2 Kɔrèn 6:1 - Ikan feg

¹ Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

Meta’

¹ Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

2 Kɔrèn 6:1 Referans Kwoze

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

1 Kɔrèn 3:9

Mba ya bəd àfàʼì ne fɔrɔ fàʼà abə Ŋwiye. Mbə̰ ya icheg mben Ŋwiye. Mbə̰ ya bə̀ icheg nəb ne Ŋwiye kɔ̀ri.

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

Gàlesìyà 2:21

Chəyi tì mə wèg ìchɔ̀mì we ne Ŋwiye ghi inum. Wə̀d mə̀ bèrì ni təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse, ane ya gha, iwu Kristo ya ati ako.”

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Rm 12:1

Ìmbum məfi fɔrɔ ìtum njàbi, mə̀ ya anìŋ nə̀rə awən gha, icheg ne Ŋwiye chwi àsɔ̀mnəfiŋ igun ina, mbə̀ naʼa ìtən nyàmnyɔd abə Ŋwiye icheg aghi àfàtì ìzḛzḛ ne kiri biri izɔm ne Ŋwiye biri kɔ̀ŋ. À ya ikuchèg ne bɔŋi ni ghumni Ŋwiye ya iwe.

Gàlesìyà 3:4

Mbə̰ kə nìŋə inug nɔʼ nɔʼ mbe ne mbə̀ che inga ane ati ako? Tesiʼ ya gha, inug nɔʼ nɔʼ mbe ne mbə̀ che inga, mbe nyìʼ wètì awən.

Ɨ̀fàʼì 14:3

Pɔl tì Bànabàs ya chughi angu ane nyumə̀ mɔ̀ʼɔ se ghàmà ìngam Anɔŋisəg ane fìŋ ka ka. Ane, Anɔŋisəg ya chwi gha ìngam we ne mbɔb yaya ghàmà imbə̀ʼ ìchɔ̀mì məd ya anug tesiʼ icheg ne wì ya ghi gha mbe faʼa inug yeti yeti.

Tayitùs 2:11

Ze yaʼ ane imbə̀ʼ icheg ne, Ŋwiye fə chwi ìwi ìchɔ̀mì we ne pùmnə bəd abə bəd məjìm.

Matìyò 23:37

Yeso ya chè imbìghè gha, “O Jèrusalèm! Àghò we zwète bədkə̀n Ŋwiye bə̀ tùmbə bəd ne Ŋwiye tɔ̀mi ine ane ateg. Mə fə kə̀b ni ywìri feti ìmbe bɔn icheg ne ngɔb ngub we fète ìmbi bɔn aton ìti tibabì, si ya gha, chəyi àghò we bḛ gha mə̀ ghiyə ane.

2 Kɔrèn 10:1

Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

1 Tèsàlonikà 3:5

À ya aton ne mə̀ ya cha Timotì gha wì yeʼe nwendi icheg ne ìwən ibḛfiŋ igun Yeso yaʼi. Chəyi tì mə ya ywìrì nyìʼ. Mə yaya bɔ gha imbə̀ʼ wə̀d we ne kwàʼrà bəd nɔ̀ʼ kwàʼrì awən ghì àza àfàʼì inən ze chè ako.

Mə̀Hibrù 4:1

Icheg ne anug ze ne Ŋwiye ya kàʼi ni nàʼ àzwètì abə ìmbi bəd, ze kiri təm, tì niŋ nyumə̀ imbə̀ʼ wə̀d mɔ̀ʼɔ nɔ̀ʼ sam.