1 Kɔrèn 8:3 - Ikan feg

³ Ŋwiye kyèri wə̀d ne kɔ̀ŋi aməd.

Meta’

³ Ŋwìə̀ ə kyerɨ wə̀d we nɨ ghaʼ əməd.

1 Kɔrèn 8:3 Referans Kwoze

2 Timotì 2:19

Si ya gha, ati nəb ka ka ze ne Ŋwiye ya fə zi, ze təm kà. Mbe ŋwàʼrì igun gha; “Anɔŋisəg kyèri bəd mbe ne yaʼi ìmbi məd” bə̀ ŋwàʼrì gha, “Wə̀d ijìm ne bḛ gha zìye ya wə̀d Anɔŋisəg Yeso, wì mənyìʼ waʼ inug tibɔ̀ŋ”.

1 Kɔrèn 2:9

Mbe ŋwàʼrì inga Àŋwàʼrì Ŋwiye gha, “Anug ne chəyi wə̀d kə kweʼì bàd, ne chəyi wə̀d kə̀ kweʼì zug, kə̀ bì kweʼì kɔ̀ndi inga fìŋ, à ya anug ne Ŋwiye fə chuʼri nɔ̀ŋì abə bəd mbe ne kɔ̀ŋɔ̀ aməd.”

Gàlesìyà 4:9

Amad anìŋ ne mbə̀ kyeri Ŋwiye, ne Ŋwiye fə bə kyeri awən, mbə̀ kə ywìrè zùghrə izwighi mbe ne sàʼa isəg gho̰ ne chəyi mbi beri ika ane aghə? Mbə kə ywìrè kə̀bə̀ ni bḛ ìbòʼì abə izwighi mbe?

Ɨnû 2:19

Mə kyèri inug mbe ne àghò we ghìyə̀. Mə kyèri icheg ne àghò kɔ̀ŋi ìmbe məfi fɔrɔ ìte njàbi bə̀ kyèri gha àghò fə nɔ̀ŋì ìze fìŋ igun inum. Mə bə̀ kyèri gha àghò we fàʼà bə̀ nyìʼè inug aton ngəʼ. Ìfàʼì mbe ne àghò si nwḭ̀yḛ̀ fàʼ, mbe chè mbi mbègtog.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Jn 10:14

Àsi mo, mo ya àjənjə̀g chɔm. Mə kyèri ìtum njə̀g. Ìtum njə̀g bə̀ kyèri amə.

Matìyò 7:23

Mə biri si ghà inɔb gha, ‹Chəyi mə̀ kyeri awən. Mbə̀ kye iban inum. Mbə̰ ya bəd ne ghìyə̀ inug tibɔ̀ŋ!›”

1 Jɔn 4:19

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Jn 21:17

Wì ya ywìrì bìri ibo ane ighə̀m ne pè ane itad gha, “Sayimùn, ŋwan Jɔn, àghò kɔ̀ŋ amə?” Pità ya gaŋ gha Yeso ywìrì bìri ane ighə̀m ne pè ane itad gha, “Àghò kɔ̀ŋ amə?” Wì ya si ywìtì gha, “Anɔŋisəg, àghò kyèri inug ijìm. Àghò kyèri gha mə kɔ̀ŋ awe.” Yeso ya bə̀ si ghà ibo gha, “Àghò jə ìtum njə̀g

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Rm 11:2

Chəyi Ŋwiye ya to̰ bəd məd mbe ne wì ya fə chɔʼi bɔŋ se tànga isəg. Àkə chəyi mbə̀ kyeri anug ne Àŋwàʼrì Ŋwiye gha imbə̀ʼ Èlayijà, ane icheg ne wì ya boʼi ibo abə Ŋwiye imbə̀ʼ mə̀Izre?

1 Kɔrèn 13:12

Amad anìŋ, tì we bàrà inug mbi ndwìʼrè. Anyumə̀ ne Kristo biri ywiri yeʼe, tì biri bàd Ŋwiye kwàʼ icheg chɔm. Amad anìŋ, mə kyèri məyi inug mɔ̀ʼɔ imbə̀ʼ Ŋwiye. Si ya gha, nyùmə̀ we yèʼe ne Yeso Kristo biri bə̀ndì yeʼe. Anyumə̀ we, mə biri taŋ kyeri Ŋwiye kwàʼ icheg ne Ŋwiye kyèri amə.

1 Jɔn 4:7

Ìmbum mə̀sə̀ʼ, mbə̀ ghiyə tì ya kɔ̀ŋɔ̀ mə̀mbin imbə̀ʼ icheg ne àkɔ̀ŋì ya nɔ̀ʼɔ̀ abə Ŋwiye. Wə̀d we ne kɔ̀ŋɔ̀ bəd, məd ya wə̀d Ŋwiye bə̀ yaʼ wə̀d ne kyeri Ŋwiye.