1 Timotì 5:11 - Ikan feg

¹¹ Imbə̀ʼ àghò ŋwaʼra awe tikum məku àyi mbe ne chəyi mbi kiri pè icheg tituʼ ìghum tìfughə. À ya ane imbə̀ʼ icheg ne inug mbe ne ìtɔb nyàmnyɔd te ghə̀ʼrə̀ biri ghì gha mbe kə̀bə̀ ni ywìri nam awɔb. Ane, si wàʼ anug ni fàʼ abə Kristo.

Meta’

¹¹ Tɨrə̀ ŋwaʼnɨ e rɨkum mɨku əyi mbe nɨ chəi mbɨ kɨrɨ pè ɨghəm ɨwu ɨwum rɨ̀fuə, ɨmbə̀ʼ ɨghəm nɨ ɨnû mbe nɨ nyamnyod tɨ mɨ̀mə̌d ə feenɨə bɨrɨ ghɨ̀ ni mbɨ kəb nɨ wɨrɨ nam, əne waʼ ənû nɨ faʼ əmbɨ Kristo.

1 Timotì 5:11 Referans Kwoze

1 Timotì 5:14

Ane, mə we nàʼà ikə abə məku àyi mbe ne chəyi mbi kiri nṵ gha, mbe ywiri nam, gwi bɔn, kyèʼì bəd mbe ne yaʼi inga nəb tì inɔb. Mbe ghiyə ane ni gha imbə̀ʼ bəd ìpàb nɔ̀ʼ bèrì apan ni ghà inug tibɔ̀ŋ igun ina.

Jems 5:5

Mbə̰ fə chughi igun isəg inga ighi chɔm chɔm bə̀ fàʼ ìmbən inug icheg ne mbə̀ kəbi. Mbə̰ fə jəg fɔm icheg nyam ne mbi kweri ni kyemi igun aneg iteri.

Ɨnû 18:7

Məd yaya tə̀rə̀ yi bə̀ tàra ìwi nyɔd inga ighi. Ane, mbə̀ taŋ chə aməd bə̀ ghì wì se sɔ̀mnɔ̀. Məd we ghà inga ìzi fìŋ gha, ‹Mo ya àyi ne yaʼi ifɔn. Mo kayi iku-àyi. Ane, chəyi mə̀ biri nɔʼ dèg!›

2 Pità 2:18

Mbɔb ya ghàmà inug ako məyi ni kɔ̀m igo bə̀ ghìyə̀ məyi inug ne ìtɔb nyàmnyɔd te ghə̀ʼrə̀. Mbɔb ya nə̀rə bəd mbe ne chìyè ìfɔb ìfeg ane bəd inug tibɔ̀ŋ ni ghì gha mbe febe.

1 Timotì 5:9

Imbə̀ʼ àghò ŋwaʼra awe ikum iku-àyi abɔ̀ʼ tikum məku àyi mbe ne tì mbi wètì awɔb, kirənde wì fə pè icheg tituʼ ìghum tìfughə. Wì bèrì ne yaʼ iku-àyi ne ya nami məyi inɔm imɔʼ.

1 Timotì 4:3

Mbɔb ya gha, imbə̀ʼ bəd nama awɔb, bə̀ gha, imbə̀ʼ bəd jəghə awɔb tiku tijəg mɔ̀ʼɔ. Ŋwiye ya tangi ighi mbo̰ ijìm gha bəd mbe ne bḛ aməd bə̀ kyèri tesiʼ, mbe jəg, nàʼ məyakà ibo.

1 Timotì 5:12

Mbi mə̀ to ghì ane, Ŋwiye biri saʼ awɔb imbə̀ʼ icheg ne mbi fə waʼ anug ze ne mbi ya fə bi kàʼ ni fàʼ abə Ŋwiye.

Ɨnû 18:3

Bəd inga iben ijìm fə no mənoʼ ka ka məd. Mənoʼ mbe ya anug ni nɔ̀kì mə̀yi kə̀ nɔ̀kì mbaŋà abu abu. Məfɔn mbe igun isəg fə nɔ̀kì tì məd abu abu. Bəd məjìm igun isəg ne ghìyə̀ iywin fə fòʼ ikab ane ighi nɔʼ nɔʼ məd mbe ne we tàra nyɔd inga.”

Ɨnû 18:9

Məfɔn mbe igun isəg ne ya nɔ̀ki tì məd abu abu bə̀ tə̀d inga ighi tì məd, mbi biri chwen məsi bə̀ dèg aməd anyumə̀ ne mbi biri bàd ndiʼ ane iywid we ne tɔ̰̀ aməd.