̀ʼi ighi màʼrì maʼri, wì biri bə fòʼ ighi məyi iki piʼì. Wə̀d ne nyɔ̀ʼi ighi nɔʼ nɔʼ, wì biri bə fòʼ ighi nɔʼ nɔʼ.

Meta’

⁶ Ənû ze nɨ mɨə ghàə̀ yɨ ni: Wə̀d we nɨ kon ɨghɨ rɨpiî, bɨrɨ bɨ kwəŋ ɨghɨ rɨpiî. We nɨ kon ɨghɨ nɔnɔʼ, bɨrɨ bɨ kwəŋ ɨghɨ nɔnɔʼ.

2 Kɔrèn 9:6 Referans Kwoze

Lk 6:38

Mbə̀ naʼa ighi abə bəd ndəŋ, Ŋwiye biri bə nàʼ ighi inən. Àze aməgrì ze ne àghò nàʼi inga, à ya àzewən ne Ŋwiye biri bə nàʼ ine inga. Wì biri chìʼrì aməgrì ze, ze sweg se tùtə̀ ine igun ighog. À ya ane imbə̀ʼ icheg ne, aməgrì ne mbə̀ nàʼi inga, à ya inga ne mbi biri bə mə̀grì nàʼ inən.”

2 Kɔrèn 9:10

À ya Ŋwiye we nàʼà ngwèd abə wə̀d mben bə̀ nàʼà tijəg abə bəd. À ya ane ne wì biri bə yètì izən ngwèd, bə̀ yètì ighi mbe ne mbə̀ beri ni ghì gha mbə biri se nàʼà ighi nɔʼ nɔʼ abə bəd ne chəyi àzɔb.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

Gàlesìyà 5:16

Anug ne mə ghà inən ya gha, mbə̀ chughi icheg ne Azwighi Ŋwiye ze kə̀bə̀. Mbə̰ mə̀ chùghi ane, nji chəyi mbə̀ biri ya ghìyə̀ inug tibɔ̀ŋ mbe ne ìtən nyàmnyɔd te kə̀bə̀.

Gàlesìyà 3:17

Anug ne mə̀ kə̀bə̀ gha mbə̀ kyeri ya gha, Ŋwiye ya ghùm wàd ikan tì Abràham bə̀ bḛ gha zìye mənyìʼ fàʼ anug ze. Ŋwiye ya ghùm si nàʼ mə̀nɔ̀ʼɔ̀ ane tituʼ 430 ya fə che. Chəyi tì mə̀nɔ̀ʼɔ̀ kɔpi ikan we kə̀ chìkì anug ze ne Ŋwiye ya fə bi kàʼ ni fàʼ.

1 Kɔrèn 15:20

Tesiʼ ya gha, Ŋwiye ya zwemne Kristo. À ya bə̀ tesiʼ gha, Kristo ya wə̀d mbègtog ne Ŋwiye ya zwemni abɔ̀ʼ bəd məjìm mbe ne fə ku.

Efesùs 4:17

Mə ya anìŋ ghà inən ywìrè bèʼre ane ikum Anɔŋisəg gha imbə̀ʼ mbə̰ ya chùghə awən icheg bəd mbe ne kayi mə̀Ju. Ìtɔb tikɔndi ya kwàʼ ati ako.

1 Kɔrèn 7:29

Ìmbum məfi fɔrɔ ìtum njàbi, anug ne mə ghà inən ya gha, nyùmə̀ ne isəg gho̰ biri nwḭ̀yḛ̀ fə tinde. Ni ko amad anìŋ, mbaŋà te ne beri mə̀yi te chughi icheg bəd ne chəyi mbi nami.

Kòlosè 2:4

Mə ya ghà inug mbo̰ inən ni ghì gha imbə̀ʼ wə̀d mɔ̀ʼɔ nɔ̀ʼ tàmbi awən ane tìngam nəmi nəmi.

1 Kɔrèn 1:12

Anug ne mə ghà ya gha, mbə̰ mbe sìmnè nyɔd. Wə̀d imɔʼ we gha, “Mə ya bène abɔ̀ʼ Pɔl.” Ìywin we gha, “Mə ya bène abɔ̀ʼ Àpolòs.” Ìwi ndəŋ we bə̀ gha, “Mə ya bène abɔ̀ʼ Pità.” Wə̀d ndəŋ we bə̀ gha, “Mə ya bène abɔ̀ʼ Kristo.”

2 Kɔrèn 9:5

À ya aton ne mə̀ ya beri ikɔndi gha, ze kòʼ ni chà məfi mbo̰ gha mbe ko ghò imbìghè pè ghì mbə̀ chuʼri ìwən nyɔd ni nàʼ ighi mbe ne mbə̀ ya fə kàʼi. Mə mə̀ pe ne mbə̀ fə nàʼi ighi mbe, ze biri chwi gha, mbə nàʼ imbə̀ʼ icheg ne mbə kɔ̀ŋi ni nàʼ, kayi mbə̀ nàʼi nè zḭ̀ʼḛ̀.