1 Timotì 6:4 - Ikan feg

⁴ tengàŋ ya wə̀d ne nɔ̀ nyɔd ne chəyi wì kyèri anug mɔ̀ʼɔ. Tengàŋ bèrì fìŋ tibɔ̀ŋ. Fìŋ tibɔ̀ŋ ze ya ghìyə̀ gha wì ya chɔ̀bɔ bə̀ tàŋa aton ane tìngam ako mɔ̀ʼɔ. Achɔb tì inug mbe ne mbɔb mbe tàŋà ya yèʼe tì àdeg fɔrɔ àzɔ̀ŋì, bə̀ yèʼe tì anug ni ghàm inug tibɔ̀ŋ igun bəd ndəŋ fɔrɔ anug ni ya kɔ̀ndɔ inug tibɔ̀ŋ imbə̀ʼ bəd ndəŋ.

Meta’

⁴ wɨə nɔ̀ ɨnyod. Chəi wɨ̀ kyerɨ ənû ə mɔʼɔ. Wɨ̀ berɨ fîŋ rɨbɔ̀ŋ. Fîŋ ze zɨə ghɨ̀ ni wɨ̀ ghanə chɔbə bə̀ tàŋ ɨmbə̀ʼ əton ənɨ mɨŋgam əko mɔʼɔ. Əchɔb mbɨ ə tàŋ mbɨə yeʼe mbɨ ə̀dìì, mbɨə yeʼe mbɨ ɨnû nɨ ghabrɨ bə̂d, mbɨə yeʼe mbɨ ənû nɨ gham ɨnû rɨbɔ̀ŋ ɨmbə̀ʼ bə̂d cherə, mbɨə yeʼe mbɨ ɨnû nɨ kɔndɨ ɨnû rɨbɔ̀ŋ ɨmbə̀ʼ bə̂d cherə,

1 Timotì 6:4 Referans Kwoze

2 Timotì 2:23

Àghò chiye ìfe ifeg ane inug mbe ne bəd mbe tàŋà ne chəyi iwe inga imbə̀ʼ icheg ne àghò kyèri àze aghi gha, inug mbe ya zìyè yaʼ achɔb inga bəd.

2 Timotì 3:4

Bəd biri ya fḛ mə̀mbin. Bəd biri ya kɔ̀ŋɔ̀ anug ni nèʼre ane agaŋ. Bəd biri ya nɔ̀ nyɔd. Bəd biri ya kɔ̀ŋɔ̀ anug ni tə̀d chè anug ni kɔ̀ŋ Ŋwiye.

1 Timotì 3:6

Imbə̀ʼ tengàŋ yaʼ yi wə̀d ne cherè bḛ Kristo, nji wì biri se nɔ̀ nyɔd. Ane, Ŋwiye biri chə aməd icheg ne wì ya bə chə Debrə̀.

Jûd 1:10

Àsi bəd mbo̰, mbi ya ghàmà chàtà inug mbe ne chəyi mbi kyeri. Mbi ya ghìyə̀ inug icheg nyam mben, bə̀ fàʼà inug icheg ne ìtɔb fìŋ te chwìye gha mbe faʼa. Inug mbe ne mbɔb mbe ghìyə̀, à ya mbiwən mbe chìkə̀ ìwɔb.

2 Pità 2:12

Bəd mbo̰ ya ghàmà chàpà inug ne chəyi mbɔb kyeri. Mbɔb ya icheg nyam ne chəyi iwe, ne fàʼà məyi inug ne kɔ̀ʼɔ inɔb inga fìŋ. Mbɔb ya icheg nyam ne kweghe məyi ni gha bəd ghum gwì awɔb zwèti. Bəd mbo̰ biri bə ghum ku nim icheg nyam.

2 Timotì 2:14

Àghò che imbìghè ni wendi inug mbo̰ abə bəd Kristo. Àghò pati awɔb imbìghè abə Ŋwiye gha imbə̀ʼ mbi ya tàŋà awɔb tìngam ako ne chəyi tì ti wètì wə̀d. Tìngam te ya chìkə̀ fìŋ abə bəd mbe ne zi atog ni zug tiwən.

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.

2 Pità 2:18

Mbɔb ya ghàmà inug ako məyi ni kɔ̀m igo bə̀ ghìyə̀ məyi inug ne ìtɔb nyàmnyɔd te ghə̀ʼrə̀. Mbɔb ya nə̀rə bəd mbe ne chìyè ìfɔb ìfeg ane bəd inug tibɔ̀ŋ ni ghì gha mbe febe.

1 Timotì 1:7

Mbɔb ya kə̀bə̀ ni yaʼ bəd ne chwìte mə̀nɔ̀ʼɔ̀ Muse. Si ya gha, chəyi mbɔb kyeri anug ne mə̀nɔ̀ʼɔ̀ mbe ghà, kə̀ bì kyèri anug ne mə̀nɔ̀ʼɔ̀ kə̀bi gha bəd kyeri.

1 Timotì 1:4

Gha inɔb gha imbə̀ʼ mbi ziye awɔb atog igun tìmùghì ako fɔrɔ igun inug imbə̀ʼ tiwaŋ inəbi ne chəyi ìnwḭ. Inug mbo̰ ya zìyè yaʼ àbùrì inga bəd. Chəyi iku inug mbo̰ mbe ghìyə̀ gha bəd kyeri inug mbe ne Ŋwiye kə̀bi. À ya məyi anjìm ibḛfiŋ ne bəd biri kyeri inug mbe ne Ŋwiye kə̀bi.

Jems 1:19

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Tayitùs 3:9

Imbə̀ʼ àghò bere awe anug mɔ̀ʼɔ ni ghì tì inug anen mbe ne bəd mbe tàŋà, anug ni ghàm imbə̀ʼ tiwaŋ bəd ne chəyi ìnwḭ tì anug ni ya chɔ̀bɔ bə̀ zɔ̀ŋɔ̀ imbə̀ʼ mə̀nɔ̀ʼɔ̀ Muse. Chəyi chùd mɔ̀ʼɔ ane inug mbo̰. Chəyi inug mbo̰ mbe bə̀ wètè wə̀d mɔ̀ʼɔ.

Ɨ̀fàʼì 15:2

Ane, Pɔl tì Bànabàs ya gwì achɔb ka ka se tàŋà inug mbe tì bəd mbe. Achɔb ze ya ghì mbi chɔʼ Pɔl tì Bànabàs fɔrɔ bəd Kristo ndəŋ tɔm awɔb gha mbe kɔʼ ghò a Jèrusalèm ghò nwèndi anug ze abə bədtɔm Kristo fɔrɔ abə itog bəd inga ifeti bəd Kristo.

Ɨnû 3:17

Àghò we gha, ‹Mo ya wə̀d ighi. Mə bèrì ighi nɔʼ nɔʼ. Chəyi mə̀ cheʼi aghi mɔ̀ʼɔ›. Si ya gha, chəyi àghò kyèri gha àghò ya wə̀d ngəʼ, ne bəd mbe nḛ̀ kə̀nə̀. Chəyi àghò bə kyèri gha àghò ya wə̀d fum ne yaʼi ifəg bə̀ yaʼ tì ìkyèri ikye.

2 Tès 2:4

Wə̀d inug izəg we biri chɔʼri inug imbə̀ʼ Ŋwiye bə̀ nɔ̀ ìwi nyɔd igun ighi ijìm mbe ne bəd mbe ghùmnə Ŋwiye angu. Wì biri bə nyi chùghi inga mbàn Ŋwiye se ghà gha zìye ya Ŋwiye.

Kòlosè 2:18

Imbə̀ʼ mbə̰ saŋa awən gha bəd mɔ̀ʼɔ ya kɔ̀mɔ̀ igo inən imbə̀ʼ icheg ne mbɔb mbe gha Ŋwiye we ghàmà inɔb inga inati njə̀m. Tiku bəd te ya kə̀bə̀ gha bəd mənyìʼ swi nyɔd aseg bə̀ ghùmni mbè angirə̀. Mbɔb ya ghìyə̀ ane ni chwi inən gha chəyi mbə̀ koʼi ni bèrì ineʼi we ne Ŋwiye nɔŋi inən icheg ne mbə̀ yaʼi ane anug amɔʼ tì Kristo. Imbə̀ʼ mbə̰ bḛ awən. Mbɔb ya nɔ̀ nyɔd ati ako, ghàmà yaʼ inug ne tikɔndi wə̀d te chwìte.

Fìlipì 2:14

Mbə̀ ghiyə inug ijìm ne chəyi mbə̰ mbe zḭ̀ʼḛ̀ kə̀ tàŋà inug.

Fìlipì 2:3

Imbə̀ʼ mbə̰ ya ghìyə̀ awən inug ni gha ighi ijìm yaʼ məyi inən. Imbə̀ʼ mbə̰ ghiyə awən inug ne chwìye gha mbə̰ mbe nɔ̀ nyɔd. Wə̀d swi ìwi nyɔd aseg, niŋ gha bəd ndəŋ chè aməd.

Fìlipì 1:15

À ya tesiʼ gha, bəd mɔ̀ʼɔ mbe ghàmà ikən chɔm imbə̀ʼ Kristo anjìm àdeg fɔrɔ anjìm icheg ne mbe zɔ̀ŋɔ̀ ati. Si ya gha, bəd mɔ̀ʼɔ mbe ghàmà ikən chɔm we ane fìŋ chɔm.

Gàlesìyà 6:3

Wə̀d mɔ̀ʼɔ abɔ̀ʼ inən mə̀ niŋ ìwi nyɔd gha zìye ya ijiʼi wə̀d ne kayi ane, ane ya gha, tengàŋ ya tàmba ìwi nyɔd.

Gàlesìyà 5:26

Ane, imbə̀ʼ tì ya nɔ̀ awa nyɔd. Imbə̀ʼ tì ya ghìyə̀ awa gha bəd gaŋ. Imbə̀ʼ tì ya bə̀ ghə̀ʼrə̀ awa ighi bəd.

Gàlesìyà 5:15

Mbə̰ mə̀ ya ghìyə̀ inug yaʼ icheg nyam tɔ tɔ ne nɔ̀mbɔ ìtin zwète, nji mbə biri nimni awən mbə̰ mbə̰.

2 Kɔrèn 11:20

Tesiʼ ya gha, mbə̰ mbe kɔ̀ŋɔ̀ bəd ne nìŋə awən ane məfeg, kə̀ bəd ne jə̀ghə awɔb igun inən, kə̀ bəd ne nyə̀ʼə̀ awən, kə̀ bəd ne chwìye nyɔd, kə̀ bəd ne nìbè awən kwàʼ igun ìfe.

1 Kɔrèn 11:18

Anug mbègtog ya gha, mə fə zug gha, mbə̰ ya mə̀ fète aseg icheg bəd Kristo, àghàpì ze yàʼa inga inən. Mə we tì mə bḛ gha à ya anug tesiʼ.

1 Kɔrèn 11:16

Wə̀d mə kə̀b ni tàŋì anug azo̰, wì kyeri gha chəyi mba kə̀ tifeti bəd Ŋwiye beri ikuchèg ndəŋ ni ghumni Ŋwiye angu.

1 Kɔrèn 3:18

Imbə̀ʼ wə̀d tàmba yi ìwi nyɔd. Wə̀d mɔ̀ʼɔ abɔ̀ʼ inən mə kɔ̀ndi gha zìye bèrì iwe icheg ne bəd igun isəg mbe nḛ̀ bəd iwe, wì beri ni bə̀ŋə̀ si yaʼ icheg anen imbə̀ʼ bèrì iwe tesiʼ.

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

Rm 14:1

Mbə̀ niŋ bəd məjìm mbe ne ìwɔb ibḛfiŋ we bɔ̀rɔ, si ya gha, imbə̀ʼ mbə̰ si ya tàŋà awən inug tì inɔb imbə̀ʼ aghi ne mbɔb koʼi ni fàʼ kə̀ aghi ne chəyi mbɔb koʼi ni fàʼ.

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

Rm 2:8

Àsi bəd mbe ne to̰ awɔb tesiʼ, si nɔ̀ŋì fìŋ se ghìyə̀ yaʼ inug tibɔ̀ŋ fɔrɔ inug mbe ne bɔŋi inɔb, Ŋwiye biri gaŋ tì inɔb, chə awɔb.

Ɨ̀fàʼì 18:15

Icheg ne à ya anug imbə̀ʼ tìngam tì tikum fɔrɔ ìmbən mə̀nɔ̀ʼɔ̀, mbə̀ tangi àzən anug mbə̰ mbə̰. Chəyi mə̀ biri bḛ ni saʼ inug icheg mbo̰.”

Ɨ̀fàʼì 8:9

Mbaŋà mɔ̀ʼɔ ya yaʼ a Sàmarìyà ne ikum məd ya Sayimùn. Wì yaya ghìyə̀ tikaŋì, wə̀d ijìm a Sàmarìyà nḛ yète. Məd yaya nìŋə ìwi nyɔd gha zìye ya mbaŋà ndəŋ ne beri ika.