1 Timotì 1:18 - Ikan feg

¹⁸ Mə nàʼ tikə ìto̰ ine àghò Timotì, ìmə ŋwan icheg ne Azwighi Ŋwiye ya nàʼi ika abə bəd Kristo mbi ghàm inug mbo̰ imbə̀ʼ awe. Àghò mə ghì inug mbo̰, àghò we tì àghò zɔŋ chè, təm kà ane ìwe ibḛfiŋ igun Kristo.

Meta’

¹⁸ Mə ghà ɨ ne, àwɔ̀ Timotì mɨ wan, ni à ghɨ ɨnû mbɔ̂ beenɨ əbɔʼ mbe nɨ wə̀d ɨ̀kə̀n Ŋwìə̀ nyaʼa ghǎ ɨmbə̀ʼ əwe. À mɨ beenɨ əbɔʼ ɨnû mbe, à we tɨ̀ à zɔ̀ŋ ɨchî nɨ kuʼnɨ ɨmbə̀ʼ ɨkə̂n chɔ̀m we nɨ yeʼ wɨ rəsìʼ.

1 Timotì 1:18 Referans Kwoze

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

1 Timotì 6:20

Àghò Timotì, taŋ nyìmi inug mbe ne Ŋwiye zi inga ìte tikye abo. Imbə̀ʼ àghò ziye awe atog ane tìngam te ne chəyi ti beri anug ni ghì tì Ŋwiye. Imbə̀ʼ àghò ziye awe atog igun tìngam mɔ̀ʼɔ te ne bəd mbe ne kɔ̀ŋɔ̀ ni ya tàŋà inug mbe ghà gha à ya inug iwe ne kayi inug iwe.

Fìlipì 2:22

Àsi Timotì, mbə̰ kyeri àzən aghi gha, məd fə chwi gha zìye ya wə̀d àfàʼì chɔ̀m. Wè fàʼ tì inum ni chètì ikən chɔm imbə̀ʼ Kristo. Wè fàʼ kwàʼ icheg ŋwan we fàʼà tì ìwi mbaʼ.

2 Timotì 4:7

Mə fə zɔ̀ŋ àzɔ̀ŋì chɔm ni fàʼ abə Kristo. Mə fə nòtò ghò pè ane ìnwḭ. Mə fə nɔ̀ŋì ìmə ibḛfiŋ igun Kristo ghò pè ane ìnwḭ.

1 Timotì 1:2

Mə ŋwàʼrì anìŋ ine àghò Timotì ìmə ŋwan chɔm icheg ne tì nɔŋi ibḛfiŋ igun Kristo. Ŋwiye ne yaʼi Mbaʼ fɔrɔ Yeso Kristo ìwa Anɔŋisəg ghiyə ìchɔ̀mì ine, bə̀ chwi àsɔ̀mnəfiŋ ine, bə̀ ghì àghò chughi ane àbɔrɔ̀bɔd.

2 Timotì 1:2

Mə ŋwàʼri anìŋ ine àghò Timotì ìmə ŋwan ne mə̀ taŋ kɔ̀ŋ. Ŋwiye ne yaʼi Mbaʼ fɔrɔ Yeso Kristo, ìwa Anɔŋisəg ghiyə ìchɔ̀mì ine bə̀ chwi àsɔ̀mnəfiŋ igun ine bə̀ ghì àghò chughi ane àbɔrɔ̀bɔd.

1 Timotì 4:4

Ighi ijìm mbe ne Ŋwiye ya tangi ya ìmbi chɔm. Chəyi wə̀d kòʼi ni ton aghi mɔ̀ʼɔ. Ane, bəd bèrì ni nàʼ məyakà ibo imbə̀ʼ ighi mbe ne wì nàʼi inɔb.

Filemɔ̀n 1:10

Mə boʼ ibo ine imbə̀ʼ ìmə ŋwan, Ònèsimùs, ne ya yaʼi ìmə ŋwan inga anug Ŋwiye icheg ne mə̀ yaʼi inga nəb ndəŋ .

Tayitùs 1:4

Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.

Ɨ̀fàʼì 16:1

Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.

1 Kɔrèn 4:17

À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.

1 Kɔrèn 9:7

Àkə sogyì weg ne fàʼà ne chəyi mbe nàʼà ikab àfàʼì ibo? Wə̀d ne ko̰ ìzi mben vayìn ne chəyi məd we jə̀ghə fitam vayìn ane mben ze àkə we? Kə̀ wə̀d ne kwèrè nyam ne chəyi tì wì nèg ìwi nyɔd igun nyam te àkə we?

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.