1 Jɔn 3:19 - Ikan feg

¹⁹ Tì kə kyère iye gha tesiʼ we inga ina bə̀ bèrì fìŋ chùghi inyeʼ imbìghè abə Ŋwiye?

Meta’

¹⁹ Əne yɨ ɨchî nɨ tɨ̀ bɨrɨ kyerɨ ni tɨ̀ yɨə bə̂d nɨə ghà rəsìʼ. Əze ə bɨrɨ ghɨ ni ta fîŋ bɔtɨ ɨfě Ŋwiə̀

1 Jɔn 3:19 Referans Kwoze

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

1 Jɔn 3:21

Ìmbum mə̀sə̀ʼ ne mə̀ taŋ kɔ̀ŋ, àmə chəyi ìta fìŋ te sàʼa awa inga, tì kyeri gha tì we tì tì təm imbìghè abə Ŋwiye ne chəyi te bìnde.

Jn 18:37

Payilèd ya si bìri ibo gha, “Àghò kə anìŋ yaʼ ifɔn?” Yeso ya ywìtì gha, “Àghò ya anìŋ ghà kwàʼ tesiʼ gha mo ya ifɔn. À ya kwàʼ tesiʼ gha, aŋa ya aton ze ne mbi ya gwi amə igun isəg aŋa, gha mə yeʼe ghà tesiʼ. Wə̀d ijìm ne kɔ̀ŋi tesiʼ ya zùghə anug ne mə̀ ghà.”

1 Jɔn 1:8

Tì mə̀ gha chəyi tì beri anug tibɔ̀ŋ inga ina, nji tì ya tàmba ìwa nyɔd. Chəyi tesiʼ yaʼi inga inug mbe ne te ghà.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

Rm 4:21

Wì ya nɔ̀ŋì ibḛfiŋ igun Ŋwiye bə̀ kyèri gha Ŋwiye we tì wì fàʼ anug ze ne wì ya kàʼi.

Jn 13:35

Mbə̀ mə̀ ya kɔ̀ŋɔ̀ mə̀mbin, wə̀d ijìm biri kyeri gha, mbə̰ ya ìmbum mə̀mə̀nənùg.”

1 Jɔn 3:14

Tè kyèri gha tì fə kɔpɔ dù inga inug mbe ne ghìyə̀ bəd kùyə nìme si yaʼ inga inug mbe ne ghìyə̀ bəd jəghə ìtḛ̀. Tè kyèri ane imbə̀ʼ icheg ne tì we kɔ̀ŋɔ̀ mə̀mbin. Wə̀d ne chəyi wì ya kɔ̀ŋɔ̀ mə̀mbin ya wə̀d ne kiri yaʼi inga inug mbe ne ghìyə̀ bəd kùyə nìme.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

Rm 8:38

Mə kyèri kwàʼ tesiʼ gha, chəyi aghi mɔ̀ʼɔ ne tì ze ghì gha imbə̀ʼ aməd si ywiri kɔ̀ŋɔ̀ yi awa, kə̀ àkə iwu, kə̀ àkə ìtḛ̀, kə̀ àkə mbè angirə̀, kə̀ àkə tika afub te ne yaʼi ikaŋ, kə̀ àkə inug mbe ne yaʼi inga nyùmə̀ isəg gho̰, kə̀ àkə mbe ne biri ghum yeʼe,

1 Jɔn 2:21

Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.

1 Jɔn 3:20

Tì ya kyère icheg ne ìta fìŋ te sàʼa awa inga. Tè kyèri gha Ŋwiye chè ìta fìŋ, wì bə̀ kyèri inug ijìm.