1 Timotì 5:10 - Ikan feg

¹⁰ Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

Meta’

¹⁰ Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

1 Timotì 5:10 Referans Kwoze

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Ɨ̀fàʼì 9:36

Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

Tayitùs 3:1

Àghò Tayitùs, àghò wendi abə bəd Kristo mbe a Kred gha mbe ya zùgrə itog bəd Kristo mbe ne tùmbə̀ awɔb bə̀ zùgrə bəd Kristo mbe ne beri ika igun inɔb. Imbə̀ʼ mbi ya ghìyə̀ awɔb tìzughə̀ inɔb. Mbe chuʼri ìwɔb nyɔd ni ya zàmbà ghìyə̀ inug chɔm.

Tayitùs 2:7

Àghò ine, ya ghìyə̀ yaʼ inug chɔm gha mbɔb bara, kɔ̀pi ìtɔb fìŋ. Àghò chwiti tesiʼ inɔb ane ìzi fìŋ ijìm.

2 Timotì 3:17

Inug mbo̰ ijìm biri ghì gha wə̀d àfàʼì Ŋwiye taŋ kòʼ ni fàʼ ìfàʼì chɔm ijìm.

Rm 12:13

Mbə̀ ya wètè bəd Ŋwiye ni nàʼ ighi mbe ne chəyi mbɔb beri inɔb. Mbə̀ ya nìŋə bəd tìsɔ̀ʼ mbe ne yaʼi abɔ̀ʼ inən.

Lk 7:44

Ane, Yeso ya si ghàbri ghà abə Sayimùn gha, “Àghò bàd àyi gho̰? Mə kə nyi ine inga nəb chəyi àghò nàʼi mənib gha mə so ighog. Àsi àyi gho̰, wè sò ìmbum ighog ane ìmbi məsi bə̀ fug ane ìti nyɔ̀ŋì atog.

Matìyò 5:16

Ane, mbə̰ bə ghì gha ìwən ìzḛzḛ ya zùʼə bəd məjìm ya bàrà. Bəd biri se bàrà ìmbən inug chɔm se nàʼà ighumni abə ìwən Mbaʼ we ne yaʼi ikaŋ àbɔ̀ŋɔ.”

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Mə̀Hibrù 13:2

Imbə̀ʼ mbə̰ waʼ awən anug ni ya nìŋə bəd tìsɔ̀ʼ inga ìmbən ichan. À ya ane ne bəd mɔ̀ʼɔ ya ghi, niŋ mbè angirə̀ inga ìtɔb nəb ne chəyi mbi ya kyeri gha à ya mbè angirə̀.

Mə̀Hibrù 10:24

Tè kɔndi icheg ni ya ghìyə̀ inug ne nə̀rə wə̀d imɔʼ imɔʼ gha wì ya ghìyə̀ inug chɔm bə̀ kɔ̀ŋɔ̀ mə̀mbin.

Tayitùs 3:14

Ìmba bəd mənyìʼ nàni icheg ni ya zìyè atog ghìyə̀ inug chɔm. Mbɔb mə̀ ya ghìyə̀ ane mbɔb biri wètì bəd ndəŋ. Ane, chəyi mbɔb biri yaʼ icheg bəd ne chəyi aghi niŋi ane inɔb.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Lk 7:38

Wì ya pè təm anjìm abə Yeso gùndi ibo iban aghog se dèghè. Məsi mbe ne yaya dùwə̀ ibo inga aghə ya sò ighog abə Yeso, wì se fùghə ane ìti nyɔ̀ŋì atog. Wì ya gundi nyɔŋ ighog ìmbi Yeso, bə̀ tù məwud àka inun mbe igun ighog ìmbi Yeso.

3 Jɔn 1:12

Si ya gha, bəd Kristo məjìm mbe ghà inug chɔm imbə̀ʼ Dèmitrùs. Məd we ghìyə̀ inug kwàʼ icheg ne Àŋwàʼrì Ŋwiye chwi. Mə kyèri gha məd ya wə̀d inug chɔm. Mbə̰ inən bə̀ kyèri gha, anug ne mba mbe ghà imbə̀ʼ aməd ya tesiʼ.

1 Pità 4:9

Mbə̀ niŋ bəd inga ìmbən ichan ane fìŋ ifibì.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

2 Timotì 2:21

Wə̀d mə sò ìwi nyɔd waʼ ìmbi inug tibɔ̀ŋ, wì biri yaʼ icheg akaŋ ne Ŋwiye biri niŋ aməd ni fàʼ ijiʼi inug inga. Wì biri fə zen mànì. Mbaʼ àfàʼì məd biri fàʼ tì məd icheg ne wì fə chuʼri ìwi nyɔd ni ghì inug chɔm ijìm.

2 Timotì 1:5

Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

1 Timotì 5:25

À ya bə̀ ane ne bəd mbe bàrà inug chɔm mbe ne bəd mbe ghìyə̀. Ka à ya bèyi inug chɔm mbe ne chəyi bəd mbe bàrà, chəyi tì mbi chughi witì mbi dù asaŋ bəd bàd.

1 Timotì 2:10

Mə̀yi nyimi yaʼ ikuchèg chɔm icheg bəd ne bḛ gha mbɔb mbe ghùmnə Ŋwiye.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Ɨ̀fàʼì 22:12

Mbaŋà mɔ̀ʼɔ ya yaʼ a Dàmaskòs ne ikum məd ya Ànàniyàs. Məd ya nɔ̀ŋì ìzi fìŋ igun Ŋwiye. Məd yaya bə̀ nɔ̀ŋɔ̀ mə̀nɔ̀ʼɔ̀ Muse. Mə̀ju məjìm yaya ghà inug chɔm imbə̀ʼ aməd.

Ɨ̀fàʼì 10:22

Mbaŋà te ya ywìtì ibo gha, “À ya Kònilìyùs we ne yaʼi atog wə̀d igun mə̀sogyì iki ifibì tɔmi awa ine. Məd ya wə̀d ne ghìyə̀ inug ne təmi kòʼ bə̀ ghùmnə Ŋwiye. Mə̀Ju məjìm mbe ghàmà inug chɔm imbə̀ʼ aməd. Angirə̀ Ŋwiye kə̀ ghà ibo gha, wì tɔm bəd ine mbe kara awe àghò yeʼe, imbə̀ʼ wì zug anug ze ne àghò beri ni ghà ibo.”

Ɨ̀fàʼì 9:39

Pità ya nɔ̀ʼ ghò abɔ̀ʼ inɔb. Anyumə̀ ne wì ya pe angu, mbi ya niŋ aməd kɔʼ ghò inga atog nəb ze ikaŋ. Məku àyi məjìm ya yaʼ itəmbi iban Pità. Mbi yaya dèghè mèʼè məchə, chwìye ndwi maʼi bə̀ chwìye ndwi ndəŋ ne Dòkas ya tangi nàʼ inɔb anyumə̀ ne wì yaya kiri izɔm.

Ɨ̀fàʼì 6:3

Ane, ìmba məfi fɔrɔ ìta njàbi, mbə̀ chɔʼ mbaŋà ìsàmbe abɔ̀ʼ inən ne mbə̀ kyeri gha ìwɔb ikuchèg bɔ̀ŋ, bə̀ kyèri gha mbɔb bèrì Azwighi Ŋwiye inga inɔb bə̀ bèrì iwe. Tì biri zì àfàʼì azo̰ ni ghàpì tijəg inɔb ikye abo.

1 Timotì 5:16

Àyi we ne bḛ Kristo mə̀ bèrì ìmbi ifud mɔ̀ʼɔ ne yaʼi məku àyi, wì bèrì ni wètì awɔb. Imbə̀ʼ wì sàŋa yi gha ifeti bəd Kristo beʼe mbèʼ ze. Ze yaʼ ane imbə̀ʼ icheg ne ifeti bəd Kristo we wètè yaʼ məku àyi mbe ne chəyi bəd ne tì mbi wètì awɔb.

1 Timotì 3:7

Məd bèrì ni yaʼ wə̀d ne bəd mbe ne kayi bəd Kristo mbe ghà inug chɔm imbə̀ʼ aməd. Ane, chəyi wì biri ya bèrè tìnìrètog. Chəyi wì biri bə fen inga atam Debrə̀.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

Matìyò 25:17

À ya bə̀ ane ne wə̀d àfàʼì we ne ya niŋi ìbàn ikab gol ibe ya bə̀ ghò ghì iywin, bə̀ jəg njìm ìbàn ndəŋ ibe.