1 Timotì 1:19 - Ikan feg

¹⁹ Nyimi ìwe ibḛfiŋ bə̀ bèrì fìŋ ne zḛ. Bəd mɔ̀ʼɔ fə waʼ anug ni nɔ̀ŋì ìtɔb fìŋ gha ti ya zḛ, ane chìkì ìwɔb ibḛfiŋ.

Meta’

¹⁹ Ənɨ àwɔ̀ ə ghɨ̀ə̀ əne, à berɨ yim e ɨbenɨ wɨ kaanə bə̀ berɨ fîŋ nɨ zeŋɨ. Ɨchî nɨ chəi bə̂d mɔʼɔ ə zwetɨ ɨnû mbe nɨ fîŋ tɨ mɨ̀mə̌d ə ghàə̀, mbɨ fə nimnɨ ɨbenɨ we nɨ mbɨ nyaʼa berɨ.

1 Timotì 1:19 Referans Kwoze

1 Timotì 3:9

Mbɔb bèrì ni nyimi tesiʼ we ne Ŋwiye ghi bəd məjìm kyeri. Mbɔb mənyìʼ ya ghìyə̀ ane tì fìŋ zḛ zḛ.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.

1 Timotì 6:9

Tesiʼ ya gha, bəd mbe ne kə̀bə̀ ni bèrì ikab nɔʼ nɔʼ ya nyḭ̀yḛ inga ìkwàʼrì bə̀ fḛ inga atam ne ghìyə̀ gha mbɔb se ghìyə̀ inug anen nɔʼ nɔʼ bə̀ ghìyə̀ inug tibɔ̀ŋ mbe ne mbɔb mbe ghə̀ʼrə̀. Inug mbe ya chìkə̀ awɔb bə̀ nìmne awɔb.

Tayitùs 1:9

Wì yaʼ wə̀d ne nyìme inug mbe ne mbi ya chwiti ibo imbə̀ʼ Kristo kwàʼ icheg chɔm. À ya inug ne tì wə̀d nɔŋi fìŋ igun. Wì beri ni nyimi inug kwàʼ icheg chɔm imbə̀ʼ kyeri icheg ni ya nə̀rə mə̀mbin ane inug chɔm ne wì biri ya chwìte inɔb bə̀ ya chwìte abə bəd mbe ne tàŋà inug imbə̀ʼ Kristo imbə̀ʼ icheg ne à ya inug tesiʼ.

Ɨnû 3:8

Mə kyèri inug mbe ne àghò we ghìyə̀. Nḛ, mə fə fìʼì inuʼ nəb ine ne chəyi tì wə̀d wubì. Mə kyèri gha ìwe ika kə yi, si ya gha, àghò fə ghì inug mbe ne mə̀ ya gha ine. Mə bə̀ kyèri gha, chəyi àghò to̰ amə .

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

2 Timotì 4:4

Bəd biri to̰ awɔb ni ya zùghə tesiʼ, si bə̀ŋə̀ ghò se zùghə tìmùghì twaŋi.

1 Jɔn 2:19

Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.

1 Timotì 6:21

Bəd mɔ̀ʼɔ mbe ghà gha mbɔb bèrì iwe. Ikuchèg we fə ghì gha mbɔb wàʼ ibḛfiŋ we ne mbɔb ya bì bèrì. Ŋwiye ghiyə ìchɔ̀mì inən mbə̰ məjìm.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

Gàlesìyà 5:4

Wə̀d ne kə̀bə̀ gha mə̀nɔ̀ʼɔ̀ ghiyə wì təm kòʼ imbìghè abə Ŋwiye, tengàŋ kyeri gha chəyi ywìrè məd ane anug amɔʼ tì Kristo. Tengàŋ kyeri gha wì fə bə̀ to̰ yi ìchɔ̀mì we ne Ŋwiye ghi ina.

1 Kɔrèn 11:19

Chəyi mə̀ jə̀mə̀. Mə kyèri gha àghàpì kòʼ ni nyi inga inən imbə̀ʼ ghì gha mbe kyeri bəd Kristo tesiʼ.

Ɨnû 3:3

Ane, kɔndi inug mbe ne mbi ya chwiti ine fɔrɔ inug mbe ne àghò ya bə zug, bə̀ŋì ìze fìŋ se zùgrə inug mbe. Àghò mə ton awe ni nɔ̀ʼ angwḛ, mə biri yeʼe icheg iji. Chəyi àghò biri kyeri nyùmə̀ ne mə̀ biri yeʼe.

Matìyò 6:27

Wə̀d abɔ̀ʼ inən ne tì wì nwiʼì nyɔd yètì awà ifibì igun inun ineg mbe ne wì beri ni chughi igun isəg àkə we?

1 Timotì 6:12

Àghò taŋ zɔ̀ŋ icheg chɔm ni tàŋì ibḛfiŋ we ne àghò nɔŋi igun Kristo imbə̀ʼ jəg ìtḛ̀ ighə̀m imɔʼ. Ŋwiye ya kàrì awe gha àghò jəg ìtḛ̀ we anyumə̀ ne àghò ya gha imbìghè abə bəd nɔʼ nɔʼ gha àghò bḛ Kristo.

2 Timotì 2:18

Mbɔb fə waʼ tesiʼ we ne yaʼi inga Ìngam Ŋwiye. Mbɔb mbe ghàmà gha anug ni zweme ane iwu ya fə chè. Mbɔb ya ghìyə̀ ane chìkə̀ ibḛfiŋ abə bəd ndan ndàn.