1 Kɔrèn 9:1 - Ikan feg

¹ Imbə̀ʼ mo we amə ane ìmə ighəm? Mo kə kayi wə̀dtɔm Kristo? Imbə̀ʼ mə fə bàra Yeso, ìwa Anɔŋisəg? Imbə̀ʼ mbə̰ fə bḛ Anɔŋisəg imbə̀ʼ icheg ne mə fàʼà ane ìmə fìŋ ijìm?

Meta’

¹ Ɨmbə̀ʼ mə wɨ ənɨ mɨ ɨghəm ə? Ɨmbə̀ʼ mə yɨə wə̀d tom Kristo ə? Ɨmbə̀ʼ mə fə zə ə Yeso a Ə̀nùŋɨ̀sɨg ə? Ɨmbə̀ʼ mbə̀ fə ben Ə̀nùŋɨ̀sɨg ɨmbə̀ʼ ɨchî nɨ mə̀ faʼ rɨka ə?

1 Kɔrèn 9:1 Referans Kwoze

Ɨ̀fàʼì 9:17

Ane, Ànàniyàs ya ghò nyi inga nəb ze, pè nɔ̀ŋì ìmbi ibo igun Sɔl, si ghà ibo gha, “Sɔl, ìmə ifi, Anɔŋisəg Yeso we ne du ghàm ine inɔnjì icheg ne àghò we kə̀ yèʼe aŋa, wì fə chà amə ine ni ghì gha àghò ywirì bàd isiŋi, Azwighi Ŋwiye bə yèʼe igun ine.”

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

1 Kɔrèn 3:6

À ya icheg ni gha mə ya nyɔ̀ʼ ngwèd, Àpolòs si yèʼe chùbrì. À ya Ŋwiye si ghì ighi mbe kweg.

Ɨ̀fàʼì 23:11

Àsi izimi we, Anɔŋisəg ya dù təm iban Pɔl ghà ibo gha, “Imbə̀ʼ àghò bɔ awe ka. Kwàʼ icheg ne àghò ghàmi imbə̀ʼ amə a Jèrusalèm aŋa, àghò biri bə ghàm imbə̀ʼ amə a Rom.”

Ɨ̀fàʼì 9:3

Anyumə̀ ne Sɔl ya niŋi àŋwàʼrì ze ghò se tìnde iban Dàmaskòs, ìzḛzḛ njandi njandi mɔ̀ʼɔ ya sàʼà zuʼ igun məd chè kad aməd.

1 Kɔrèn 9:19

Ka mə yaʼ amə ane ìmə ighəm, ne mo kayi àbòʼì abə wə̀d mɔ̀ʼɔ, mə fə niŋ ìmə nyɔd ane àbòʼì abə bəd məjìm ni ghì gha bəd nɔʼ nɔʼ bḛ Kristo.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

Gàlesìyà 5:1

Mbə̀ kyeri gha, Yeso Kristo fə chì awa ane anug àbòʼì. Imbə̀ʼ tì si ywìrì chùghə awa icheg məfeg. Ane, mbə̀ təm kà. Imbə̀ʼ mbə̰ bḛ awən gha wə̀d mɔ̀ʼɔ ghiyə mbə̀ ywirì yaʼ ìbòʼì abə mə̀nɔ̀ʼɔ̀ Muse.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

1 Tèsàlonikà 2:6

Chəyi tì yaya kə̀bə̀ gha mbə̰ kə̀ bəd ndəŋ ya ghùmnə awa.

2 Kɔrèn 11:5

Chəyi mə̀ kɔndi gha bəd mbe ne bəd mɔ̀ʼɔ mbe nìŋə ane “bədtɔm Kristo kyen kyen” mbe bèrì ati chè amə.

1 Kɔrèn 1:1

À ya mo Pɔl tì Sostenès ne yaʼi ìwa ifi icheg ne tì yaʼi ane anug amɔʼ tì Yeso Kristo ŋwàʼri àŋwàʼrì azo̰. Ŋwiye ya chɔʼ amə icheg ne məd kə̀bi gha mə yaʼ wə̀dtɔm Kristo.

Rm 11:13

Mə ya bə̀ ghàmà inən mbə̰ mbe ne kayi mə̀Ju. Icheg ne mo ya wə̀dtɔm Kristo abə bəd ne kayi mə̀Ju, mə ya kə̀bə̀ ni zì atog ane àfàʼì ze ne Ŋwiye chɔ̀ʼi amə gha mə faʼa.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Ɨ̀fàʼì 14:14

Si ya gha, anyumə̀ ne bədtɔm mbe ne ya Bànabàs tì Pɔl, ya zughi anug ze, mbi ya sètì ìtɔb ndwi imbə̀ʼ icheg ne chəyi mbi ya kɔ̀ŋi. Ane, mbi ya nòrò ghò inga inɔ̰ bəd we, se yḛ̀ nè kyḛ gha,

Ɨ̀fàʼì 14:4

Bəd mbe inga asiŋi ze ya ghàpà ane iba ibe. Mbi mɔ̀ʼɔ ya bḛ inug mbe ne mə̀Ju yaya ghà. Mə̀mbin ya bḛ yaʼ inug mbe ne bədtɔm Kristo yaya ghà.

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Ɨ̀fàʼì 9:5

Sɔl ya biri gha, “Anɔŋisəg, Àghò kə we?” Gì ze ya ywìtì gha, “À ya mo Yeso we ne àghò we chɔ̀ʼɔ ìmbum ibɔʼì ighog.

1 Kɔrèn 10:29

Mə ya ghà fìŋ wə̀d we ne kàʼi awən, kayi mə ghàmà imbə̀ʼ ìtən fìŋ. Aton ne fìŋ wə̀d ndəŋ biri se sàʼa aməd ane aghi ne mə jə̀ghə kə̀ ane aghi ne chəyi mə̀ jə̀ghə àkə gha?

1 Kɔrèn 10:30

Mə kə mə̀ jəg tijəg te nàʼ məyakà abə Ŋwiye, ze wa bə? Aton ne mbe ghàmbà amə àkə gha, ne mə jə̀ghə tijəg te nàʼà məyakà abə Ŋwiye?

1 Kɔrèn 11:16

Wə̀d mə kə̀b ni tàŋì anug azo̰, wì kyeri gha chəyi mba kə̀ tifeti bəd Ŋwiye beri ikuchèg ndəŋ ni ghumni Ŋwiye angu.

2 Kɔrèn 10:7

Mbə̰ ya nḛ̀ ighi məyi asaŋ asaŋ. Wə̀d ne kyeri gha zìye ya wə̀d Kristo, wì bə kyèri gha mba ya bə̀ bəd Kristo kwàʼ icheg məd.