1 Timotì 3:16 - Ikan feg

¹⁶ Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Meta’

¹⁶ Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

1 Timotì 3:16 Referans Kwoze

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

Lk 24:4

Anug ya chè awɔb. Icheg ne mbi yaya jə̀mə̀, mbi ŋa zə̰, mbaŋà mɔ̀ʼɔ tibe təm iban inɔb tì ndwi fu fu ne njàndi njandi.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

1 Jɔn 1:2

Anyumə̀ ne ìtḛ̀ we ya chwi ìwi nyɔd kwàʼ asaŋ asaŋ, tì ya bàd aməd. Ane, tì ya anìŋ ghà tesiʼ inən imbə̀ʼ aməd. Tì ya anìŋ bə̀ ghà inən gha məd ya ìtḛ̀ ighə̀m imɔʼ we ne ya yaʼi tì Mbaʼ ne Mbaʼ ghi tì kyèri.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

Kòlosè 2:2

Aton ya gha, mə ya kə̀bə̀ ni nəri ìtɔb fìŋ bə̀ ghì gha mbɔb yaʼ ane fìŋ ifibì bə̀ chùghi ane àkɔ̀ŋì. Àze biri ghì mbɔb taŋ bèrì iwe ni kyeri anug, imbə̀ʼ kyeri anug ze ne Ŋwiye nə̀mbi. Anug ze ya Kristo.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

Lk 22:43

Angirə̀ mɔ̀ʼɔ ikaŋ àbɔ̀ŋɔ ya dù ibo imbìghè nàʼ ika ibo.

Matìyò 3:16

Anyumə̀ ne Yeso ya fə niŋi mənib, wì ya dù inga igyi we. Kwàʼ ati ati, ikaŋ àbɔ̀ŋɔ ya fìʼè, wì bàd Azwighi Ŋwiye ne ya swiʼi yèʼe icheg bupə pè nàŋa igun məd.

1 Jɔn 3:5

Mbə̰ kyèri gha Kristo ya yeʼe ni chì ìmba inug tibɔ̀ŋ. Mbə̰ bə̀ kyèri gha chəyi anug tibɔ̀ŋ mɔ̀ʼɔ yaʼi inga məd.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

1 Timotì 3:9

Mbɔb bèrì ni nyimi tesiʼ we ne Ŋwiye ghi bəd məjìm kyeri. Mbɔb mənyìʼ ya ghìyə̀ ane tì fìŋ zḛ zḛ.

Jn 20:12

Wì ya nèn ane, bàd mbè angirə̀ məbe ne zì ndwi fu fu ichughi igun asiŋi ze ne mbi ya nɔŋi awu Yeso. Ìwi ifibì ya chughi ane asiŋi ze ne mbi ya bɔŋi awu Yeso nɔŋi atog angu. Ìywin si chùghi ane asiŋi ze ne ighog Yeso ya yaʼi angu.

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.

1 Pità 1:20

Ŋwiye ya fə chɔʼ Yeso Kristo bɔŋ se tànga isəg, si ya gha, à ya məyi inga ineg mbo̰ ne si nwìyḛ̀ ne Ŋwiye ghi gha bəd kyeri aməd. Wì ya ghì ane ni wètì awən.

Mə̀Hibrù 7:7

Ze fə dù zen gha wə̀d we ne zìyè àbɔrɔ̀bɔd bèrì ighumni chè wə̀d we ne nìŋə.

Efesùs 6:19

Mbə̀ bə chàʼra Ŋwiye inum gha, mà nyumə̀ ijìm ne mə ghàmà, Ŋwiye ziye ìngam inum ichug ne mə̀ biri ghàm ne chəyi mə bɔ. Ane, mə biri ghì bəd kyeri anug ze ne yaʼi inə̀mbi imbə̀ʼ ikən chɔm.

Efesùs 1:9

Ane, Ŋwiye ya fàʼ icheg ne wì ya fə chuʼri nɔ̀ŋì. Wì ya ghì tì kyèri inug mbe ne ya yaʼi inə̀mbi ne wì ya fə nɔ̀ŋì ni fàʼ anjìm Kristo.

Gàlesìyà 4:4

Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

1 Kɔrèn 15:47

Ŋwiye ya tangi mbaŋà mbègtog ane ìseg ze igun isəg. Wə̀d we ne ya si yèʼe anjìm, wì nɔ̀ʼ yaʼ ikaŋ àbɔ̀ŋɔ.

1 Kɔrèn 2:7

Tì ya ghàmà yaʼ ane iwe we ne Ŋwiye we nàʼà. Iwe we ya yaʼ inə̀mbi. À ya iwe ne bɔŋ Ŋwiye ya se tànga isəg, məd ya fə nɔŋi ni nàʼ ina. Wì ya ghì ane ni gha tì beri ighumni.

Rm 10:18

Si ya gha, mə̀ ya anìŋ bìre gha: Àkə chəyi mbi ya zughi ikən chɔm gho̰? A ze inga Àŋwàʼrì Ŋwiye gha: “Mbi ya zug kwàʼ icheg chɔm. Mbi ya zug abə bəd mbe ne yaya chètè ikən chɔm we, ghò pè ane tibug ijìm igun isəg.”

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Gàlesìyà 2:8

Aton ya gha, Ŋwiye we ne ya nàʼi ika abə Pità chà aməd gha wì yaʼ wə̀dtɔm abə mə̀Ju, à ya məd bə nàʼ ika inum bə̀ chà amə gha mə yaʼ wə̀dtɔm abə bəd mbe ne kayi mə̀Ju.

Rm 9:5

Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!

Ɨ̀fàʼì 10:34

Pità ya ko ghàm abə bəd mbe inga nəb Kònilìyùs gha, “Amad anìŋ, mə kyèri kwàʼ tesiʼ gha chəyi Ŋwiye we ghìyə̀ ighə.

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Jn 16:28

Mə ya nɔ̀ʼ abɔ̀ʼ ìmə Mbaʼ, bɔŋ yeʼe igun isəg. Mə ya anìŋ se nɔ̀ʼɔ̀ amə igun isəg ghò abɔ̀ʼ ìmə Mbaʼ. ”

Jn 13:3

Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Lk 24:51

Icheg ne wì yaya zìyè àbɔrɔ̀bɔd igun inɔb ane, Ŋwiye ya niŋ aməd ikaŋ àbɔ̀ŋɔ.

Ɨnû 17:7

Angirə̀ we ya biri inum gha, “Àghò kə yète aghə? Mə biri ghà anug ze ne yaʼi inə̀mbi imbə̀ʼ àyi gho̰ ine. Mə biri bə ghà anug imbə̀ʼ nyam kyen ze ne məd we kɔ̀ʼɔ, ne beri itog ìsàmbe tì ndɔŋ ìghum.

Ɨnû 17:5

Mbi ya ŋwàʼrì ikum mɔ̀ʼɔ igun akəŋi isi məd ne chəyi wə̀d mɔ̀ʼɔ kyeri aton. Aton ane ikum we ya gha, “Babilɔ̀n kyen, ngɔb ìkwàrì ijìm tì ngɔb inug tibɔ̀ŋ yeti yeti mbe ne yaʼi igun isəg.”

Mə̀Hibrù 8:1

Anug kyen ne te ghà ya gha: tè bèrì atog wə̀d igun bəd mbàn Ŋwiye ne chughi igun atən ifɔn aba abo jəghi abə Ŋwiye we ne beri ika ijìm.

2 Tès 2:7

Ika we ne ghìyə̀ bəd se ghìyə̀ inug izəg, wi fə se fàʼà inga bəd. Wə̀d we ne kə̰ gha imbə̀ʼ inug mbo̰ duwə yi, wì biri chè imbìghè ni kən anene ghò pè ane nyumə̀ ne Ŋwiye biri chì aməd.

2 Tès 1:10

Ane aneg ze ne Anɔŋisəg biri yeʼe, bəd məd biri se yète məd. Bəd məjìm ne bḛ aməd biri se ghùmnə aməd. Mbə̰ inən biri bə̀ yaʼ abɔ̀ʼ inɔb imbə̀ʼ icheg ne mbə̰ inən ya bə̀ bḛ ikən chɔm we ne tì ya ghà inən.

Ɨ̀fàʼì 1:19

Wə̀d ijìm ne ya yaʼi a Jèrusalèm ya zug anug ze. Ane, mbi ya se kàrà asiŋi ze inga ìwɔb ìngam aben ane Àkedamà. Ane ya mbi gha, “Asiŋi ìseg anəm”.

Jn 17:5

Ìmə Mbaʼ, ghìyə mə beri ighumni we ne tì ya fɔrɔ bèrì bɔŋ àghò ya se tànga isəg.”

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Jn 6:62

Mbə̀ kə ghum si ghì iye anyumə̀ ne mbə̀ bari Ŋwan Wə̀d we ghò yi ikaŋ, asiŋi ze ne wi yaya bè angu?

Lk 2:32

Məd ya ìzḛzḛ ne biri chwi ìwe ikuchèg abə bəd ne kayi mə̀Ju, bə̀ nàʼ ighumni abə ìmbe bəd, mə̀Izre.”

Mk 16:5

Anyumə̀ ne mbi ya nyi inga iseg we, mbi ya bàd ajɔŋ mɔ̀ʼɔ ne ya chughi aba abo jəghi. Wì ya zì ndwi se se ne fu fu. Mbi ya bàd ane, anug chè awɔb.

Mk 1:13

Wì ya chughi inga ibad zɔbi we ineg iwum ikwè. Sàtàn ya kwàʼrì aməd ane nyùmə̀ we. Wì ya yaʼ tì nyam tɔ tɔ inga ibad zɔbi we. Mbè angirə̀ ya nàʼ ighi mbe ne wì ya kə̀bi ibo.

Matìyò 28:2

Ìseg ya gàd ghùd kwàʼ ane ika, Angirə̀ Anɔŋisəg swiʼi ikaŋ àbɔ̀ŋɔ pè tḭ iteg we ichug iseg we, chì nɔŋi iban, si chùghi yi igun.

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Matìyò 4:11

Ane, Debrə̀ ya kye iban məd, mbè angirə̀ si yèʼe se wètè aməd.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

Rm 10:12

Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd.

Rm 3:4

Indèʼ ka! Icheg ne bəd məjìm ya bəd inug ako, Ŋwiye ya kà fàʼà yaʼ anug ze ne wì ya gha. À ya icheg ne mbi ŋwaʼri inga Àŋwàʼrì Ŋwiye gha, “Àghò mə ghàm, ìwe ìngam mənyìʼ du ane tesiʼ. Chəyi anug ako mɔ̀ʼɔ inga ìwe ìngam.”

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

2 Kɔrèn 1:19

À ya ane ne Yeso Kristo bə yaʼ. Məd ya Ŋwan Ŋwiye we ne mo tì Sìvanòs fɔrɔ Timotì ya ghàmi inən imbə̀ʼ aməd. Chəyi məd we gha “E” ywìrì nɔ̀ʼ gha “Indèʼ.” Məd ya fàʼà inug ijìm ne Ŋwiye kàʼi.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Jɔn 3:8

Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

Lk 20:44

Ifɔn Dèvid ya kàrì aməd ane ‹Anɔŋisəg›, məd kə ywìri yaʼ ŋwan məd iye?