1 Timotì 3:11 - Ikan feg

¹¹ À ya bə̀ ane ne, ìmbɔb mə̀yi bèrì ni yaʼ mə̀yi ne bəd mbe ghùmnə. Kayi mə̀yi ne chìkə̀ tikum bəd. Ìmbɔb mə̀yi bèrì ni yaʼ mə̀yi ne kɔ̀ŋɔ̀ ni ghì gha bəd chughi ane àbɔrɔ̀bɔd. Ìmbɔb mə̀yi bèrì ni bə yaʼ mə̀yi ne tì bəd nɔ̀ŋì fìŋ igun inɔb ane inug ijìm.

Meta’

¹¹ Əndəŋ əndəŋ, məyi mɨ̀mə̌d berɨ yeʼ mbe nɨ bə̂d ə bə̀ wumnɨ mɨ̀mə̌d. Tɨ mbɨ yeʼ məyi nɨə chəkɨ rɨkum bə̂d. Mbɨ berɨ yeʼ ɨbɔtɨ məyi bə̀ yeʼ məyi nɨ bə̂d nuŋ tə fîŋ ɨgwɨ mɨ̀mə̌d ənɨ ɨnû jìm.

1 Timotì 3:11 Referans Kwoze

Tayitùs 2:3

Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.

Tayitùs 3:2

Imbə̀ʼ mbi gha awɔb anug tibɔ̀ŋ igun wə̀d. Mbe chughi ane àbɔrɔ̀bɔd bə̀ ya ghìyə̀ ìchɔ̀mì abə bəd bə̀ bɔ̀tɔ ane fìŋ tì bəd məjìm.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

2 Timotì 3:3

Chəyi bəd biri ya kɔ̀ŋɔ̀ mə̀mbin. Chəyi mbi biri ya wàʼa inug tibɔ̀ŋ ìmbi mə̀mbin. Bəd biri ya chìkə̀ tikum bəd. Chəyi bəd biri ya nyìmbe nyɔd ane anug. Bəd biri ya kɔ̀ŋɔ̀ àzɔ̀ŋì. Chəyi bəd biri ya kɔ̀ŋɔ̀ inug chɔm.

2 Timotì 4:5

Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.

1 Timotì 6:2

Imbə̀ʼ ìbòʼì mbe ne beri mə̀mbaʼ àfàʼì ne bḛ Kristo si wèghè awɔb mə̀mbaʼ àfàʼì mbe imbə̀ʼ icheg ne mbɔb tì inɔb ya bəd Kristo. Mbɔb bèrì ni fàʼ inɔb kwàʼ icheg chɔm, chè icheg ne tì mbi fàʼ abə mə̀mbaʼ àfàʼì mbe ne chəyi mbi bḛ Kristo. Mbɔb bèrì ni ghì ane imbə̀ʼ icheg ne bəd mbe ne jə̀ghə chùd ane àzɔb àfàʼì ya bəd ne bḛ Kristo bə̀ yaʼ bəd ne mbɔb taŋ kɔ̀ŋ. Aŋa ya inug ne àghò beri ni taŋ zì atog ni chwiti abə bəd gha mbe ya fàʼà.

1 Timotì 1:12

Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.

Jn 6:70

Yeso ya ywìtì gha, “Imbə̀ʼ à ya mo chɔʼi awən, mbə̰ mbo̰ ìghum chɔ̀b ibe? Si ya gha, wə̀d ifibì abɔ̀ʼ inən ya Debrə̀!”

Matìyò 4:1

Anyumə̀ ne Yeso ya fə niŋi mənib, Azwighi Ŋwiye ya ghì wì gho inga ibad zɔbi ni gha Debrə̀ kwaʼra aməd.

Rm 1:29

Tiku inug tibɔ̀ŋ ijìm fə nyi zweg inga inɔb: inug tibɔ̀ŋ, àdeg, anug ni ghə̀ʼrì ighi bə kɔ̀ŋɔ̀ ni ghì inug tibɔ̀ŋ igun mə̀mbin; mbɔb fə zì atog ane anug ni ghì àdeg, anug ni zì fìŋ igun ighi bəd ndəŋ, anug ni zweti bəd, achɔb, anug ni tambi bəd fɔrɔ ane anug ni taŋ mənaŋ. Mbɔb mbe ghìyə̀ mənèghe;