2 Kɔrèn 8:8 - Ikan feg

⁸ Chəyi mə̀ ghà anug azo̰ inən anìŋ icheg ni gha à ya nɔ̀ʼɔ̀. Mə ya kə̀bə̀ ni nèn gha kə̀ mbə̰ kɔ̀ŋ ni wètì bəd icheg ne tifeti bəd Kristo ìtin bə kɔ̀ŋ?

Meta’

⁸ Chəi mə ghà ənû zɔ̂ ɨ nən ɨghabɨ ni à yɨ mə sobɨ sobɨ. Mə wɨə kəb mɨg yeʼ ɨchî nɨ mbə̀ ghaʼ bə̂d ənɨ tə fîŋ rɨ̀jìm mbɨ ɨchî nɨ bə̂d cherə ghaʼ ənû nɨ wèèrɨ̀.

2 Kɔrèn 8:8 Referans Kwoze

1 Kɔrèn 7:6

Àzo̰ ya kayi isɔbi anug ne mə nàʼà inən. À ya ikə ne mə nàʼà.

Mə̀Hibrù 10:24

Tè kɔndi icheg ni ya ghìyə̀ inug ne nə̀rə wə̀d imɔʼ imɔʼ gha wì ya ghìyə̀ inug chɔm bə̀ kɔ̀ŋɔ̀ mə̀mbin.

2 Kɔrèn 9:7

Wə̀d imɔʼ imɔʼ naʼa aghi ze ne wì fə niŋi isɔbi anug ibo inga fìŋ ni nàʼ. Imbə̀ʼ wə̀d mɔ̀ʼɔ naʼa yi aghi nè zḭ̀ʼḛ̀ kə̀ nàʼ aghi mɔ̀ʼɔ icheg wə̀d ne mbi fari fari. Ŋwiye ya kɔ̀ŋɔ̀ wə̀d ne nàʼà nè gyènde.

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

Efesùs 6:24

Ŋwiye ghiyə ìchɔ̀mì abə bəd məjìm ne kɔŋi Anɔŋisəg Yeso Kristo ane iku àkɔ̀ŋì ze ne chəyi ze biri nɔʼ mèg.

Efesùs 4:15

Àsi mba ne ghà tesiʼ imbə̀ʼ icheg ne tì kɔ̀ŋi bəd, tè bèrì ni kweg ane tiku inɔnjì ijìm si yaʼ icheg Kristo ne yaʼi atog.

2 Kɔrèn 9:2

Mə kyèri gha mbə fə chuʼri ìwən nyɔd ni nàʼ àwètì. Mə ya fə kɔ̀m igo abə bəd Kristo mbe aba aben ze a Màsèdonìyà imbə̀ʼ awən. Mə fə ghà inɔb gha, ze fə ghì fituʼ ifibì ni mbə̰ mbe ne yaʼi inga aba aben ze a Akìyà fə chuʼri ìwən nyɔd ni nàʼ àwètì. Icheg ne mbə̰ fə gyendi ni nàʼ àwètì, ze fə ghì gha bəd Kristo mbe inga Màsèdonìyà, mbe ko ni nàʼ ìmbɔb tì ighi ni wètì.

2 Kɔrèn 8:24

Ane, mbə̀ chwi abə bəd mbo̰ gha mbə̰ kɔ̀ŋ awɔb. Mbə mə ghì ane ze biri chwi abə tifeti bəd Ŋwiye gha tì ya bèrì ni kɔ̀m igo imbə̀ʼ awən.

2 Kɔrèn 8:10

Ikə ne mə̀ biri nàʼ ya gha: Ze biri bɔ̀ŋ gha mbə mana anug ze ne mbə̰ ya ko fituʼ. Mbə̰ ya yaʼ bəd mbègtog ni yaya kə̀bə̀ ni wètì wə̀d ijìm. Mbə̰ ya bə̀ yaʼ bəd mbègtog ni ghì ane.

1 Kɔrèn 7:25

Amad anìŋ, mə kə̀b ni ghàm imbə̀ʼ bɔn àyi mbe ne chəyi mbi kiri nami. Chəyi Anɔŋisəg nàʼ ikə mɔ̀ʼɔ inum gha mə gha inən imbə̀ʼ awɔb. Si ya gha, mə biri nàʼ yaʼ àmə ikɔndi icheg wə̀d ne Anɔŋisəg dìgri igun inum ghì mə yaʼ wə̀d ne tì mə ghà anug mbə bḛ.

1 Kɔrèn 7:12

Àsi abə mə̀mbin, anug ne mə ghà inɔb ya gha, wə̀d Kristo ne beri iweg ne chəyi wì kiri bḛ Kristo, iweg məd we mə̀ kɔ̀ŋ ni chè imbìghè chughi tì məd, imbə̀ʼ wì to̰ yi aməd. Àzo̰ ya àmə ikɔndi. Kayi anug ne nɔ̀ʼi abə Anɔŋisəg.

Rm 12:9

Wə̀d ya kɔ̀ŋɔ̀ bəd ane ìzi fìŋ ijìm. Wə̀d ijìm ba̰ inug tibɔ̀ŋ. Wə̀d ijìm taŋ nyìmi inug ne yaʼi inug chɔm.