2 Kɔrèn 6:9 - Ikan feg

⁹ Bəd kyèri awa kwàʼ icheg chɔm, se ghìyə̀ inug tì ina icheg ni gha chəyi mbi kyeri awa ka iki piʼì. Mba ya icheg bəd ne fə ku, si ya gha, tì we kiri izɔm. Bəd mɔ̀ʼɔ ya sɔmɔ awa, si ya gha, chəyi mbi ya zweti awa.

Meta’

⁹ Bə̂d mɔʼɔ mbɨə ghɨ̀ mbɨ na ɨghabɨ ni chəi mbɨ kyerɨ əwa, àyɨə mbɨ kàŋ jeŋgɨ kyerɨ. Bə̂d mɔʼɔ mbɨə som əwa, àyɨə chəi mbɨ kɨrɨ zwiirɨ əwa.

2 Kɔrèn 6:9 Referans Kwoze

Rm 8:36

Àŋwàʼrì Ŋwiye gha, “À ya imbə̀ʼ awe ne tì yaʼi ichug iwu mà nyumə̀ ijìm. Mbi ya nìŋə awa icheg njə̀g ne mbe ghò ni kyemi.”

2 Kɔrèn 11:6

Ka chəyi mə̀ taŋ kyèri icheg ni ghàm inga bəd, tesiʼ ya gha, mə kyèri inug. Tì fə taŋ tòʼri inug mbo̰ inən ane ikuchèg ijìm.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

1 Kɔrèn 4:9

Àze chwi inum gha, Ŋwiye fə nɔ̀ŋì awa mba bədtɔm gha tì yaʼ bəd ne si nwḭ̀yḛ̀. Mba ya icheg bəd ne mbi fə niŋi isɔbi isaʼi ni zweti awa imbìghè abə mbè angirə̀ fɔrɔ bəd məjìm igun isəg.

2 Kɔrèn 5:11

Tè kyèri aton ni ghumni Anɔŋisəg. Ane, tì we kìrə ika ni ghì gha bəd ndəŋ bə kyèri aton ze. Ŋwiye fə kyeri awa mànì, ane, mə kyèri gha mbə fə bə̀ bḛ anug azo̰ kwàʼ ane fìŋ ìzḛzḛ.

1 Kɔrèn 15:31

Ìmbum məfi fɔrɔ ìtum njàbi, mə we ichug iwu ineg ijìm! À ya ane imbə̀ʼ icheg ne mə we kɔ̀mɔ̀ igo imbə̀ʼ awən icheg ne tì yaʼi ane ifɔti tì ìwa Anɔŋisəg, Yeso Kristo.

1 Kɔrèn 11:32

Anyumə̀ ne Anɔŋisəg we sàʼa awa kə̀ bə̀ chə awa, à ya ni ghì gha tì təm kà, ni gha chəyi məd biri zì isaʼi igun ina anyumə̀ ne wì biri saʼ bəd məjìm igun isəg.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

Ɨ̀fàʼì 25:26

Chəyi mə̀ taŋ bèrì anug mɔ̀ʼɔ ne tì mə ŋwàʼrì abə ifɔn kyen imbə̀ʼ aməd. Ane, mə fə niŋ aməd yèʼe inən imbìghè tèchɔ̀ŋ. Mə niŋ aməd yèʼe ako ako ine imbìghè àghò ifɔn Agripà, ni gha tì mə fə nwendi isaʼi məd, mə we tì mə bèrì anug mɔ̀ʼɔ ni ŋwàʼrì imbə̀ʼ aməd.

Ɨ̀fàʼì 25:19

Inug ne mbi yaya tàŋà tì məd ya inug ne imbə̀ʼ àzɔb anug Ŋwiye fɔrɔ inug imbə̀ʼ mbaŋà mɔ̀ʼɔ ne ikum məd ya Yeso. Yeso we ya fə ku, si ya gha, Pɔl we ghà àzi gha, məd we izɔm.

Ɨ̀fàʼì 19:26

Àfàʼì azo̰ ne wə̀d Pɔl we fàʼà, mbə fə bàd bə̀ zug àzən aghi. Məd we ghà gha mə̀ŋwiye mbe ne mbi tangi ane ibo ya aghi ako. Ane, wì fə ghì bəd nɔʼ nɔʼ inga Efesùs aŋa fɔrɔ a Esìyà, mbi bḛ anug ze ne məd we ghà.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.