1 Timotì 3:8 - Ikan feg

⁸ Bəd mbe ne wètè àfàʼì inga ifeti bəd Kristo bèrì ni yaʼ bəd ne bəd ndəŋ mbe bə̀ ghùmnə awɔb. Mbɔb bèrì ni yaʼ bəd ne tə̀mə igun tesiʼ. Imbə̀ʼ mbɔb yaʼ awɔb bəd ne ghàmà tìngam ibe ibe. Imbə̀ʼ mbɔb yaʼ awɔb bəd ne zìyè atog ane anug mənoʼ. Imbə̀ʼ mbɔb yaʼ awɔb bəd ne zìyè adɔʼ ane anug ikab.

Meta’

⁸ Bə̂d mbe nɨə weerɨ ɨŋga ɨfetɨ bə̂d Kristo berɨ bɨ yeʼ bə̂d nɨ bə̂d cherə ə wumnɨ ə. Mbɨ berɨ yeʼ bə̂d nɨ təm ɨgun rəsìʼ. Tɨ mbɨ yeʼ ə bə̂d nɨə ghàm ɨŋgam be be. Tɨ mbɨ yeʼ ə bə̂d nɨə zɨ ətu ənɨ mɨnoʼ. Tɨ mbɨ yeʼ ə bə̂d mbe nɨə ghɨ̀ ədɔʼ ənɨ ɨkab.

1 Timotì 3:8 Referans Kwoze

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Tayitùs 2:3

Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.

1 Timotì 5:23

Imbə̀ʼ àghò bə no awe məyi mənib. Àghò ya no mənoʼ iki piʼì imbə̀ʼ ìfe fibum fe ne nḛ kə nàʼà ngəʼ inga fɔrɔ imbə̀ʼ ighɔn ndəŋ mbe ne sàʼà nàʼà ngəʼ ine.

1 Timotì 3:3

Imbə̀ʼ tengàŋ yaʼ yi wə̀d ne no mənoʼ be. Imbə̀ʼ wì yaʼ yi wə̀d ne kɔ̀ŋɔ̀ àzɔ̀ŋì. Wì bèrì ni yaʼ wə̀d ne bɔ̀tɔ, kayi wə̀d ne kɔ̀ŋɔ̀ ni tàŋ inug tì bəd. Imbə̀ʼ wì yaʼ yi wə̀d ne beri adɔʼ ikab.

Jems 3:10

Ìngam ighumni fɔrɔ ìngam ndɔ̀n ya dùwə̀ məyi inga ichug we imɔʼ. Ìmbum məfi fɔrɔ ìtum njàbi, kayi icheg ne ze koʼi ni yaʼ we.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

1 Timotì 3:12

Mbaŋà ze ne wètè àfàʼì inga ifeti bəd Kristo mənyìʼ bèrì àyi məyi imɔʼ bə̀ kyèri icheg ni nyimi ìmbi bɔn bə̀ nyìmi bəd mbe ne chùghə ibo inga nəb.

1 Pità 5:2

Mbə̀ nəri njə̀g Ŋwiye te ne wì zi inga ìtən tikye abo. Imbə̀ʼ mbə̰ faʼa awən icheg ni gha mbi ya nyə̀mə̀ awən nyəmi. Mbə̀ faʼa tì izən fìŋ ifibì icheg ne Ŋwiye kə̀bi. Mbə̀ faʼa imbə̀ʼ icheg ne mbə̀ kɔŋi ni fàʼ, kayi imbə̀ʼ adɔʼ ikab.

Rm 3:13

Mbi ya ghàmà tìngam ndɔ̀n. Àzɔb ya məyi ni tambi bəd. Ìngam we ne dùwə̀ inɔb ichug ya icheg iniʼi ni jo nɔmi wə̀d.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.