1 Timotì 2:1 - Ikan feg

¹ Anug mbègtog ne mə̀ kəbi ni ghà ine ya gha, mbə̀ ya chàʼrà Ŋwiye nɔ̰ ighi ibo. Mbə̀ ya chàʼrà Ŋwiye dèghè ìmbən inug ibo. Mbə̀ ya bə̀ chàʼrà Ŋwiye imbə̀ʼ inug bəd ndəŋ bə̀ nàʼà məyakà abə Ŋwiye. Mbə̀ ya ghìyə̀ ane atog abə bəd məjìm.

Meta’

¹ Ənû rɨtu yɨ ni mə wɨə buʼ ɨbɔ ni mbə̀ nɔn ɨghɨ rɨ əmbɨ ə Ŋwiə̀, kɔ̀ŋgɨ̀ əməd, biirɨ ɨghɨ bə̀ nàʼ məben-əwe ɨ bɔ ɨgwɨ ətu ə wə̀d jìm.

1 Timotì 2:1 Referans Kwoze

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

Jems 5:16

Ane, mbə̀ bḛ ìmbən inug tibɔ̀ŋ abə mə̀mbin bə̀ chàʼra Ŋwiye gha wì ghuyə bəd ne ghɔ̰̀. Ichaʼri Ŋwiye ìwi wə̀d ne təmi kòʼ ya bèrè ika bə̀ fàʼà inug kwàʼ icheg chɔm.

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

2 Timotì 2:24

Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa.

1 Timotì 2:4

Ŋwiye we kə̀bə̀ gha bəd məjìm kyeri tesiʼ pum.

Fìlipì 1:3

Mà nyumə̀ ijìm ne mə kɔ̀ndɔ awən, mə ya nàʼà məyakà abə ìmə Ŋwiye.

Mə̀Hibrù 6:11

Tì ya kə̀bə̀ gha wə̀d imɔʼ imɔʼ abɔ̀ʼ inən ya chwìye ikuchèg chɔm gho̰ mà nyumə̀ ijìm ghò pè ane ìnwḭ. Mbə̀ ghiyə ane ni gha ikɔndi we ne tì beri imbə̀ʼ ighi mbe ne tì ya ghɔ̀mɔ̀, chəyi wì biri chè ako.

Tayitùs 3:2

Imbə̀ʼ mbi gha awɔb anug tibɔ̀ŋ igun wə̀d. Mbe chughi ane àbɔrɔ̀bɔd bə̀ ya ghìyə̀ ìchɔ̀mì abə bəd bə̀ bɔ̀tɔ ane fìŋ tì bəd məjìm.

Tayitùs 2:11

Ze yaʼ ane imbə̀ʼ icheg ne, Ŋwiye fə chwi ìwi ìchɔ̀mì we ne pùmnə bəd abə bəd məjìm.

1 Timotì 5:5

Iku àyi ne chəyi wə̀d ni nəngi aməd, ne chùghə tèzìʼì, wì fə nɔ̀ŋì ìwi ikɔndi ijìm igun Ŋwiye. Məd ya chè imbìghè ni ya nɔ̰ ìmbi ighi abə Ŋwiye bə̀ chàʼrà Ŋwiye dèghè inug ibo tizimi fɔrɔ tisi.

1 Kɔrèn 15:3

Anug kyen mbègtog ne mbi ya gha inum, mə̀ ya bə̀ ghà inən. Anug ze ya gha Kristo ya ku imbə̀ʼ ìmba inug tibɔ̀ŋ icheg ne mbi ya ŋwàʼri inga Àŋwàʼrì Ŋwiye.

Ɨ̀fàʼì 17:30

A mbègtog, chəyi Ŋwiye ya nɔŋi atog ane inug mbe ne bəd yaya ghìyə̀ abəŋ. Si ya gha, inga nyùmə̀ isəg gho̰, wì fə ghà gha bəd məjìm inga isiŋi ijìm mbe bəŋi ìtɔb fìŋ sìkì inug tibɔ̀ŋ.

1 Tèsàlonikà 3:12

Anɔŋisəg Yeso ghiyə àkɔ̀ŋì ze ne mbə̰ mbe chwiye abə ìmbən məfi bə̀ fɔrɔ abə bəd məjìm ze sweg gwètè icheg ne àza àkɔ̀ŋì inən bə̀ sweg gwètè.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Rm 1:8

Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

2 Kɔrèn 8:6

Ane, tì ya boʼ ibo abə Tayitùs we ne ya ko àfàʼì azo̰ gha wì chè imbìghè ghì mbə̀ mana anug ni feti ighi mbe ne mbə̀ beri ni nàʼ.

Efesùs 3:13

Ane, mə we bòʼo ibo inən gha imbə̀ʼ ìtən fìŋ nɔ̀ʼ bɔd imbə̀ʼ icheg ne mo we zə̰ ngəʼ imbə̀ʼ awən. Inug mbo̰ ijìm ya ni wètì awən.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Fìlipì 4:6

Imbə̀ʼ mbə̰ si nwìʼì awən nyɔd imbə̀ʼ aghi mɔ̀ʼɔ. Mbə̀ ya dèghè ìmbən inug ijìm yaʼ abə Ŋwiye. Anyumə̀ ne mbə̰ mbe chàʼrà Ŋwiye, mbə boʼ ibo ibo, nɔ̰ ìmbən ighi ibo, bə̀ nàʼ məyakà ibo.