1 Timotì 6:1 - Ikan feg

¹ Bəd Kristo mbe ne yaʼi ìbòʼì bèrì ni ya taŋ ghùmnə ìmbɔb mə̀mbaʼ àfàʼì ni ghì gha imbə̀ʼ bəd mbe ne chəyi mbi bḛ Kristo si nɔ̀ʼ bèrì anug tibɔ̀ŋ mɔ̀ʼɔ ni ghàm imbə̀ʼ Ŋwiye fɔrɔ imbə̀ʼ ikən chɔm we ne te chwìte.

Meta’

¹ Bə̂d Kristo mɨ̀jìm mbe nɨ yeʼ ɨ̀bòʼò berɨ naʼ ɨwumnɨ əmbɨ mbə mɨ̀mbǎʼ ə̀fàʼì ənɨ rɨkwɨ ɨnə̂njɨ̀ jìm, ɨmbə̀ʼ tɨ bə̂d mbe nɨ chəi mbɨ ben ə Kristo gha ə ɨnû rɨbɔ̀ŋ mɔʼɔ ɨmbə̀ʼ ə Ŋwiə̀ fɔrɨ ɨmbə̀ʼ ɨkə̂n chɔ̀m we nɨ tɨə ghàə̀.

1 Timotì 6:1 Referans Kwoze

Tayitùs 2:5

Mbe ya bə̀ nyìmbe ìwɔb nyɔd bə̀ ya ghìyə̀ inug ìzḛzḛ, bə̀ chùghi icheg mə̀yi chɔm inga ìtɔb nəb, bə̀ ghùmni ìmbɔb mənɔm. Mbə̀ ya ghìyə̀ ane ni ghì gha imbə̀ʼ wə̀d mɔ̀ʼɔ chàpà yi Ìngam Ŋwiye ka.

Rm 2:24

A ze inga Àŋwàʼrì Ŋwiye gha, “Bəd mbe ne kayi mə̀Ju mbe zɔ̀mbɔ̀ ikum Ŋwiye ne à ya mbə̰ mə̀Ju ghi.”

1 Pità 3:16

Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

Gàlesìyà 5:1

Mbə̀ kyeri gha, Yeso Kristo fə chì awa ane anug àbòʼì. Imbə̀ʼ tì si ywìrì chùghə awa icheg məfeg. Ane, mbə̀ təm kà. Imbə̀ʼ mbə̰ bḛ awən gha wə̀d mɔ̀ʼɔ ghiyə mbə̀ ywirì yaʼ ìbòʼì abə mə̀nɔ̀ʼɔ̀ Muse.

Ɨ̀fàʼì 15:10

Mbə̰ ya anìŋ zìyè mbèʼ igun bəd Kristo ne ka bèyi mba kə̀ ìmba mə̀mbaʼ aneg chəyi tì tì bèʼì. Aton ne mbə̰ kwàʼrà Ŋwiye anìŋ àkə gha?

Ɨ̀fàʼì 10:22

Mbaŋà te ya ywìtì ibo gha, “À ya Kònilìyùs we ne yaʼi atog wə̀d igun mə̀sogyì iki ifibì tɔmi awa ine. Məd ya wə̀d ne ghìyə̀ inug ne təmi kòʼ bə̀ ghùmnə Ŋwiye. Mə̀Ju məjìm mbe ghàmà inug chɔm imbə̀ʼ aməd. Angirə̀ Ŋwiye kə̀ ghà ibo gha, wì tɔm bəd ine mbe kara awe àghò yeʼe, imbə̀ʼ wì zug anug ze ne àghò beri ni ghà ibo.”

Ɨ̀fàʼì 10:7

Anyumə̀ ne angirə̀ we ne ya ghàmi abə Kònilìyùs ya fə nɔ̀ʼi ghò yi, Kònilìyùs ya kàrì ìmbi bəd àfàʼì məbe bə̀ kàrì sogyì imɔʼ inga mə̀sogyì mbe ne ya yaʼi aton aməd. Sogyì we ya bə̀ taŋ nɔ̀ŋì fìŋ igun Ŋwiye.

Lk 17:1

Yeso ya ghà abə mə̀mə̀nənùg məd gha, “Inug mbe ne ghìyə̀ gha bəd mbe ghì inug tibɔ̀ŋ mənyìʼ yèʼe, si ya gha, ngəʼ kyen biri yaʼ igun wə̀d we ne kwàʼrà bəd.

Matìyò 11:30

Ìtən fìŋ biri zùtì imbə̀ʼ icheg ne inug mbe ne mə̀ biri gha mbə̀ ghiyə ya inug ne zami ni ghì. Mbèʼ ze ne mə̀ biri nàʼ inən gha mbə̀ beʼe, ze bə̀ zàm ni bèʼì.”

1 Timotì 5:14

Ane, mə we nàʼà ikə abə məku àyi mbe ne chəyi mbi kiri nṵ gha, mbe ywiri nam, gwi bɔn, kyèʼì bəd mbe ne yaʼi inga nəb tì inɔb. Mbe ghiyə ane ni gha imbə̀ʼ bəd ìpàb nɔ̀ʼ bèrì apan ni ghà inug tibɔ̀ŋ igun ina.

1 Kɔrèn 10:32

Imbə̀ʼ mbə̰ ghiyə awən gha wə̀d ne yaʼi wə̀d inga ifeti bəd Ŋwiye wì gughə anug; kə̀ àkə Ju kə̀ wə̀d ne kayi Ju.

Matìyò 11:9

Aghi ze ne mbə̀ ya jiʼì ghò ni nèn àkə aghə? Àkə wə̀dkə̀n Ŋwiye? E! Mbə̀ ya bàd wə̀d ne che wə̀dkə̀n Ŋwiye.